ఇండియాలో బెస్ట్​ ఫ్యామిలీ కారు ఇది- BNCAP క్రాష్​ టెస్ట్​లో సేఫ్టీ రేటింగ్​ ఎంతంటే..

ఇండియాలో బెస్ట్​ సెల్లింగ్​ ఫ్యామిలీ కారుగా గుర్తింపు తెచ్చుకున్న టయోటా ఇన్నోవా హైక్రాస్​పై బిగ్​ అప్డేట్​! తాజాగా జరిగిన బీఎన్​సీఏపీ (భారత్​ న్యూ కార్​ అసెస్​మెంట్​ ప్రోగ్రామ్​)లో ఈ ఎంపీవీ 5 స్టార్​ రేటింగ్​ దక్కించుకుంది. ఈ ఫలితంతో, హైక్రాస్ భారతదేశంలో ఎన్​సీఏపీ ద్వారా రేట్ చేసిన మొట్టమొదటి ఎంపీవీగా నిలిచింది. అంతేకాకుండా, కొత్తగా ప్రవేశపెట్టిడిన భారతీయ భద్రతా మూల్యాంకన కార్యక్రమంలో క్రాష్ టెస్ట్​కు వెళ్లిన మొదటి టయోటా మోడల్ కూడా ఇదే.

టయోటా ఇన్నోవా హైక్రాస్​ క్రాష్​ టెస్ట్​ ఫలితాలు ఇలా..

ఇన్నోవా హైక్రాస్ అడల్ట్ ఆక్యుపెంట్ ప్రొటెక్షన్ విభాగంలో 32 పాయింట్లకు గాను 30.47 పాయింట్లు సాధించి, గరిష్టంగా 5-స్టార్ రేటింగ్‌ను పొందింది. ఈ టెస్ట్ రేటింగ్‌లు జీఎక్స్​8-సీటర్ పెట్రోల్, వీఎక్స్​, జెడ్​ఎక్స్​ హైబ్రిడ్ సహా హైక్రాస్ అన్ని వేరియంట్‌లకు వర్తిస్తాయి.

ఫ్రంటల్ ఆఫ్‌సెట్ డిఫార్మబుల్ బారియర్ టెస్ట్‌లో, హైక్రాస్ 16 పాయింట్లకు గాను 14.47 పాయింట్లు సాధించింది. ఈ టెస్ట్‌లో చాలా శరీర భాగాలకు 'మంచి' రక్షణ లభించినట్లు రేటింగ్ ఇవ్వడం జరిగింది. డ్రైవర్- ఫ్రెంట్​ ప్యాసింజర్​ ఛాతీ భాగం, అలాగే డ్రైవర్ ఎడమ కాలికి 'తగినంత' రక్షణ లభించగా, మిగిలిన శరీర భాగాలుకు కూడా సరైన ప్రొటెక్షన్​ లభించింది.

సైడ్ మూవబుల్ డిఫార్మబుల్ బారియర్ టెస్ట్‌లో, ఈ ఎంపీవీ అద్భుతమైన పనితీరు కనబరిచి, 16 పాయింట్లకు గాను సంపూర్ణంగా 16 పాయింట్లు సాధించి, అన్ని విభాగాల్లో 'మంచి' రేటింగ్‌లను పొందింది. ఇది సైడ్ పోల్ ఇంపాక్ట్ టెస్ట్‌లో కూడా 'ఓకే' రేటింగ్‌తో ఉత్తీర్ణత సాధించింది.

టయోటా ఇన్నోవా హైక్రాస్- పిల్లల భద్రత..

హైక్రాస్ చైల్డ్​ ఆక్యుపెంట్ ప్రొటెక్షన్ విభాగంలో కూడా మెరుగైన పనితీరును ప్రదర్శించింది. ఇది 49 పాయింట్లకు గాను 45 పాయింట్లు సాధించి మరో 5 స్టార్ రేటింగ్‌ను పొందింది. ఈ ఎంపీవీ డైనమిక్ క్రాష్ టెస్ట్‌లో (24/24), సీఆర్​ఎస్​ (చైల్డ్ రెస్ట్రెయింట్ సిస్టమ్) ఇన్‌స్టాలేషన్ స్కోర్‌లో (12/12) పూర్తి మార్కులను పొందింది. వాహన అంచనా విభాగంలో ఇది 13 పాయింట్లకు గాను 9 పాయింట్లు సాధించింది.

ఈ టెస్ట్ కోసం 18 నెలలు, 3 సంవత్సరాల వయస్సు గల పిల్లలను సూచించే డమ్మీలను ఉపయోగించారు. ఈ డమ్మీలను ISOFIX-అనుకూల టయోటా ఎంఐడీఐ ఐ-సైజ్ సీట్లలో వెనుక వైపుకు అమర్చి సురక్షితంగా ఉంచారు.

టయోటా ఇన్నోవా హైక్రాస్- భద్రతా ఫీచర్లు..

టయోటా ఇన్నోవా హైక్రాస్‌లో ప్రామాణికంగా సమగ్ర భద్రతా ఫీచర్లను అందించింది. వీటిలో ఆరు ఎయిర్‌బ్యాగ్‌లు, ISOFIX చైల్డ్ సీట్ మౌంట్‌లు, ఏబీఎస్​ విత్ ఈబీడీ, ఎలక్ట్రానిక్ స్టెబిలిటీ కంట్రోల్, సీట్ బెల్ట్ రిమైండర్‌లు, హిల్-స్టార్ట్ అసిస్ట్ ఉన్నాయి.

టాప్-స్పెక్ జెడ్​ఎక్స్​ (ఓ) వేరియంట్‌లో లేన్-కీపింగ్ అసిస్ట్, అడాప్టివ్ క్రూయిజ్ కంట్రోల్ వంటి అడాస్​ (అడ్వాన్స్‌డ్ డ్రైవర్-అసిస్టెన్స్ సిస్టమ్స్) ఫీచర్లు కూడా ఉన్నాయి.