Tata Motors Car sales : మళ్లీ పడిపోయిన టాటా మోటార్స్​ సేల్స్​- స్టాక్​ పరిస్థితేంటి?-tata motors sales fall 7 per cent in january 2025 amid declines in all segments ,బిజినెస్ న్యూస్
తెలుగు న్యూస్  /  బిజినెస్  /  Tata Motors Car Sales : మళ్లీ పడిపోయిన టాటా మోటార్స్​ సేల్స్​- స్టాక్​ పరిస్థితేంటి?

Tata Motors Car sales : మళ్లీ పడిపోయిన టాటా మోటార్స్​ సేల్స్​- స్టాక్​ పరిస్థితేంటి?

Sharath Chitturi HT Telugu
Feb 02, 2025 07:20 AM IST

Tata Motors : టాటా మోటార్స్​ సేల్స్​ మళ్లీ పడ్డాయి! జనవరి సేల్స్​ డేటాలో వీక్​నెస్​ మరింత స్పష్టంగా కనిపించింది. ఇది, టాటా మోటార్స్​ స్టాక్​ని భారీగా ప్రభావితం చేస్తోంది.

మళ్లీ పడిపోయిన టాటా మోటార్స్​ సేల్స్
మళ్లీ పడిపోయిన టాటా మోటార్స్​ సేల్స్ (Bloomberg)

దేశీయ దిగ్గజ ఆటోమొబైల్​ సంస్థ టాటా మోటార్స్​కి గత కొంతకాలంగా గడ్డుకాలం నడుస్తోంది! సంస్థ సేల్స్​ కొన్ని నెలలుగా తగ్గుతూనే ఉన్నాయి. తాజాగా, జనవరి 2025లోనూ టాటా మోటార్స్​ వాహన అమ్మకాలు పడిపోయాయి. ఇది టాటా మోటార్స్​ స్టాక్​పైనా భారీ ప్రభావాన్నే చూపిస్తోంది. మరి ఇప్పుడు స్టాక్​ పరిస్థితేంటి?

yearly horoscope entry point

మళ్లీ పడిన టాటా మోటార్స్​ సేల్స్​..

టాటా మోటార్స్ 2025 జనవరిలో మొత్తం 80,304 యూనిట్లను విక్రయించింది. జనవరి 2024లో ఇది 86,125 యూనిట్లుగా ఉండేది. గత నెలలో మొత్తం దేశీయ అమ్మకాలు 78,159 యూనిట్లకు పడిపోయాయని టాటా మోటార్స్ ఫిబ్రవరి 1, 2025 న విడుదల చేసిన ఒక ప్రకటనలో వెల్లడించింది. అంతక్రితం ఏడాది ఇదే సమయంలో విక్రయించిన 84,276 దేశీయ యూనిట్లతో పోలిస్తే ఇది 7 శాతం తక్కువ!

టాటా ప్యాసింజర్ వాహనాల అమ్మకాలు.. 2024 జనవరిలో 54,033 యూనిట్ల నుంచి 11 శాతం తగ్గి, 2025 జనవరిలో 48,316 యూనిట్లకు చేరుకున్నాయి. గత నెలలో మొత్తం ఎలక్ట్రిక్ వాహనాల సేల్స్​లో 25 శాతం క్షీణత నమోదైంది. గత సంవత్సరం ఇదే సమయంలో విక్రయించిన 6,979 యూనిట్ల నుంచి 5,240 యూనిట్లకు పడిపోయింది!

సేల్స్​లో క్షీణత టాటా మోటార్ వాణిజ్య వాహనాల విభాగంలో కూడా ప్రతిబింబిస్తుంది. గత నెలలో విక్రయించిన మొత్తం సీవీలు 31,988 యూనిట్లు కాగా.. 2024 జనవరిలో అది 32,092 యూనిట్లుగా ఉండేది.

టాటా మోటార్స్​ స్టాక్​ పరిస్థితేంటి?

సేల్స్​లో క్షీణత టాటా మోటార్స్​ స్టాక్​లో స్పష్టంగా కనిపిస్తోంది. రూ. 1,179.00 ఆల్​ టైమ్​ హై నుంచి టాటా మోటార్స్​ షేర్లు భారీగా పతనమయ్యాయి. శనివారం ట్రేడింగ్​ సెషన్​లో ఈ సంస్థ షేరు ధర రూ. 706 వద్ద ముగిసింది. కానీ, 5 రోజుల్లో టాటా మోటార్స్​ స్టాక్​ 2.5శాతం, నెల రోజుల్లో 7.7శాతం, ఆరు నెలల్లో ఏకంగా 36శాతం మేర పనతమైంది.

గత బుధవారం ట్రేడింగ్​ సెషన్​లో రూ. 683.20 వద్ద 52 వీక్​ లో- ని టచ్​ చేసిన టాటా మోటార్స్​ స్టాక్​, అక్కడి నుంచి కాస్త పుంజుకుంది.

కంపెనీ షేర్లు పతనమవ్వడం ఇన్వెస్టర్లను భయపెడుతోంది. కంపెనీ సేల్స్​కి తగ్గట్టుగానే అనేక బ్రోకరేజ్​ సంస్థలు టాటా మోటార్స్​ షేర్​ ప్రైజ్​ టార్గెట్​ని డౌన్​గ్రేడ్​ చేశాయి. రూ. 660 నుంచి రూ. 755 మధ్యలో టార్గెట్​ని ఇస్తున్నాయి.

అయితే, కంపెనీలో కష్టకాలం, స్టాక్​లో ఇప్పటికే రిఫ్లెక్ట్​ అయ్యిందని నిపుణులు గుర్తుచేస్తున్నారు. భవిష్యత్తులో కంపెనీ నుంచి ఏదైనా సానుకూల వార్త వస్తే, టాటా మోటార్స్​ స్టాక్​ పెరిగే అవకాశం ఉంటుందని ఆశాభావం వ్యక్తం చేస్తున్నారు.

(గమనిక:- ఇది సమాచారం కోసం రూపొందించిన కథనం మాత్రమే. హెచ్​టీ తెలుగుకు ఎలాంటి సంబంధం లేదు. ఏదైనా స్టాక్​లో ఇన్వెస్ట్​ చేసే ముందు సెబీ రిజిస్టర్డ్​ ఫైనాన్షియల్​ అడ్వైజర్​ని సంప్రదించడం శ్రేయస్కరం.)

Whats_app_banner

సంబంధిత కథనం