0 యాన్యువల్​ ఫీజ్​ ఉన్న క్రెడిట్​ కార్డ్​లు ఇవి- అనేక బెనిఫిట్స్​, చాలా డబ్బులు ఆదా!

ఇప్పుడు ఉద్యోగం చేస్తూ, జీతం సంపాదిస్తున్న దాదాపు అందరి దగ్గర క్రెడిట్​ కార్డులు ఉంటున్నాయి. అయితే, క్రెడిట్ కార్డ్ పొందడం చాలా ఈజీనే, కానీ వాటిని ఎలా ఉపయోగించాలో తెలియకపోవడం అసలు సమస్య. మరీ ముఖ్యంగా కొన్ని కార్డులు అధిక వార్షిక రుసుములను వసూలు చేస్తాయి. ఇది కార్డు అందించే ప్రయోజనాలను తగ్గించేస్తుంది. మీకు డబ్బులు ఎక్కువ ఖర్చు అవుతాయి. మీ క్రెడిట్ కార్డ్ వాడకం తక్కువగా లేదా అప్పుడప్పుడు మాత్రమే ఉంటే, వార్షిక రుసుము లేని క్రెడిట్ కార్డులను ఎంచుకోవడం మంచిది.

ఇక్కడ, యాన్యువల్​ ఫీజ్​ లేని కొన్ని క్రెడిట్ కార్డ్​ల వివరాలు అందిస్తున్నాం. వీటిలో ఐడీఎఫ్‌సీ ఫస్ట్ బ్యాంక్, ఐసీఐసీఐ బ్యాంక్, యాక్సిస్ బ్యాంక్ అందించే కార్డులు ఉన్నాయి.

ఈ కార్డులు అందించే ఆఫర్లు చాలా ప్రాథమికమైనవే అయినప్పటికీ, యాన్యువల్​ ఫీజ్​ లేకపోవడం అనేది అవి అందించే కనీస సేవలకు పూర్తి పరిహారం అవుతుంది.

వార్షిక రుసుము లేని క్రెడిట్ కార్డ్​లు..

ఐడీఎఫ్‌సీ ఫస్ట్ క్లాసిక్ క్రెడిట్ కార్డ్:

ఈ క్రెడిట్ కార్డుపై ఎటువంటి వార్షిక రుసుము లేదు. ఇది మీకు ఇష్టమైన బ్రాండ్ నుంచి రూ. 500 విలువైన గిఫ్ట్ వోచర్‌ను, మొదటి ఈఎంఐపై రూ. 1,000 వరకు క్యాష్‌బ్యాక్‌ను అందిస్తుంది.

అంతేకాకుండా, ఈ కార్డు సినిమా టిక్కెట్లపై 25 శాతం తగ్గింపు, 1 శాతం ఇంధన సర్ఛార్జ్ మినహాయింపు, 300కు పైగా వ్యాపార ఆఫర్‌లను కూడా అందిస్తుంది.

అమెజాన్ పే ఐసీఐసీఐ క్రెడిట్ కార్డ్:

ఈ క్రెడిట్ కార్డుకు కూడా వార్షిక రుసుము లేదు. ఇది గడువు లేని రివార్డులను అందిస్తుంది. అపరిమిత సంపాదనను ఇస్తుంది. ఇంధన కొనుగోళ్లపై సర్ఛార్జ్ మినహాయింపును అందిస్తుంది.

ప్రైమ్ మెంబర్‌గా అమెజాన్ కొనుగోళ్లపై 5 శాతం రివార్డ్ పాయింట్లు, నాన్-ప్రైమ్ మెంబర్‌గా అమెజాన్ కొనుగోళ్లపై 3 శాతం రివార్డ్ పాయింట్లు లభిస్తాయి.

బ్యాంక్ ఆఫ్ బరోడా ప్రైమ్:

ఈ క్రెడిట్ కార్డుకు కూడా ఎటువంటి యాన్యువల్​ ఫీజ్​ లేదు. కార్డు జారీ చేసిన 60 రోజుల్లోపు రూ. 5,000 ఖర్చు చేస్తే 500 రివార్డ్ పాయింట్లను సంపాదించుకునే అవకాశం ఉంది. ఈ ప్రైమ్ కార్డ్‌ను ఎటువంటి ఆదాయ రుజువు లేకుండా రూ. 15,000 లేదా అంతకంటే ఎక్కువ విలువైన ఫిక్స్‌డ్ డిపాజిట్​పై పొందవచ్చు.

ఇది కాకుండా, ఇతర అన్ని కేటగిరీలలో ఖర్చు చేసే ప్రతి రూ. 100కి 2 రివార్డ్ పాయింట్లను అందిస్తుంది. మీరు కార్డుపై రూ. 2,500 కంటే ఎక్కువ కొనుగోళ్లను 6 నుంచి 48 నెలల స్మార్ట్ ఈఎంఐలుగా మార్చుకోవచ్చు.

యాక్సిస్ బ్యాంక్ నియో క్రెడిట్ కార్డ్:

ఈ కార్డుకు మొదటి సంవత్సరానికి మాత్రమే వార్షిక రుసుము ఉండదు. రెండో సంవత్సరం నుంచి రూ. 250 వసూలు చేస్తారు. నియో క్రెడిట్ కార్డుతో ఫుడ్ డెలివరీపై రూ. 120 తగ్గింపు పొందవచ్చు.

పేటీఎం ద్వారా చేసే మొబైల్ రీఛార్జ్‌లు, బ్రాడ్‌బ్యాండ్ చెల్లింపులు, DTH రీఛార్జ్‌లపై 5 శాతం తగ్గింపు లభిస్తుంది. ఈ కార్డు భారతదేశంలోని భాగస్వామ్య రెస్టారెంట్లలో రూ. 500 వరకు 15 శాతం తగ్గింపును కూడా అందిస్తుంది (కనీస ఆర్డర్ విలువ రూ. 2,500).

(గమనిక- ఇవి అవగాహన కోసం రూపొందించిన కథనం మాత్రమే. క్రెడిట్​ కార్డ్​ రిస్క్​ల గురించి పూర్తిగా తెలుసుకోవాలి.)