Toyota Innova EV : బెస్ట్​ సెల్లింగ్​ టయోటా ఇన్నోవా ఎంపీవీకి ‘ఈవీ’ టచ్​.. అదిరిపోయిందంతే!

అంతర్జాతీ ఎలక్ట్రిక్​ వాహనాల సెగ్మెంట్​లో మరో విప్లవం! భారత్​ సహా అనేక దేశాల్లో, వివిధ పేర్లతో బెస్ట్​ సెల్లింగ్​ ఎంపీవీగా కొనసాగుతున్న టయోటా ఇన్నోవాకు “ఈవీ” టచ్​ ఇచ్చేందుకు సంస్థ ఏర్పాట్లు చేసుకుంటోంది. ఇందులో భాగంగానే జకార్తా వేదికగా జరిగిన ఇండోనేషియా ఇంటర్నేషనల్​ మోటార్​ షోలో ఇన్నోవా ఈవీ కాన్సెప్ట్​ వర్షెన్​ని ప్రదర్శించింది. ఈ నేపథ్యంలో ఈ మోడల్​పై ఇప్పటివరకు ఉన్న అందుబాటులో ఉన్న వివరాలను ఇక్కడ తెలుసుకోండి..

టయోటా ఇన్నోవా ఈవీ..

ఆటో షోలో ప్రదర్శించిన ఇన్నోవా ఈవీ.. సౌత్ ఈస్ట్ ఏషియా మార్కెట్లలో విక్రయించే కియాంగ్ ఇన్నోవా మోడల్ ఆధారంగా రూపొందించినట్టు స్పష్టమవుతోంది. జాపనీస్ ఆటో దిగ్గజం ప్రకారం.. ఈ ఇన్నోవా ఈవీ కాన్సెప్ట్ త్వరలో ప్రాడక్షన్​ స్టేజ్​కి వెళుతుంది. ఆ తర్వాత సేల్స్​ ప్రారంభమవుతాయి.

ఆసియా మార్కెట్లలో టయోటా మోటార్ నుంచి అత్యంత ప్రాచుర్యం పొందిన మోడళ్లలో ఇన్నోవా ఒకటి. మరీ ముఖ్యంగా భారతదేశంలో, టయోటా ఎంపీవీకి చెందిన రెండు వర్షెన్లకు సూపర్​ డిమాండ్​ ఉంది. ఇన్నోవా హైక్రాస్ అనేది ఇన్నోవా క్రిస్టా ఐసీఈ ఇంజిన్​కి బలమైన హైబ్రిడ్ వర్షెన్.

ఈ టయోటో ఇన్నోవా ఎలక్ట్రిక్​ కారుపై సంస్థ భారీ ఆశలే పెట్టుకుంది. ఐసీఈ ఇంజిన్​తో పాటు ఈ మోడల్​ కూడా బంపర్​ హిట్​ కొట్టి, సంస్థ సేల్స్​ని పెంచుతుందని ఆశిస్తోంది.

టయోటా ఇన్నోవా ఈవీ- బ్యాటరీ వివరాలు..

టయోటా ఇన్నోవా ఎలక్ట్రిక్ ఎంపీవీ కాన్సెప్ట్ వర్షెన్ 59.3 కిలోవాట్ల లిథియం-అయాన్ బ్యాటరీ ప్యాక్​తో వస్తుంది. ఇది ఏసీ, డీసీ ఛార్జింగ్ సిస్టమ్​లకు అనుకూలంగా ఉంటుంది. ఇన్నోవా ఈవీ ఎలాంటి రేంజ్​ని అందిస్తుందనే దానిపై టయోటా ఎటువంటి వివరాలను వెల్లడించలేదు. అయితే కార్ల తయారీ సంస్థ ఈవీ పవర్ ఓట్​పుట్​ని వెల్లడించింది. ఇది సుమారుగా 180బీహెచ్​పీ పవర్, 700ఎన్ఎమ్ టార్క్​ని ప్రొడ్యూస్ చేస్తుంది.

టయోటా ఇన్నోవా ఈవీ- డిజైన్, ఫీచర్స్​..

టయోటా ఇన్నోవా ఈవీ ప్రస్తుతం అమ్ముడవుతున్న ఇన్నోవా క్రిస్టా ఎంపీవీ అప్​డేటెడ్ వర్షెన్​గా కనిపిస్తుంది. భారతదేశంలో అందుబాటులో ఉన్న మోడల్​తో పోల్చితే ఈవీ వర్షెన్​ అనేక డిజైన్ మార్పులు ఉన్నట్టు తెలుస్తోంది. అత్యంత స్పష్టమైన మార్పు.. ఎంపీవీ ముందు భాగంలో ఎల్​ఈడీ డిఆర్ఎల్స్​, హెడ్​లైట్​ యూనిట్లతో కూడిన క్లోజ్డ్ గ్రిల్. ఈవీ వర్షెన్​ కోసం ముందువైపు రెండు చోట్ల బీఈవీ బ్యాడ్జింగ్​ ఉంటుంది. 16 ఇంచ్​ అల్లాయ్ వీల్స్, డోర్ హ్యాండిల్స్​పై క్రోమ్ గార్నిష్, బాడీ క్లాడింగ్స్, బ్లాకౌడ్​ ఔట్​ రూఫ్ వంటివి ఈ ఇన్నోవా ఈవీ ఎంపీలో ఉంటాయి. వెనుక భాగంలో ఎల్ఈడీ టెయిల్ లైట్లు, కనెక్టెడ్ ఎల్ఈడీ లైట్ స్ట్రిప్ ఉన్నాయి.

ఇన్నోవా ఈవీ కాన్సెప్ట్ ఇంటీరియర్ ప్రస్తుతం అమ్మకానికి ఉన్న వాటి కంటే భిన్నంగా లేదు. క్యాబిన్​లో గుర్తించదగిన మార్పుల్లో ఒకటి బ్యాటరీని ఉంచిన ఫ్లోర్-బెడ్. ఇది వెనుక ప్రయాణికులకు ఎక్కువ స్థలాన్ని అందిస్తుంది. మధ్య వరుసలో కెప్టెన్ సీట్లు, వైర్ లెస్ ఛార్జింగ్, లెదర్ వ్రాప్​డ్​ స్టీరింగ్ వీల్, భారీ టచ్​స్క్రీన్ ఇన్ఫోటైన్​మెంట్ యూనిట్, డిజిటల్ డ్రైవర్ డిస్​ప్లే, డ్యూయెల్ టోన్ అప్​హోలిస్టరీ, యాంబియంట్ లైటింగ్ వంటి ఫీచర్లు ఇన్నోవా ఈవీలో ఉన్నాయి.

టయోటా ఇన్నోవా ఈవీపై మరిన్ని వివరాలను సంస్థ అధికారికంగా ప్రకటించాల్సి ఉంది. త్వరలోనే మరిన్ని అప్డేట్స్​ వచ్చే అవకాశం ఉంది.