ADAS సేఫ్టీ ఫీచర్స్ ఉన్న టాప్-5 అఫార్డిబుల్ కార్లు ఇవే! ధర రూ. 9.15లక్షల నుంచి..
కొత్త కారు కొనేందుకు ప్లాన్ చేస్తున్నారా? సేఫ్టీ మీ టాప్ ప్రయారిటీ అవుతుందా? అయితే ఇది మీకోసమే! దేశంలో అడాస్ సేఫ్టీ ఫీచర్స్తో వస్తున్న టాప్-5 అఫార్డిబుల్ కార్ల వివరాలను ఇక్కడ చూసేయండి..
అడ్వాన్స్డ్ డ్రైవర్ అసిస్టెన్స్ సిస్టమ్స్ (అడాస్) గతంలో కేవలం ఖరీదైన లగ్జరీ కార్లకు మాత్రమే పరిమితమయ్యేవి. కానీ, 2025 నాటికి భారతదేశంలోని అనేక ప్రముఖ కార్ల తయారీ సంస్థలు ఈ భద్రతా ఫీచర్లను సామాన్యులకు కూడా అందుబాటు ధరల్లో అందిస్తున్నాయి.
చిన్న సెడాన్ల నుంచి అత్యాధునిక ఎస్యూవీల వరకు, కొనుగోలుదారులు ఇప్పుడు అడాప్టివ్ క్రూయిజ్ కంట్రోల్, లేన్-కీపింగ్ అసిస్ట్, ఆటోనమస్ ఎమర్జెన్సీ బ్రేకింగ్ వంటి సాంకేతికతలను ఆస్వాదించవచ్చు. ఇవన్నీ ప్రమాదాలను నివారించడానికి, డ్రైవర్ అలసటను తగ్గించడానికి ఉపయోగపడతాయి.
భారతదేశంలో రూ. 20 లక్షల (ఎక్స్-షోరూమ్) లోపు ధరలో లభిస్తున్న లెవెల్-2 అడాస్ ఫీచర్స్ ఉన్న అత్యంత చౌకైన టాప్-5 కార్లు, ఎస్యూవీల వివరాలు ఇక్కడ ఉన్నాయి.
అడాస్ ఫీచర్స్ ఉన్న టాప్ 5 కార్లు..
| మోడల్ | ఎక్స్షోరూం ధర |
|---|---|
| హోండా అమేజ్ | రూ. 9.15 లక్షలు |
| హ్యుందాయ్ వెన్యూ | రూ. 11.4 లక్షలు |
| మహీంద్రా ఎక్స్యూవీ 3ఎక్స్ఓ | రూ. 11.50 లక్షలు |
| హోండా సిటీ | రూ. 12.70 లక్షలు |
| ఎంజీ ఆస్టర్ | రూ. 15.16 లక్షలు |
1. హోండా అమేజ్ – అడాస్తో వస్తున్న అత్యంత చౌకైన కారు
హోండా అమేజ్ భారతదేశంలో లెవెల్-2 అడాస్ ఫీచర్ను కలిగి ఉన్న అత్యంత చౌకైన కారుగా నిలిచింది. ఇది అమేజ్ టాప్-స్పెక్ జెడ్ఎక్స్ వేరియంట్లో అందుబాటులో ఉంది.
1.2 లీటర్ పెట్రోల్ ఇంజిన్ (90 హెచ్పీ)తో వస్తున్న ఈ కాంపాక్ట్ సెడాన్, మ్యాన్యువల్, సీవీటీ గేర్బాక్స్ ఆప్షన్లలో లభిస్తుంది. ఇందులో ముఖ్యంగా అడాప్టివ్ క్రూయిజ్ కంట్రోల్, కొలిజన్ మిటిగేషన్ వంటి భద్రతా ఫీచర్లు ఉన్నాయి.
ధర: రూ. 9.15 లక్షలు (ఎక్స్-షోరూమ్) నుంచి ప్రారంభం.
2. హ్యుందాయ్ వెన్యూ – ఆధునిక భద్రతతో కాంపాక్ట్ ఎస్యూవీ
హ్యుందాయ్ వెన్యూ ఎస్ఎక్స్(ఓ) వేరియంట్ సమగ్రమైన ఏడీఏఎస్ ప్యాకేజీని అందిస్తోంది.
