మైలేజ్​లో ఈ స్కూటర్​ తోపు- టీవీఎస్​ జూపిటర్​ 125 సీఎన్జీతో పెట్రోల్​ ఖర్చులు భారీగా ఆదా..

ట్రాఫిక్​ సమస్యలు, రోడ్డు సరిగ్గా లేకపోవడం వంటి కారణాల వల్ల ఇటీవలి కాలంలో వాహనాల మైలేజ్​ తగ్గిపోతోంది. మార్కెట్​లో ఉన్న 2 వీలర్​ స్కూటర్స్​ చాలా వరకు 45- 55 కి.మీ మైలేజ్​నే ఇస్తున్నాయి. ఫలితంగా పెట్రోల్​ ఖర్చులు పెరుగుతున్నాయి. అయితే, అత్యధిక మైలేజ్​ కలిగిన ఒక స్కూటర్​ ఇండియాలో లాంచ్​కి రెడీ అవుతోందని మీకు తెలుసా? ఈ స్కూటర్​ 226 కి.మీ మైలేజ్​ ఇస్తుందని మీకు తెలుసా? టీవీఎస్​ మోటార్​ కంపెనీ తీసుకొస్తున్న ప్రపంచంలోనే మొట్టమొదటి సీఎన్జీ స్కూటర్​ అయిన జూపిటర్​ 125 సీఎన్జీ గురించి, దాని లాంచ్​- ధర అంచనాల గురించి మీరు తెలుసుకోవాల్సిందే..

టీవీఎస్​ జూపిటర్​ సీఎన్జీ స్కూటర్​ వివరాలు..

2025 జనవరిలో జరిగిన భారత్​ మొబిలిటీ ఎక్స్​పోలో ఈ టీవీఎస్​ జూపీటర్​ 125 సీఎన్జీ కాన్సెప్ట్​ని సంస్థ ప్రదర్శించింది. ఇది అందరి దృష్టిని ఆకర్షించింది. ఇది స్టాండర్డ్ జూపిటర్ 125 ఆధారంగా తయారవుతోంది.

ప్రపంచ మార్కెట్​లో మొదటి సీఎన్జీ బైక్​గా బజాజ్​ ఫ్రీడమ్​ 125 గుర్తింపు తెచ్చుకుంది. అన్ని అనుకున్నట్టు జరిగితే.. ప్రపంచంలోనే తొలి సీఎన్జీ స్కూటీగా జూపిటర్​ 125 సీఎన్జీ నిలుస్తుంది.

కొత్త టీవీఎస్ జూపిటర్ 125 సీఎన్జీ 1.4 కిలోల సామర్థ్యంతో 9-లీటర్ సీఎన్జీ ట్యాంక్​ని కలిగి ఉంది. సీఎన్జీ సిలిండర్​ని సీటు కింద అమర్చారు. సాధారణ జూపిటర్ 125లో అండర్-సీట్ బూట్​ ఉంటుంది.

టీవీఎస్ జూపిటర్ సీఎన్జీ పెట్రోల్ ట్యాంక్ సామర్థ్యాన్ని ఐదు లీటర్ల నుంచి రెండు లీటర్లకు తగ్గించారు. ట్యాంక్ ఇప్పటికీ ఫ్లోర్​బోర్డ్ కింద ఉంటుంది. అప్రాన్ వెనుక అమర్చిన బాహ్య ఇంధన ఫిల్లర్ ద్వారా పెట్రోల్​ నింపవచ్చు. ఫ్లోర్​బోర్డ్ ప్రాంతంలో రెండు హుక్​లు, ఒక స్టోరేజ్ స్పేస్ ఉన్నాయి. ఇది స్కూటర్ కోసం కొన్ని స్టోరేజ్ ఆప్షన్స్​ని ఇస్తుంది.

టీవీఎస్ జూపిటర్ 125 సీఎన్జీ: ఫ్యూయెల్ ఎఫీషియెన్సీ..

స్కూటర్.. ఒక్క కిలో సీఎన్జీకి 84 కిలోమీటర్లు ప్రయాణించగలదని కంపెనీ చెప్పింది. మొత్తం మీద చూసుకుంటే.. టీవీఎస్ జూపిటర్ సీఎన్జీ 226 కిలోమీటర్ల (సీఎన్జీ + పెట్రోల్) మైలేజ్​ని ఇస్తుందని తెలిపింది. స్విచ్ ఫ్లిక్ వద్ద ఫ్యూయెల్​ ఆప్షన్​ని ఎంచుకునే ఛాయిస్​ ఉటుంది. ఈ స్కూటర్ కిలోమీటరుకు రూ .1 రన్నింగ్ కాస్ట్​ ఉంటుందని బ్రాండ్ తెలిపింది.

టీవీఎస్ జూపిటర్ 125 సీఎన్జీ: స్పెసిఫికేషన్లు..

ఈ స్కూటర్​కి పవర్ 124.8 సీసీ సింగిల్ సిలిండర్ ఇంజిన్ నుంచి వస్తుంది. ఇది సీఎన్జీతో పనిచేస్తుంది. సీఎన్జీ వెర్షన్ 6,000 ఆర్​పీఎం వద్ద 7.1 బీహెచ్​పీ పవర్​ని, 5,500 ఆర్​పీఎం వద్ద 9.4 ఎన్ఎమ్ గరిష్ట టార్క్​ని జనరేట్​ చేస్తుంది. ఈ స్కూటర్​ టాప్​ స్పీడ్​ 80 కేఎంపీహెచ్​.

విజువల్​గా చూసుకుంటే, స్టాండర్డ్​ టీవీఎస్​ జూపిటర్​ 125కి జూపిటర్​ సీఎన్జీ స్కూటర్​కి పెద్దగా తేడా ఉండదు. కింద సీఎన్జీ సిలిండర్ ఉన్నప్పటికీ సాధారణ జూపిటర్ 125 కంటే సీట్​ హైట్​ పెద్దగా మారకపోవడం విశేషం.

టీవీఎస్​ జూపిటర్​ 125 సీఎన్జీ- లాంచ్​, ధర (అంచనా)

పలు మీడియా కథనాల ప్రకారం ఈ టీవీఎస్​ జూపిటర్​ సీఎన్జీ స్కూటర్​ ఈ ఏడాది అక్టోబర్​లో లాంచ్​ అవుతుంది. దీని ఎక్స్​షోరూం ధర రూ. 95లక్షల నుంచి రూ. 1లక్షల మధ్యలో ఉండొచ్చు.

అయితే, లాంచ్​, ధరకు సంబంధించిన వివరాలను సంస్థ అధికారికంగా గుర్తించాల్సి ఉంది.