FD rate hike : ఎఫ్​డీపై దాదాపు 9శాతం వడ్డీ ఇస్తున్న ఫిన్​కేర్​ స్మాల్​ ఫైనాన్స్​ బ్యాంక్​-this bank offers nearly 9percent interest on fixed deposits to senior citizens ,బిజినెస్ న్యూస్
తెలుగు న్యూస్  /  Business  /  This Bank Offers Nearly 9percent Interest On Fixed Deposits To Senior Citizens

FD rate hike : ఎఫ్​డీపై దాదాపు 9శాతం వడ్డీ ఇస్తున్న ఫిన్​కేర్​ స్మాల్​ ఫైనాన్స్​ బ్యాంక్​

Sharath Chitturi HT Telugu
Feb 14, 2023 11:15 AM IST

Fincare Small Finance Bank : ఎఫ్​డీపై దాదాపు 9శాతం వడ్డీని ఇస్తోంది ఫిన్​కేర్​ స్మాల్​ ఫైనాన్స్​ బ్యాంక్​. సీనియర్​ సిటిజెన్​లకు ఇది వర్తిస్తుంది. పూర్తి వివరాలు..

ఎఫ్​డీపై దాదాపు 9శాతం వడ్డీ ఇస్తున్న బ్యాంక్​ ఇదే
ఎఫ్​డీపై దాదాపు 9శాతం వడ్డీ ఇస్తున్న బ్యాంక్​ ఇదే (iStock)

Fincare Small Finance Bank FD : ప్రపంచవ్యాప్తంగా వడ్డీ రేట్ల పెంపు కొనసాగుతోంది. ఆర్​బీఐ కూడా వడ్డీ రేట్లను ఇటీవలే మరోమారు పెంచింది. ఈ నేపథ్యంలో ఫిక్స్​డ్​ డిపాజిట్​ (ఎఫ్​డీ)లపై వడ్డీ రేట్లు కూడా పెరుగుతున్నాయి. ఫలితంగా ప్రజల చూపు ఎఫ్​డీలపై పడింది. డిపాజిట్​లపై అధిక వడ్డీ రేట్లు ఇస్తున్న బ్యాంక్​ల కోసం ప్రజలు చూస్తున్నారు. ఈ తరుణంలో ఫిన్​కేర్​ స్మాల్​ ఫైనాన్స్​ బ్యాంక్​.. ఎఫ్​డీపై వడ్డీ రేట్లను సవరించింది. ఈ బ్యాంక్​లో.. సీనియర్​ సిటిజెన్​లకు ఇప్పుడు దాదాపు 9శాతం వడ్డీ రేటు లభిస్తోంది.

ట్రెండింగ్ వార్తలు

ఎఫ్​డీలపై వడ్డీ రేట్లు పెంపు..

ప్రజల సేవింగ్స్​ పోర్ట్​ఫోలియోను మరింత శక్తివంతంగా మార్చేందుకు తమ ఎఫ్​డీలపై వడ్డీ రేట్లను పెంచినట్టు ఫిన్​కేర్​ స్మాల్​ ఫైనాన్స్​ బ్యాంక్ వెల్లడించింది. తాజా మార్పులు.. సోమవారం నుంచే అమల్లోకి వచ్చాయని స్పష్టం చేసింది. సాధారణ ప్రజలకు.. వడ్డీ రేటు 8.11శాతంగా ఉంది. ఇక సీనియర్​ సిటిజెన్​లకు అది 8.71శాతానికి (మినిమమ్​ డిపాజిట్​ రూ.5వేల) చేరింది.

Fincare Small Finance Bank FD rates :"కస్టమర్లకు మెరుగైన ఆర్థిక సేవలను అందించేందుకు మేము నిత్యం కృషిచేస్తాము. కస్టమర్ల దీర్ఘకాలిక అవసరాల కోసం మా చర్యలు ఉపయోగపతాయి. ఇందులో భాగంగానే వడ్డీ రేట్ల పెంపు నిర్ణయం తీసుకున్నాము," అని ఫిన్​కేర్​ స్మాల్​ ఫైనాన్స్​ బ్యాంక్ సీఓఓ ఆశిష్​ మిశ్రా తెలిపారు. 'సుపీరియర్​ బ్యాంకింగ్​, కస్టమర్​ ఆధారిత సేవల'కు తమ బ్యాంక్​ కట్టుబడి ఉందని స్పష్టం చేశారు.

ఆసక్తి ఉన్న కస్టమర్లు తమ సమీపంలోని ఫిన్​కేర్​ స్మాల్​ ఫైనాన్స్​ బ్యాంక్ బ్యాంచ్​కి వెళ్లొచ్చు. లేదా ఇంటర్​నెట్​ బ్యాంకింగ్​, మొబైల్​ యాప్​ ద్వారా ఎఫ్​డీని పొందవచ్చు.

దేశవ్యాప్తంగా కార్యకలాపాలు..

Fincare Small Finance Bank services : కరెంట్​ అకౌంట్​, సేవింగ్స్​ అకౌంట్​, గోల్డ్​ లోన్​, ప్రాపర్టీ లోన్​, హోం లోన్​ వంటి సేవలను కస్టమర్లకు అందిస్తోంది ఫిన్​కేర్​ స్మాల్​ ఫైనాన్స్​ బ్యాంక్. దేశవ్యాప్తంగా ఈ బ్యాంక్​కు అనేక బ్రాంచ్​లు ఉన్నాయి. 2022 మార్చ్​ 31 నాటికి.. దేశవ్యాప్తంగా ఈ బ్యాంక్​కుకు 32లక్షలకుపైగా కస్టమర్లు ఉన్నారు. 19 రాష్ట్రాలు/ కేంద్రపాలిత ప్రాంతాల్లో బ్యాంక్​ కార్యకలాపాలు కొనసాగుతున్నాయి. 12వేలకుపైగా ఉద్యోగులు ఇందులో పనిచేస్తున్నారు.

ఎఫ్​డీల్లో రిటర్నులు తక్కువగా ఉంటాయి. కానీ వీటిల్లో రిస్క్​ ఉండకపోవడంతో చాలా మంది ఎఫ్​డీలవైపే మొగ్గుచూపుతుంటారు. ప్రపంచవ్యాప్తంగా వడ్డీ రేట్లు పెరుగుతుండటంతో ఎఫ్​డీలపై మంచి వడ్డీ వస్తోందని నిపుణులు చెబుతున్నారు.

WhatsApp channel