Best family car : కస్టమర్స్కి షాక్! బెస్ట్ సెల్లింగ్ ఫ్యామిలీ కారు ధరను పెంచిన టయోటా..
Toyota Innova Hycross price : టయోటా సంస్థ కస్టమర్స్కి షాక్ ఇచ్చింది! ఈ బెస్ట్ సెల్లింగ్ ఫ్యామిలీ 7 సీటర్ కారు ధరను పెంచింది. కొత్త ధరలతో పాటు ఆయా వేరియంట్ల వెయిటింగ్ పీరియడ్ వివరాలను ఇక్కడ తెలుసుకోండి..
నూతన ఏడాది సమీపిస్తున్న తరుణంలో వివిధ ఆటోమొబైల్ సంస్థలు తమ పోర్ట్ఫోలియోలోని వాహనాల ధరలను పెంచుతూ కస్టమర్స్కి షాక్ ఇస్తున్నారు. ఈ జాబితాలోకి టయోటా కూడా చేరింది. టయోటా కిర్లోస్కర్ మోటార్కి చెందిన బెస్ట్ సెల్లింగ్ ఇన్నోవా హైక్రాస్ ఎంపీవీ ధరలు పెరిగాయి. 1 లక్ష మైలురాయిని అధిగమించిన కొన్ని వారాలకే ఈ 7 సీటర్ ధరలు పెరగడం గమనార్హం.
టయోటా ఇన్నోవా హైక్రాస్ లోయర్ వేరియంట్లు రూ .17,000, టాప్ ఎండ్ వేరియంట్లు రూ .36,000 వరకు ధరలు పెరిగాయి. అలాగే, ఎంపీవీ లో ఎండ్ వేరియంట్లు ఇప్పుడు సుమారు 45 రోజుల వెయిటింగ్ పీరియడ్ని కలిగి ఉన్నాయి. అయితే అధిక వేరియంట్లు ఆరు నెలల వెయిటింగ్ పీరియడ్తో వస్తాయి.
టయోటా ఇన్నోవా హైక్రాస్ ధరల వివరాలు..
టయోటా ఇన్నోవా హైక్రాస్ జీఎక్స్, జీఎక్స్ (ఓ), వీఎక్స్, వీఎక్స్ (ఓ), జెడ్ఎక్స్, జెడ్ఎక్స్ (ఓ) అనే ఆరు ట్రిమ్ ఆప్షన్లలో లభిస్తుంది. ఎంట్రీ లెవల్ హైక్రాస్ జీఎక్స్, జీఎక్స్ (ఓ) వేరియంట్ల ధరలు రూ.17,000 వరకు, మిడ్-స్పెక్ వీఎక్స్, వీఎక్స్ (ఓ) వేరియంట్ల ధరలు రూ.35,000 వరకు పెరిగాయి. టయోటా ఇన్నోవా హైక్రాస్ టాప్ 2 వేరియంట్లు జెడ్ఎక్స్, జెడ్ఎక్స్ (ఓ) ప్రీ-హైక్ ధరతో పోలిస్తే ఇప్పుడు రూ .36,000 ఎక్కువ.
టయోటా ఇన్నోవా హైక్రాస్: వెయిటింగ్ పీరియడ్
పెట్రోల్తో నడిచే టయోటా ఇన్నోవా హైక్రాస్ ఇప్పుడు 45 రోజుల నుంచి రెండు నెలల వెయిటింగ్ పీరియడ్ను కలిగి ఉంది. పెట్రోల్ హైబ్రిడ్ వీఎక్స్, వీఎక్స్(ఓ) వేరియంట్లకు 45 రోజుల వెయిటింగ్ పీరియడ్ ఉండగా.. టాప్-స్పెక్ జెడ్ఎక్స్, జెడ్ఎక్స్(ఓ) వేరియంట్లను ఆరు నెలల్లోనే డెలివరీ పొందొచ్చు.
బ్లాకిష్ అగెహా గ్లాస్ ఫ్లేక్, సూపర్ వైట్, ప్లాటినం వైట్ పెర్ల్, సిల్వర్ మెటాలిక్, యాటిట్యూడ్ బ్లాక్ మైకా, స్పార్కింగ్ బ్లాక్ పెర్ల్ క్రిస్టల్ షైన్ మరియు అవంత్ గార్డ్ బ్రాంజ్ మెటాలిక్ వంటి అనేక రకాల ఎక్ట్సీరియర్ కలర్ ఆప్షన్లలో లభిస్తుంది. టయోటా ఇన్నోవా హైక్రాస్ అనేది టయోటా ఇన్నోవా క్రిస్టా ప్రీమియం వర్షెన్. టయోటా ఇన్నోవా హైక్రాస్ ఎంట్రీ లెవల్ వేరియంట్లలో ఆటోమేటిక్ గేర్ బాక్స్తో కనెక్ట్ చేసిన 2.0-లీటర్ పెట్రోల్ ఇంజన్ ఉంది. అయితే హై ఎండ్ వేరియంట్లు స్ట్రాంగ్ హైబ్రిడ్ టెక్నాలజీతో 2.0-లీటర్ పెట్రోల్ ఇంజిన్తో లభిస్తాయి.
నవంబర్ 2022లో లాంచ్ అయిన ఈ పాప్యులర్ ఎంపీవీ.. తాజాగా 1 లక్ష సేల్స్ మైలురాయిని చేరుకుందని సంస్థ వెల్లడించింది. 7 సీటర్, 8 సీటర్ ఆప్షన్స్ ఉండటంతో ఇండియాలో ఫ్యామిలీస్కి సరిగ్గా సూట్ అయ్యే ఎంపీవీగా ఇన్నోవా హైక్రాస్ నిలిచింది. అందుకే దీనికి మార్కెట్లో విపరీతమైన డిమాండ్ కనిపిస్తోంది.
సంబంధిత కథనం