Free OTT subscriptions : ప్రముఖ ఓటీటీ ప్లాట్​ఫామ్స్​కి 'ఫ్రీ' సబ్​స్క్రిప్షన్​- సినిమా లవర్స్​కి పండగే!

మీరు సినిమా ప్రియులా? ఓటీటీలో విపరీతంగా సినిమాలు చూసే అలవాటు ఉందా? ఓటీటీ ప్లాట్​ఫామ్స్​ ఫ్రీగా దొరికితే బాగుంటుంది అని భావిస్తున్నారా? అయితే ఇది మీకోసమే! పూర్తి ధర చెల్లించకుండా జీ 5, సోనీ లివ్​తో పాటు మరెన్నో ప్రజాదరణ పొందిన ఓటీటీ యాప్స్​ని యాక్సెస్ చేయడానికి సులభమైన మార్గం ఉంది. ఫ్లిప్​కార్ట్​కి చెందిన ప్రత్యేకమైన "సూపర్ కాయిన్: రివార్డ్స్ సిస్టమ్​ని ఉపయోగించి ఉచితంగా లేదా డిస్కౌంట్​లో సబ్​స్క్రిప్షన్లను పొందొచ్చు. ఈ ఆఫర్​ని ఎలా సద్వినియోగం చేసుకోవాలో ఇక్కడ తెలుసుకోండి..

ఫ్లిప్​కార్ట్​లో ఉచితంగా ఓటీటీ సబ్ స్క్రిప్షన్​లను ఇలా అన్​లాక్​ చేయండి..

1. ఫ్లిప్​కార్ట్ ఓపెన్​ చేయండి.

ఫ్లిప్​కార్ట్​ యాప్ లేదా వెబ్​సైట్​ని ఓపెన్​ చేయండి. హోమ్ పేజీలో, సూపర్ కాయిన్ ఆప్షన్​ని ట్యాప్ చేయండి. అక్కడ మీరు సంపాదించిన కాయిన్స్​ సంఖ్యను చూడవచ్చు.

2. మీ ఓటీటీ సబ్ స్క్రిప్షన్ఎంచుకోండి..

"ఉచిత ఓటీటీ సబ్​స్క్రిప్షన్​లను పొందండి" అనే బ్యానర్ కోసం చూడండి. దానిపై క్లిక్ చేస్తే సోనీ లివ్, జీ5, టైమ్స్ ప్రైమ్ ప్రీమియం ప్యాక్, గానా, ఓటీటీ ప్లే వంటి అందుబాటులో ఉన్న ఓటీటీ ప్లాట్​ఫామ్స్​ కనిపిస్తాయి. కొన్ని సబ్ స్క్రిప్షన్​లకు సూపర్ కాయిన్​లు మాత్రమే అవసరం, మరికొన్నింటికి మీ కాయిన్స్​ ఉపయోగించడంతో పాటు సబ్​స్క్రిప్షన్ ఫీజులో కొంత భాగాన్ని చెల్లించాల్సి ఉంటుంది.

3. మీ కూపన్ కోడ్ పొందండి..

మీకు కావాల్సిన ఓటీటీ సబ్​స్క్రిప్షన్ ఎంచుకోండి. 'యూజ్ కాయిన్' ఆప్షన్​పై క్లిక్ చేసిన తర్వాత మీ ఫ్లిప్​కార్ట్​ అకౌంట్లోని 'మై రివార్డ్స్' విభాగంలో కూపన్ కోడ్ జనరేట్ అయి సేవ్ అవుతుంది.

4. కూపన్​ ఉపయోగించుకోండి..

మీరు ఎంచుకున్న ఓటీటీ సర్వీస్ వెబ్​సైట్​కి కూపన్​ని రీడీమ్ చేయండి. మీ మొబైల్ నెంబరుతో సైన్ ఇన్ చేయండి, మెగా మెనూకు నావిగేట్ చేయండి. "యాక్టివేట్ ఆఫర్" ఎంచుకోండి. ఇక్కడ, మీ సబ్​స్క్రిప్షన్ క్లెయిమ్ చేయడానికి కూపన్ కోడ్​ను ఇవ్వండి.

5. పేమెంట్​ పూర్తి చేయండి..

కొన్ని ప్లాట్​ఫామ్​లకు సూపర్ కాయిన్​లు ప్రధాన భాగాన్ని కవర్ చేస్తున్నప్పటికీ, మీరు ఇంకా సబ్​స్క్రిప్షన్ ఫీజులో కొంత మొత్తాన్ని చెల్లించాల్సి ఉంటుంది. మీ కూపన్ అప్లై చేసిన తరువాత, తగ్గించిన మొత్తాన్ని చెల్లించండి, మీ సబ్ స్క్రిప్షన్ యాక్టివేట్ అవుతుంది.

వినోదానికి మించి, ఫ్లిప్​కార్ట్​ సూపర్ కాయిన్స్.. వివిధ ఉత్పత్తులు, సేవలపై కూడా డిస్కౌంట్లు వంటి మరిన్ని ప్రయోజనాలను అందిస్తోంది. మీ సూపర్ కాయిన్లను తెలివిగా ఉపయోగించడం ద్వారా, మీరు డబ్బును ఆదా చేసుకోవచ్చు. మంచి డీల్స్​ కూడా పొందొచ్చు.

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవ్వండి..