New electric scooters : ఒకేసారి 5 ఎలక్ట్రిక్ స్కూటర్లను దింపిన విన్ఫాస్ట్- రెట్రో స్టైల్తో!
VinFast electric scooters : ఎలక్ట్రిక్ ఎస్యూవీలతో ఇండియాలోకి గ్రాండ్ ఎంట్రీ ఇచ్చిన దిగ్గజ ఆటోమొబైల్ సంస్థ విన్ఫాస్ట్.. ఇప్పుడు ఎలక్ట్రిక్ స్కూటర్స్ని కూడా తీసుకొచ్చింది. ఆటో ఎక్స్పో 2025లో వీటిని ప్రదర్శించింది. ఈ మోడల్స్కి సంబంధించిన వివరాలను ఇక్కడ తెలుసుకోండి..
వియత్నామీస్ వాహన తయారీ సంస్థ విన్ఫాస్ట్ 2025 ఆటో ఎక్స్పోలో భారత మార్కెట్లోకి అధికారికంగా ప్రవేశించింది. త్వరలో ఇండియాలో లాంచ్ చేయనున్న అనేక మోడల్స్ని సంస్థ ఇప్పటికే ప్రదర్శించింది. విన్ఫాస్ట్ వీఎఫ్ 7, వీఎఫ్ 3, వీఎఫ్ 9 వంటి ఎలక్ట్రిక్ ఎస్యూవీలను భారతీయులకు పరిచయం చేసింది. ఇక ఇప్పుడు ఈ కంపెనీ తన ఎలక్ట్రిక్ స్కూటర్ల శ్రేణిని కూడా ఎక్స్పోలో ప్రదర్శించింది.
ప్రస్తుతం భారతదేశంలో అత్యంత అభివృద్ధి చెందుతున్న సెగ్మెంట్లలో ఒకటి ఎలక్ట్రిక్ టూ వీలర్ మార్కెట్, ఎలక్ట్రిక్ స్కూటర్లు. దీనిని క్యాష్ చేసుకునేందుకు ప్రయత్నంలో భాగంగానే కొత్త మోడల్స్ని సంస్థ తీసుకొచ్చింది. ఇలాంటి పరిస్థితుల్లో దేశంలో ఎలక్ట్రిక్ ద్విచక్ర వాహనాలను లాంచ్ చేయడం విన్ఫాస్ట్కు విజయాన్ని చేకూరుస్తుంది. ఈ ఎక్స్ పోలో కంపెనీ విన్ఫాస్ట్ ఈఓ ఎస్, థియోన్ ఎస్, క్లారా ఎస్, ఫెలిజ్ ఎస్, వెంటో ఎస్, డ్రెగ్న్ఫ్లై సహా అనేక ఈ2డబ్ల్యూలను ప్రదర్శించింది. ఈ మోడల్స్కి చెందిన వివరాలను ఇక్కడ తెలుసుకోండి..
విన్ఫాస్ట్ ఎలక్ట్రిక్ ద్విచక్ర వాహనాలు
విన్ఫాస్ట్ ఈఓ ఎస్ ఎలక్ట్రిక్ స్కూటర్ రెట్రో స్టైలింగ్తో కూడిన ఎలక్ట్రిక్ స్కూటర్. ఎక్స్ పోలో ప్రదర్శించినది ప్రకాశవంతమైన పసుపు రంగు ఆప్షన్ని కలిగి ఉంది. ఇది 3.5 కిలోవాట్ల బ్యాటరీ ప్యాక్తో పనిచేస్తుంది. విన్ఫాస్ట్ థియోన్ ఎస్లో డ్యూయల్ ప్రొజెక్టర్ హెడ్లైట్స్ని అమర్చారు. ఇది 3.5 కిలోవాట్ల బ్యాటరీని ఉపయోగిస్తుంది. ముందు, వెనుక 16-ఇంచ్ చక్రాలతో వస్తుంది.
విన్ఫాస్ట్ క్లారా ఎస్ ఎలక్ట్రిక్ స్కూటర్ రెట్రో, ఆధునిక డిజైన్ అంశాలను మిళితం చేస్తుంది. ఈ మోడల్లో 14 ఇంచ్ ఫ్రెంట్ వీల్, 12 ఇంచ్ రేర్ వీల్, 3.5 కిలోవాట్ల బ్యాటరీ ప్యాక్ ఉన్నాయి. విన్ఫాస్ట్ ఫెలిజ్ ఎస్ కాంపాక్ట్, మినిమలిస్ట్ డిజైన్ని కలిగి ఉంది. ఇందులో 16 ఇంచ్ ఫ్రెంట్ వీల్, 14 ఇంచ్ రేర్ వీల్, ఫ్రంట్ డిస్క్ బ్రేక్ ఉన్నాయి. ఇది 3.5 కిలోవాట్ల బ్యాటరీ ప్యాక్తో వస్తుంది.
విన్ఫాస్ట్ వెంటో ఎస్ ఎలక్ట్రిక్ స్కూటర్ని సెన్సిటివ్ కలర్ స్కీమ్లో ప్రదర్శించారు. ఇది 3.5 కిలోవాట్ల బ్యాటరీని ఉపయోగిస్తుంది. రెండు వైపులా 12-ఇంచ్ వీల్స్, ఫ్రంట్ డిస్క్ బ్రేక్ కలిగి ఉంది. విన్ఫాస్ట్ డ్రగ్న్ ఫ్లై ఒక కాంపాక్ట్ ఎలక్ట్రిక్ సైకిల్, ఇది సరళమైన డిజైన్, మెరుగైన టైర్లను అమర్చిన స్పోక్డ్ వీల్స్ కలిగి ఉంటుంది. 47.2వీ 13.6ఏహెచ్ బ్యాటరీ, ఫ్రంట్, రేర్ డిస్క్ బ్రేకులు ఇందులో ఉన్నాయి.
రానున్న రోజుల్లో ఈ ఎలక్ట్రిక్ స్కూటర్ల ధరలు, రేంజ్, లాంచ్లపై మరింత క్లారిటీ వచ్చే అవకాశం ఉంది.
సంబంధిత కథనం