5ఏళ్లల్లో 25శాతం కన్నా ఎక్కువ రిటర్నులు ఇచ్చిన మ్యూచువల్ ఫండ్స్ ఇవి! ఇన్వెస్టర్స్ ఫుల్ ఖుష్..
మ్యూచువల్ ఫండ్స్లో ఇన్వెస్ట్ చేయాలని ప్లాన్ చేస్తున్నారా? 5ఏళ్లల్లో 25శాతం కన్నా అధిక రిటర్నులు ఇచ్చిన వాల్యూ మ్యూచువల్ ఫండ్స్ వివరాలను ఇక్కడ తెలుసుకోండి..
మీరు మ్యూచువల్ ఫండ్స్తో మీ ఇన్వెస్ట్మెంట్ జర్నీని ప్రారంభించాలని చూస్తున్నారా? కానీ మార్కెట్లో ఉన్న చాలా ఆప్షన్స్లో ఏది ఎంపిక చేసుకోవాలో తెలియడం లేదా? అయితే ఇది మీకోసమే! మ్యూచువల్ ఫండ్స్లో పెట్టుబడికి ముందు అనేక విషయాలను పరిగణలోకి తీసుకోవాలి. సాధారణంగా సంబంధిత ఫండ్ గత ప్రదర్శనను చూసి, భవిష్యత్తులో ఎలాంటి రిటర్నులు వస్తాయి అనేది అంచనా వేస్తుంటారు. ఈ నేపథ్యంలో 5ఏళ్లల్లో 25శాతం కన్నా అధిక రిటర్నులు ఇచ్చిన ‘వాల్యూ’ మ్యూచువల్ ఫండ్స్ వివరాలను ఇక్కడ తెలుసుకుందాము..
వాల్యూ మ్యూచువల్ ఫండ్స్..
వాల్యూ మ్యూచువల్ ఫండ్స్ అనేది కనీసం 65 శాతం స్టాక్స్తో వాల్యూ ఇన్వెస్ట్మెంట్ స్ట్రాటజీని అనుసరించే స్కీమ్స్. స్టాక్ ఎంపికలో సాధారణంగా అవలంబించే వాల్యుయేషన్ పారామీటర్ల ఆధారంగా ఈక్విటీ ఫండ్లను వర్గీకరించవచ్చు. ఒకటి గ్రోత్ ఫండ్స్- ఇవి మార్కెట్ కంటే మెరుగైన పనితీరు కనబరుస్తాయని భావిస్తున్న మొమెంటమ్ స్టాక్స్ని గుర్తిస్తాయి.
ఇంకొకటి వాల్యూ ఫండ్స్- ఇవి ప్రస్తుతం అండర్వాల్యూలో ఉన్న స్టాక్స్ని గుర్తిస్తాయి. కానీ వీటి విలువ రానున్న కాలంలో అన్లైక్ అయ్యి స్టాక్స్ పెరుగుతాయన్న అంచనాలతో వీటిల్లో పెట్టుబడి పెడుతుంటారు.
మొత్తం మీద 2025 మార్చ్ 31 నాటికి రూ.1.83 లక్షల కోట్ల ఆస్తుల పరిమాణం కలిగిన 24 వాల్యూ/కాంట్రా పథకాల వివరాలను చూసేయండి..
| వాల్యూ మ్యూచువల్ ఫండ్స్ | 5ఏళ్ల రిటర్నులు (%) |
|---|---|
| Aditya Birla Sun Life Pure Value Fund | 25.89 |
| Bandhan Sterling Value Fund | 32.79 |
| HDFC Value Fund | 25.50 |
| HSBC Value Fund | 28.76 |
| ICICI Pru Value Discovery | 29.78 |
| JM Value Fund | 28.02 |
| Nippon India Value Fund | 29.03 |
| Templeton India Value Fund | 30.41 |
పై పట్టికలో మనం చూడగలిగినట్లుగా, గత ఐదేళ్లలో ఎనిమిది మ్యూచువల్ ఫండ్స్ 25 శాతానికి పైగా వార్షిక రాబడిని అందించాయి. బంధన్ స్టెర్లింగ్ వాల్యూ ఫండ్ గత ఐదేళ్లలో 32.79 శాతం, టెంపుల్టన్ ఇండియా వ్యాల్యూ ఫండ్ 30.41 శాతం రిటర్నులు ఇచ్చాయి. 25 శాతానికి పైగా రాబడి ఇచ్చిన ఇతర పథకాలు జేఎం వాల్యూ ఫండ్, నిప్పాన్ ఇండియా వ్యాల్యూ ఫండ్.
ఇన్వెస్టర్స్కి అలర్ట్..
అయితే, ఒక మ్యూచువల్ ఫండ్లో ఇన్వెస్ట్ చేసే ముందు కేవలం దాని గత ప్రదర్శన మాత్రమే చూడటం సరికాదు! ఒక పథకం గతంలో మంచి రాబడిని ఇచ్చినంత మాత్రాన, అది భవిష్యత్తులో కూడా మంచి పనితీరును ఇస్తుందని చెప్పలేము. అందువల్ల, పెట్టుబడిదారులు ఫండ్ మేనేజర్ పనితీరు, మ్యూచువల్ ఫండ్ సెక్టార్, ఎకనామిక్ ఫ్యాక్టర్స్ వంటి డేటాను తెలుసుకుని ఇన్వెస్ట్ చేయాల్సి ఉంటుంది.
(గమనిక- ఇది కేవలం సమాచారం కోసం రూపొందించిన కథనం మాత్రమే. హిందుస్థాన్ టైమ్స్ తెలుగుకు ఎలాంటి సంబంధం లేదు. ఏదైనా మ్యూచువల్ ఫండ్స్లో ఇన్వెస్ట్ చేసే ముందు సెబీ రిజిస్టర్డ్ ఫైనాన్షియల్ అడ్వైజర్ని సంప్రదించడం శ్రేయస్కరం.)
సంబంధిత కథనం