Small Saving Schemes : ఈ చిన్న పొదుపు పథకాలు మంచి వడ్డీని అందిస్తాయి.. 2025లో ప్రారంభించొచ్చు!

2025లో కొత్తగా ఇన్వెస్ట్ చేయాలని కొందరు ఆలోచిస్తుంటారు. అలాంటివారి కోసం అనేక స్కీమ్స్ ఉన్నాయి. అయితే ఎక్కువ డబ్బులు పెట్టుబడి పెట్టడం చాలా మందికి కుదరని పని. చిన్న పొదుపు పథకాల్లోనూ ఇన్వెస్ట్ చేయెుచ్చు. ఇవి కూడా మీకు మంచి రాబడులు ఇస్తాయి. ఈ పథకాలు హామీతో కూడిన రాబడిని ఇస్తాయి. ఆదాయపు పన్ను చట్టంలోని సెక్షన్ 80C కింద పన్ను ప్రయోజనాలతో వస్తాయి. సురక్షితమైనవి కూడా..

నేషనల్ సేవింగ్స్ రికరింగ్ డిపాజిట్

నేషనల్ సేవింగ్స్ రికరింగ్ డిపాజిట్ వ్యక్తులు ముందుగా నిర్ణయించిన కాలానికి సాధారణంగా 5 నుండి 10 సంవత్సరాల వరకు స్థిరమైన నెలవారీ మొత్తాన్ని పెట్టుబడి పెట్టడానికి అనుమతిస్తుంది. ఇది ఆకర్షణీయమైన వడ్డీ రేట్లను అందిస్తుంది. ఏదైనా పోస్టాఫీసుకు వెళ్లి అప్లై చేసుకోవచ్చు. దీని పెట్టుబడి రూ. 100 నుండి ప్రారంభించవచ్చు. గరిష్ట పెట్టుబడికి పరిమితి లేదు. జనవరి 1 నుంచి 6.7 శాతం వడ్డీ కూడా అందుబాటులో ఉంటుంది.

నేషనల్ సేవింగ్స్ టైమ్ డిపాజిట్

నేషనల్ సేవింగ్స్ టైమ్ డిపాజిట్ అనేది పోస్ట్ ఆఫీస్ అందించే పొదుపు పథకం. ఇది సాధారణ పొదుపు ఖాతాలతో పోలిస్తే అధిక వడ్డీ రేట్లను అందిస్తుంది. ఇది 1 నుండి 5 సంవత్సరాల వరకు మెచ్యూరిటీ ఆప్షన్స్ కలిగి ఉంది. సెక్షన్ 80C కింద హామీ ఇచ్చిన ఆదాయం, పన్ను ప్రయోజనాలను కలిగి ఉంది. ఒక సంవత్సరం డిపాజిట్లపై 6.9 శాతం, రెండేళ్ల డిపాజిట్లపై 7 శాతం, మూడేళ్ల డిపాజిట్లపై 7.1 శాతం, 5 సంవత్సరాల డిపాజిట్లపై 7.5 శాతం చొప్పున వడ్డీని అందిస్తుంది.

సీనియర్ సిటిజన్స్ సేవింగ్స్ స్కీమ్

సీనియర్ సిటిజన్స్ సేవింగ్స్ స్కీమ్ అనేది 60, అంతకంటే ఎక్కువ వయస్సు గల వ్యక్తుల కోసం రూపొందించిన పెట్టుబడి పథకం. ఇది త్రైమాసిక వడ్డీ చెల్లింపులు, 5 సంవత్సరాల కాలవ్యవధితో అధిక వడ్డీ రేట్లను అందిస్తుంది. ఈ స్కీమ్‌లో రూ. 1,000 నుండి కూడా పెట్టుబడి పెట్టవచ్చు.

నేషనల్ సేవింగ్స్ మంత్లీ ఇన్‌కమ్ అకౌంట్

నేషనల్ సేవింగ్స్ మంత్లీ ఇన్‌కమ్ అకౌంట్ అనేది ప్రభుత్వ ఆధారిత పొదుపు పథకం. ఇది సాధారణ నెలవారీ వడ్డీ చెల్లింపులను అందిస్తుంది. ఇందులో ఒకే ఖాతాలో గరిష్ట పెట్టుబడి మొత్తం 9 లక్షలు. ఉమ్మడి ఖాతాలో గరిష్ట పెట్టుబడి పరిమితి 15 లక్షలు. ఉంటుంది. ఇందులో కూడా మంచి వడ్డీ వస్తుంది.

పబ్లిక్ ప్రావిడెంట్ ఫండ్

పబ్లిక్ ప్రావిడెంట్ ఫండ్ (PPF) అనేది ఆకర్షణీయమైన వడ్డీ రేట్లు, పన్ను ప్రయోజనాలను అందించే దీర్ఘకాలిక, ప్రభుత్వ మద్దతుతో కూడిన పొదుపు పథకం. 15 సంవత్సరాల కనీస పెట్టుబడి వ్యవధితో ఇది సెక్షన్ 80C కింద పన్ను మినహాయింపులు అందిస్తుంది. కనీసం రూ.500తో పెట్టుబడిని ప్రారంభించవచ్చు. కానీ ఒక ఆర్థిక సంవత్సరంలో పెట్టుబడి గరిష్ట మొత్తం రూ. 1.5 లక్షలు ఉంటుంది

నేషనల్ సేవింగ్స్ సర్టిఫికేట్

నేషనల్ సేవింగ్స్ సర్టిఫికేట్ అనేది సెక్షన్ 80సీ కింద ప్రభుత్వ మద్దతుగల పొదుపు స్కీమ్. ఇది స్థిర ఆదాయం, పన్ను ప్రయోజనాలను అందిస్తుంది. 5 లేదా 10 సంవత్సరాల కాలవ్యవధితో ఇది మెచ్యూరిటీ సమయంలో గ్యారెంటీ ఆదాయాన్ని ఇస్తుంది. సంవత్సరానికి 7.7 శాతం వడ్డీని చెల్లిస్తుంది. మీరు 1000 రూపాయల నుండి పెట్టుబడిని ప్రారంభించవచ్చు.

సుకన్య సమృద్ధి

సుకన్య సమృద్ధి ఖాతా అనేది సెక్షన్ 80C కింద ఆకర్షణీయమైన వడ్డీ రేట్లు, పన్ను ప్రయోజనాలను అందించే ఆడపిల్లల కోసం ప్రభుత్వ అందిస్తున్న పొదుపు పథకం. దీనివల్ల తల్లిదండ్రులు తమ కూతురి భవిష్యత్తు చదువు, పెళ్లికి పెట్టుబడి పెట్టే వీలుంది. ఈ పథకం ద్వారా మీరు రూ. 250 నుంచి కూడా పెట్టుబడి పెట్టవచ్చు. ఈ పథకం కింద డిపాజిట్ మొత్తంపై 8.2 శాతం వడ్డీ లభిస్తుంది.