Titan Q2 Results 2022 : క్యూ2లో.. 34శాతం పెరిగిన టైటాన్​ లాభాలు-titan q2 net profit up by 34 yoy to rs 857 cr beats street estimates ,బిజినెస్ న్యూస్
తెలుగు న్యూస్  /  Business  /  Titan Q2: Net Profit Up By 34% Yoy To <Span Class='webrupee'>₹</span>857 Cr, Beats Street Estimates

Titan Q2 Results 2022 : క్యూ2లో.. 34శాతం పెరిగిన టైటాన్​ లాభాలు

Chitturi Eswara Karthikeya Sharath HT Telugu
Nov 04, 2022 06:18 PM IST

Titan Q2 Results 2022 : 2023 ఆర్థిక ఏడాది క్యూ2లో టైటాన్​ సంస్థ లాభాలు దాదాపు 34శాతం పెరిగాయి. ఈ మేరకు త్రైమాసిక ఫలితాలను విడుదల చేసింది ఆ సంస్థ.

క్యూ2లో.. 34శాతం పెరిగిన టైటాన్​ లాభాలు
క్యూ2లో.. 34శాతం పెరిగిన టైటాన్​ లాభాలు

Titan Q2 Results 2022 : టైటాన్​ సంస్థ.. 2023 రెండో త్రైమాసికం ఫలితాలను శుక్రవారం ప్రకటించింది. క్యూ2లో టైటాన్​ సంస్థ నెట్​ ప్రాఫిట్​ 33.7శాతం పెరిగి రూ. 857కోట్లుగా నమోదైంది. గతేడాది ఇదే త్రైమాసికంలో నెట్​ ప్రాఫిట్​ రూ. 641కోట్లుగా ఉండేది.

ట్రెండింగ్ వార్తలు

అంచనాలకు మించిన 'ఫలితాలు'..

టైటాన్​ రెవెన్యూ ఫ్రం ఆపరేషన్స్​.. రూ. 8,730కోట్లకు చేరింది. గతేడాది ఇదే త్రైమాసికంతో(రూ. 7,170) పోల్చుకుంటే అది 22శాతం ఎక్కువ!

Titan results 2022 : బులియన్​ సేల్స్​ని మినహాయిస్తే, జ్యువెల్లరీ వ్యాపారం.. ఆదాయం పరంగా 18శాతం పెరిగి రూ. 7,203కోట్లకు చేరింది. గతేడాది ఇదే త్రైమాసికంలో అది రూ. 6,106కోట్లుగా నమోదైంది. వాచ్​లు, వేరెబుల్​ బిజినెస్​ రెవెన్యూ 21శాతం పెరిగి రూ. 829కోట్లకు చేరింది. గతేడాది ఇది రూ. 687కోట్లుగా ఉండేది. ఐ కేర్​ వ్యాపారం 4శాతం పెరిగి రూ. 167కోట్లుగా నమోదైంది.

ఈ క్యూ2 ఫలితాలు.. మార్కెట్​ అంచనాలకు మించి ఉండటం విశేషం.

"అంతర్జాతీయంగా ప్రతికూలతలు ఉన్నా.. పండుగ సీజన్​ పాజిటివ్​గానే సాగింది. ముఖ్యంగా సెప్టెంబర్​, అక్టోబర్​ నెలల్లో సేల్స్​ బాగా జరిగాయి. కన్జ్యూమర్​ కాన్ఫిడెన్స్​కి ఇది సంకేతం. ఇండియాలో సంస్థ వృద్ధికి మేము కట్టుబడి ఉన్నాము. అంతర్జాతీయ మార్కెట్​లో కూడా మా ప్రదర్శనపై సానుకూలంగానే ఉన్నాము. ఈ ఆర్థిక ఏడాది మిగిలిన త్రైమాసికాల్లోనూ మెరుగైన ప్రదర్శన చేస్తామని నమ్మకంగా ఉంది," అని టైటాన్​ ఎండీ సీకే వెంకటరామన్​ తెలిపారు.

ఈ ఏడాదిలో టైటాన్​ సంస్థ ఇప్పటివరకు 105 కొత్త స్టోర్స్​ని తెరిచింది. మొత్తం మీద కంపెనీ రీటైల్​ చెయిన్​.. 382 పట్టణాలకు విస్తరించింది. 2,408 స్టోర్స్​.. దేశవ్యాప్తంగా ఉన్నాయి.

టైటాన్​ షేర్లు..

Titan share price : శుక్రవారం ట్రేడింగ్​ సెషన్​ ముగిసే సమయానికి టైటాన్​ షేరు ధర రూ. 2,770గా నమోదైంది. గత ఐదు రోజుల్లో ఈ స్టాక్​ 0.32శాతం పెరిగింది. కానీ నెల రోజుల్లో టైటాన్​ షేరు ధర 6.83శాతం వృద్ధి చెందింది. ఇక ఈ ఏడాదిలో ఇప్పటివరకు 9.75శాతం పెరిగింది టైటాన్​ షేరు ధర.

WhatsApp channel

సంబంధిత కథనం