Most unsafe Tata car : ఈ టాటా ఫ్యామిలీ కారుకు '0' సేఫ్టీ రేటింగ్- మీరు వాడుతున్నారా?
Most unsafe cars in India : భద్రతకు అధిక ప్రాధాన్యత ఇచ్చే టాటా మోటార్స్కి ఒక 'మోస్ట్ అన్సేఫ్ కారు' ఉందని మీకు తెలుసా? క్రాష్ టెస్ట్లో ఆ కారుకు 0 సేఫ్టీ రేటింగ్ వచ్చిందని మీకు తెలుసా? అదే టాటా నానో.. వివరాల్లోకి వెళితే..
టాటా గ్రూప్ నమ్మకానికి మారుపేరు! మరీ ముఖ్యంగా టాటా మోటార్స్ నుంచి వచ్చే వెహికిల్స్లో సేఫ్టీకి అధిక ప్రాధాన్యత ఇస్తారని ప్రజల్లో నమ్మకం ఉంటుంది. ఇటీవలి కాలంలో దాదాపు అన్ని వెహికిల్స్కి క్రాష్ టెస్టుల్లో 5 స్టార్ సేఫ్టీ రేటింగ్ లభిస్తోంది. కానీ.. టాటా మోటార్స్కి కూడా ఒక 'మోస్ట్ అన్సేఫ్ కారు' ఉందని మీకు తెలుసా? దానికి క్రాష్ టెస్ట్లో 0 రేటింగ్ వచ్చిందని మీకు తెలుసా? అదే టాటా నానో!
టాటా నానో సేఫ్టీలో 0..!
సొంత కారు కొనాలన్న సామాన్యుడి కలను నెరవేర్చి, తక్కువ ధరకే మంచి ఫ్యామిలీ వెహికిల్ని తీసుకురావాలన్న దిగ్గజ వ్యాపారవేత్త, దివంగత రతన్ టాటా సంకల్పం నుంచి పుట్టుకొచ్చిందే టాటా నానో! రూ. 1లక్ష ధరతో ఉండే ఈ కారు 2009లో లాంచ్ అయ్యింది. కానీ ఇండియాలో హిట్ అవ్వలేదు! చివరికి 2020లో దీనిని టాటా మోటార్స్ డిస్కంటిన్యూ చేసింది.
అయితే, ఈ టాటా నానో క్రాష్ టెస్ట్లో ఆందోళనక డేటా బయటకు వచ్చింది. 2014లో టాటా నానో బేస్ వేరియంట్పై గ్లోబల్ ఎన్సీఏపీ టెస్ట్ని నిర్వహించారు. ఇందులో ఎయిర్బ్యాగులు లేవు! కేవలం 64 కేఎంపీహెచ్ స్పీడ్తో క్రాష్ టెస్ట్ చేస్తే, కారు నుజ్జునుజ్జు అయ్యింది! చైల్డ్ ఆక్యుపెంట్, అడల్ట్ ఆక్యుపెంట్ ప్రొటెక్షన్లో ఈ కారుకు 0 రేటింగ్ లభించింది. అంతేకాదు కారు బాడీషెల్ కూడా స్థిరంగా లేదని గుర్తించారు.
అయితే, ఇది 2014 నాటి కథ! ఇప్పుడు మాత్రం ఇండియాలోనే మోస్ట్ సేఫెస్ట్ కార్లను టాటా మోటార్స్ తయారు చేస్తోంది. అటు గ్లోబల్ ఎన్సీఏపీ టెస్ట్లో, ఇటు భారత్ ఎన్సీఏపీ టెస్ట్లో దాదాపు అన్ని టాటా వెహికిల్స్కి 5 స్టార్ సేఫ్టీ రేటింగ్ లభిస్తోంది. ఫలితంగా, ప్రజల భద్రతకు టాటా మోటార్స్ ఏ విధంగా కట్టుబడి ఉందో స్పష్టమవుతోంది.
కానీ ఈ కార్లలో ఇంకా.. 0 సేఫ్టీ రేటింగ్..!
టాటా నానో ఇప్పుడు డిస్కంటిన్యూ అయిపోయింది. ఈ మోడల్ని వాడుతున్న వారి సంఖ్య కూడా తక్కువగానే ఉంది! కానీ దేశంలో ఉన్న కొన్ని వెహికిల్స్లో ఇప్పటికీ 0 సేఫ్టీ రేటింగ్ కనిపిస్తోంది. అవి..
మారుతీ వాగన్ఆర్:-
ఇండియాలో బెస్ట్ సెల్లింగ్ హ్యాచ్బ్యాక్స్లో ఒకటైన వాగన్ఆర్.. గ్లోబల్ ఎన్సీఏపీ క్రాష్ టెస్ట్లో దారుణంగా విఫలమైంది. ఈ వాగన్ఆర్కు చైల్డ్ ప్రొటెక్షన్ టెస్ట్లో జీరో రేటింగ్ వచ్చింది. మొత్తం మీద దీనికి ఒక్కటంటే.. ఒక్కటే స్టార్ లభించింది.
రెనాల్ట్ క్విడ్:-
రెనాల్ట్కి.. ఇండియాలో ఎంట్రీ లెవల్ హ్యచ్బ్యాక్గా ఉంది క్విడ్. సేల్స్ పరంగా.. సంస్థకు ఇది మోస్ట్ సక్సెస్ఫుల్ వెహికిల్ అనే చెప్పుకోవాలి. కానీ.. సేఫ్టీ విషయంలో మాత్రం రెనాల్ట్ క్విడ్ డీలా పడింది. గ్లోబల్ ఎన్సీఏపీ క్రాష్ టెస్ట్ అడల్ట్ ప్రొటెక్షన్, చైల్డ్ ప్రొటెక్షన్లో కేవలం 1 స్టార్ మాత్రే దక్కించుకుంది.
పూర్తి వివరాల కోసం ఇక్కడ క్లిక్ చేయండి.
సంబంధిత కథనం