Apple iPhone 7 : 16ఏళ్ల నాటి ఐఫోన్.. మెర్సిడెస్ బెంజ్ రేంజ్లో ధర..!
Apple iPhone 7 : 16ఏళ్ల నాటి యాపిల్ ఐఫోన్ ధర.. మెర్సిడెస్ బెంజ్ ఎస్యూవీ ప్రైజ్తో సమానంగా ఉండనుంది! షాక్ అయ్యారా? అసలు కథ ఏంటంటే..
Old iPhone for auction : 'యాపిల్ ఐఫోన్'.. ప్రపంచంలో అత్యధిక డిమాండ్ ఉన్న స్మార్ట్ఫోన్స్లో ఇదొకటి. ఇంకా చెప్పాలంటే.. ఈ బ్రాండ్కు ప్రత్యేక ఫ్యాన్ బేస్ ఉంటుంది. ప్రీమియం స్మార్ట్ఫోన్ సెగ్మెంట్లో ఆధిపత్యాన్ని కొనసాగించేందుకు ఎప్పటికప్పుడు కొత్త కొత్త మోడల్స్ను లాంచ్ చేస్తుంది యాపిల్ సంస్థ. డిమాండ్, డిజైన్, ఫీచర్స్కు తగ్గట్టుగానే.. ఐఫోన్ ధర కూడా ప్రీమియంగా ఉంటుంది. 'కొత్త ఐఫోన్ కొనాలంటే కిడ్నీ అమ్ముకోవాల్సిందే,' అంటూ సామాజిక మాధ్యమాల్లో మీమ్స్ కూడా పేలుతుంటాయి. ఇక ఇప్పుడు.. యాపిల్ ఐఫోన్కు సంబంధించిన వార్త ఒకటి వైరల్గా మారింది. ఈ ఐఫోన్ మోడల్ ధర.. దిగ్గజ లగ్జరీ కార్ల తయారీ సంస్థ మెర్సిడెస్ బెంజ్ ఎస్యూవీతో సమానంగా ఉండటం ఇందుకు కారణం.
ట్రెండింగ్ వార్తలు
ఆక్షన్కు యాపిల్ ఐఫోన్ 7..
కరెన్ గ్రీన్ అనే టాటూ ఆర్టిస్ట్.. తన వద్ద ఉన్న యాపిల్ ఐఫోన్ 7ను ఆక్షన్కు పెట్టింది. ఇది 16ఏళ్ల నాటి మోడల్. 2007లో ఇంట్రడక్టరీ ప్రైజ్ కింద 599 డాలర్లకు దీనిని విక్రయించింది యాపిల్ సంస్థ. తొలి టచ్ స్క్రీన్ మోడల్, తొలి 2ఎంపీ కెమెరా మోడల్తో పాటు మరెన్నో కొత్త ఫీచర్స్తో ఇది అప్పట్లో మార్కెట్లో లాంచ్ అయ్యింది.
iPhone at Mercedez Benz price : ఆక్షన్కు చెందిన వెబ్సైట్ ప్రకారం.. ఐఫోన్ 7కి 18,505 డాలర్లు విలువ చేసే బిడ్డింగ్స్ వచ్చాయి. ఫిబ్రవరి 19 వరకు ఆక్షన్లో పాల్గొనవచ్చు. ఇప్పటివరకు ఈ మోడల్కు 16 బిడ్స్ దాఖలయ్యాయి. చివరికి ఈ యాపిల్ ఐఫోన్ 7.. 50వేల డాలర్లకు అమ్ముడుపోతుందని అంచనాలు ఉన్నాయి. ఇది మెర్సిడెస్ బెంజ్ ఎస్యూవీతో సమానం.
16ఏళ్ల నాటి ఐఫోన్కు ఇంత డిమాండ్ ఎందుకు ఉంది? అని మీరు అనుకోవచ్చు. ఇదొక అన్ప్యాక్డ్ డివైజ్. ఐఫోన్ బాక్స్ మీద కవర్ కూడా తీయలేదు! కరెన్ గ్రీన్కు.. తన స్నేహితుల నుంచి ఈ యాపిల్ ఐఫోన్ 7 గిఫ్ట్గా అందింది. అయితే.. అప్పటికే ఆమె ఓ కొత్త స్మార్ట్ఫోన్ కొనుగోలు చేయడంతో దీనిని తెరిచే అవసరం రాలేదు.
కొన్నప్పటికీ.. వాడలేరు!
Apple iPhone 7 : 50వేల డాలర్లు ఖర్చు చేసి ఈ ఐఫోన్ను కొన్నప్పటికీ.. దీనిని వాడుకోలేరు! ఇది ఏటీ అండ్ టీ అనే నెట్వర్క్ మీద వర్క్ చేస్తుంది. దీని అమెరికాలో కనుమరుగైపోయింది. కానీ కొనుగోలు చేసిన వ్యక్తికి.. 'వింటేజ్ ఐఫోన్ ప్రాడక్ట్'ను సొంతం చేసుకున్న ఫీల్ వస్తుంది!
ఐఫోన్ 15 సిరీస్..
ఈ ఏడాది.. ఐఫోన్ 15 సిరీస్ను తీసుకురానుంది యాపిల్ సంస్థ. దీనిపై ఐఫోన్ ప్రియుల్లో భారీ అంచనాలు ఉన్నాయి. ఇందుకు సంబంధించి వార్తలు చక్కర్లు కొడుతున్నాయి. పలు నివేదికల ప్రకారం.. ఐఫోన్ 15లో టైప్-సీ పోర్ట్ ఉండొచ్చు.