Citroen cars benefits : సిట్రోయెన్​ కార్లపై 1.75లక్షల వరకు బెనిఫిట్స్​- త్వరపడండి..

ఈ ఏడాది రెండు నెలల్లో వాహనల ధరలను పెంచిన ఆటోమొబైల్​ సంస్థలు ఇప్పుడు తమ పోర్ట్​ఫోలియోలోని మోడల్స్​పై ఆఫర్స్​, బెనిఫిట్స్​ని ప్రకటిస్తున్నాయి. ఈ జాబితాలో సిట్రోయెన్​ ఇండియా సైతం తాజాగా చేరింది. రూ .1.75 లక్షల వరకు ప్రయోజనాలు 2025 మార్చి 31 వరకు అందుబాటులో ఉంటాయి. ఈ నేపథ్యంలో ఈ ఈ బెనిఫిట్స్​కి సంబంధించిన వివరాలను ఇక్కడ తెలుసుకోండి..

సిట్రోయెన్ ఈసీ3..

సిట్రోయెన్ ఈసీ3 ఎంవై23 మోడళ్లపై రూ.80,000 వరకు బెనిఫిట్స్ అందిస్తోంది ఈ ఆటోమొబైల్​ సంస్థ. భారత మార్కెట్​లో ఈ బ్రాండ్ విక్రయించే ఏకైక ఎలక్ట్రిక్ కారు ఇది! ఈ ఈవీ ధర రూ.12.76 లక్షల నుంచి ప్రారంభమై రూ.13.41 లక్షల వరకు ఉంది. రెండు ధరలు ఎక్స్-షోరూమ్. ఈసీ3 ఫీల్, షైన్ అనే రెండు వేరియంట్లలో లభిస్తుంది. ఇందులో 29.2 కిలోవాట్ల బ్యాటరీ ప్యాక్ ఉంది. ఇందులోని ఎలక్ట్రిక్​ మోటార్​ గరిష్టంగా 56బీహెచ్​పీ పవర్, 143ఎన్ఎమ్ పీక్​ టార్క్​ని జనరేట్​ చేస్తుంది.

సిట్రోయెన్ సీ3..

ఇండియన్ మార్కెట్​లో సిట్రోయెన్​కి ఉన్న బెస్ట్​ సెల్లింగ్​ ప్రాడక్ట్స్​లో ఒకటి ఈ సీ3. ఈ బ్రాండ్ లాంచ్ చేసిన మొదటి కారు ఇదే. లైవ్, ఫీల్, షైన్ అనే మూడు వేరియంట్లలో ఈ హ్యాచ్​బ్యాక్ లభిస్తుంది. టాప్ ఎండ్ షైన్ వేరియంట్​లో కూడా వైబ్ ప్యాక్ లభిస్తుంది. సీ3 ధర రూ.6.16 లక్షల నుంచి రూ.10.15 లక్షల మధ్యలో ఉంది. రెండు ధరలు ఎక్స్-షోరూమ్. ఇది నేచురల్లీ ఆస్పిరేటెడ్ పెట్రోల్ ఇంజిన్ లేదా టర్బోఛార్జ్​డ్​ పెట్రోల్ ఇంజిన్​ని కలిగి ఉంటుంది. నేచురల్ ఆస్పిరేటెడ్ ఇంజిన్ 81బీహెచ్​పీ పవర్, 115ఎన్ఎమ్ టార్క్​ని ప్రొడ్యూస్ చేస్తుంది. టర్బోచార్జ్​డ్ ఇంజిన్ 108బీహెచ్​పీ పవర్, 205ఎన్ఎమ్ టార్క్ ప్రొడ్యూస్ చేస్తుంది. బేస్ ఇంజిన్ 5-స్పీడ్ మ్యాన్యువల్ ట్రాన్స్​మిన్​ని పొందుతుంది. టర్బో ఇంజిన్ 6-స్పీడ్ మాన్యువల్ గేర్​బాక్స్​, 6-స్పీడ్ టార్క్ కన్వర్టర్ ఆటోమేటిక్ యూనిట్​ని పొందుతుంది. ప్రస్తుతం సీ3 కారుపై రూ.లక్ష బెనిఫిట్స్ లభిస్తున్నాయి.

సిట్రోయెన్ ఎయిర్​క్రాస్​..

సిట్రోయెన్ ఎయిర్​క్రాస్​ ఎంవై 23 స్టాక్​పై రూ .1.75 లక్షల ప్రయోజనాలను అందిస్తోంది. ఎయిర్​క్రాస్ ధర రూ.8.49 లక్షల నుంచి రూ.14.55 లక్షల మధ్యలో ఉంది. రెండు ధరలు ఎక్స్-షోరూమ్. ఈ ఎస్​యూవీని 1.2-లీటర్ టర్బో పెట్రోల్ ఇంజిన్​​తో మాత్రమే సంస్థ అందిస్తోంది. ఇది 6-స్పీడ్ మాన్యువల్ గేర్​బాక్స్ లేదా 6-స్పీడ్ టార్క్ కన్వర్టర్ ఆటోమేటిక్ ట్రాన్స్​మిషన్​తో కనెక్ట్​ చేసి ఉంటుంది.

సిట్రోయెన్ బసాల్ట్..

సిట్రోయెన్ బసాల్ట్ భారత మార్కెట్​లో అత్యంత సరసమైన కూపే ఎస్​యూవీ. 1.70 లక్షల వరకు బెనిఫిట్స్ లభిస్తున్నాయి. అయితే, ఈ ప్రయోజనాలు ఎంవై 24 స్టాక్​పై మాత్రమే లభిస్తాయి. దీని ధర రూ.8.25 లక్షల నుంచి రూ.14 లక్షల మధ్యలో ఉంది. రెండు ధరలు ఎక్స్-షోరూమ్.

సిట్రోయెన్​ వాహనాల బెనిఫిట్స్​కి సంబంధించిన పూర్తి వివరాలు తెలుసుకునేందుకు మీ సమీపంలోని డీలర్​షిప్​షోరూమ్​ని సందర్శించాల్సి ఉంటుంది.