కాంపాక్ట్ ఎస్యూవీనే అయినప్పటికీ, ఇందులో ఫార్వర్డ్ కొలిజన్ అవాయిడెన్స్, లేన్ డిపార్చర్ వార్నింగ్, లేన్-కీపింగ్ అసిస్ట్, డ్రైవర్ అటెన్షన్ వార్నింగ్ వంటి ముఖ్యమైన భద్రతా ఫీచర్లు ఉన్నాయి. ఈ అడాస్ సాంకేతికతతో, ఇది అత్యంత విలువైన ఎస్యూవీలలో ఒకటిగా చెప్పవచ్చు.
ధర: రూ. 11.49 లక్షలు (ఎక్స్-షోరూమ్) నుంచి ప్రారంభం.
3. మహీంద్రా ఎక్స్యూవీ 3ఎక్స్ఓ – టెక్నాలజీకి పెద్ద పీట వేసిన ఎస్యూవీ
మహీంద్రా ఎక్స్యూవీ 3ఎక్స్ఓ మోడల్ ఏఎక్స్5 ఎల్, ఏఎక్స్7 ఎల్ ట్రిమ్లలో లెవెల్-2 ఏడీఏఎస్ ఫీచర్ను అందిస్తుంది.
లేన్-కీప్ అసిస్ట్, ఫార్వర్డ్ కొలిజన్ అవాయిడెన్స్, ట్రాఫిక్ సైన్ రికగ్నిషన్ వంటి ఫీచర్లు ఇందులో ఉన్నాయి. శక్తివంతమైన టర్బో-ఛార్జ్డ్ ఇంజిన్, ప్రీమియం ఇంటీరియర్స్తో పాటు అద్భుతమైన భద్రతను అందిస్తూ, ఇది సబ్-4 మీటర్ల ఎస్యూవీల విభాగంలో ప్రత్యేకంగా నిలుస్తుంది.
ధర: రూ. 11.50 లక్షలు (ఎక్స్-షోరూమ్) నుంచి ప్రారంభం.
4. హోండా సిటీ – సెడాన్ సౌకర్యంతో భద్రత
ఎప్పటికీ ప్రజాదరణ పొందే హోండా సిటీ ఇప్పుడు తన హోండా సెన్సింగ్ సూట్ కింద చాలా ట్రిమ్లలో అడాస్ని అందిస్తోంది. ఈ ఫీచర్ వీ ట్రిమ్ నుంచి అందుబాటులో ఉంది.
ఇందులో లేన్ డిపార్చర్ వార్నింగ్, అడాప్టివ్ క్రూయిజ్ కంట్రోల్ వంటి ఫీచర్లు ఉన్నాయి. మెరుగైన 1.5 లీటర్ పెట్రోల్ ఇంజిన్, స్మూత్ సీవీటీ గేర్బాక్స్తో ఇది లభిస్తుంది.
ధర: రూ. 12.70 లక్షలు (ఎక్స్-షోరూమ్) నుంచి ప్రారంభం.
5. ఎంజీ ఆస్టర్ – స్టైలిష్, స్మార్ట్ ఎస్యూవీ
ఎంజీ సంస్థ ఆస్టర్, తన సావీ ప్రో ట్రిమ్ ద్వారా మిడ్సైజ్ ఎస్యూవీ విభాగంలో లగ్జరీ స్థాయి సాంకేతికతను తీసుకువచ్చింది.
దీని లెవెల్-2 అడాస్ సూట్లో బ్లైండ్-స్పాట్ డిటెక్షన్, ఆటోనమస్ బ్రేకింగ్ వంటి ఫీచర్లు ఉన్నాయి. ప్రీమియం ఇంటీరియర్లు, శక్తివంతమైన ఫీచర్ల జాబితాతో పాటు ఈ అడ్వాన్స్డ్ భద్రతా ఫీచర్లు ఆస్టర్ను ఆకర్షణీయంగా మారుస్తున్నాయి.
ధర: రూ. 15.16 లక్షలు (ఎక్స్-షోరూమ్) నుంచి ప్రారంభం.
సంబంధిత కథనం