Tata Power Q2 results: Q2లో పవర్ చూపిన ‘టాటా పవర్’

Tata Power Q2 results: టాటా గ్రూప్ సంస్థ అయిన టాటా పవర్ కంపెనీ లిమిటెడ్ లాభాల వేట కొనసాగుతోంది. ఈ Q2లో టాటా పవర్ సంస్థ రూ. 14,181 కోట్ల ఆదాయాన్ని అర్జించింది. గత సంవత్సరం Q2లో టాటా పవర్ మొత్తం ఆదాయం రూ. 10,187 కోట్లు.

Tata Power Q2 results: నికర లాభాలు..

టాటా పవర్ ఈ Q2లో రూ. 935.18 కోట్ల నికర లాభాలను ఆర్జించింది. శుక్రవారం బీఎస్ఈ కి వెల్లడించిన Q2 ఫలితాల్లో ఈ విషయాన్ని తెలిపింది. ఇది గత సంవత్సరం Q2 లో సంస్థ సాధించిన నికర లాభాల కన్నా 85% ఎక్కువ. ఆదాయం పెరగడం వల్లనే ఈ భారీ లాభాలు సాధ్యమయ్యాయని సంస్థ వెల్లడించింది. గత సంవత్సరం Q2లో సంస్థ నికర లాభాలు రూ. 505.66 కోట్లు మాత్రమే.

Tata Power Q2 results: మూడేళ్లుగా లాభాల బాటలోనే..

గత మూడేళ్లుగా టాటా పవర్ పన్ను అనంతరం ఆదాయం (profit after tax- PAT ) పెరుగుతూనే ఉంది. నికర లాభాల్లో పెరుగుదల నమోదు కావడం ఇది వరుసగా 12వ త్రైమాసికమని టాటా పవర్ సీఈఓ, ఎండీ ప్రవీర్ సిన్హా వెల్లడించారు. ఇకపై గ్రీన్ ఎనర్జీపై మరింత దృష్టి పెడతామన్నారు. దేశ ఇంధన అవసరాలను దృష్టిలో పెట్టుకుని వ్యూహాలను రూపొందిస్తామన్నారు.