సింగిల్ ఛార్జ్తో 620 కి.మీ వరకు రేంజ్- టాటా హారియర్ ఈవీ ఆన్రోడ్ ప్రైజ్ వివరాలు ఇవే..
టాటా హారియర్ ఈవీ ధరలను సంస్థ తాజాగా ప్రకటించింది. ఈ నేపథ్యంలో హైదరాబాద్లో టాటా హారియర్ ఈవీ ఆన్రోడ్ ప్రైజ్కి సంబంధించిన పూర్తి వివరాలను ఇక్కడ తెలుసుకోండి..
భారత ఆటోమొబైల్ మార్కెట్లోని ఎలక్ట్రిక్ వాహనాల సెగ్మెంట్లో టాటా మోటార్స్కి అత్యధిక వాటా ఉంది. నెక్సాన్ ఈవీ, పంచ్ ఈవీ, టియాగో ఈవీ, టిగోర్ ఈవీ వంటి బెస్ట్ సెల్లింగ్ మోడల్స్కి మంచి డిమాండ్ ఉంది. ఇక టాటా మోటార్స్ నుంచి ఇటీవలే టాటా హారియర్ ఈవీ మార్కెట్లోకి అడుగుపెట్టిన విషయం తెలిసిందే. ఇక ఇప్పుడు, ఈ ఎలక్ట్రిక్ కారుకు సంబంధించిన ధరల వివరాలను సంస్థ వెల్లడించింది. ఈ నేపథ్యంలో ఒకవేళ మీరు ఈ ఎలక్ట్రిక్ కారు కొనాలని ప్లాన్ చేస్తుంటే.. హైదరాబాద్లో టాటా హారియర్ ఈవీ ఆన్రోడ్ ప్రైజ్ వివరాలను ఇక్కడ తెలుసుకోండి..
హైదరాబాద్లో టాటా హారియర్ ఈవీ ఆన్రోడ్ ప్రైజ్..
- టాటా హారియర్ ఈవీ అడ్వెంచర్ 65- రూ. 22.58 లక్షలు
- అడ్వెంచర్ ఎస్ 65- రూ. 23.32 లక్షలు
- ఫియర్లెస్ ప్లస్ 65- రూ. 25.24 లక్షలు
- ఫియర్లెస్ ప్లస్ 75- రూ. 26.47 లక్షలు
- ఎంపవర్డ్ 75- రూ. 29.08 లక్షలు
అంటే హైదరాబాద్లో టాటా హారియర్ ఈవీ ఆన్రోడ్ ప్రైజ్ రూ. 22.58 లక్షల నుంచి రూ. 29.08 లక్షల వరకు ఉంటుంది. ఒకవేళ వీటిపై ఏమైనా ఆఫర్లు ఉంటే, ధరలు తగ్గొచ్చు.
సాధారణంగా వెహికల్కి ఎక్స్షోరూం ప్రైజ్, ఆన్రోడ్ ప్రైజ్లు వేరువేరుగా ఉంటాయి. వెహికిల్ని లాంచ్ చేసే సమయంలో ఆటోమొబైల్ సంస్థలు ఎక్స్షోరూం ధరలను మాత్రమే చెబుతాయి. కాగా ఆన్రోడ్ ప్రైజ్ అనేది వివిధ రాష్ట్రాల్లో ట్యాక్స్లు వేరువేరుగా ఉండటంతో మారుతుంటూ ఉంటుది. అందుకే కస్టమర్లు వెహికిల్ని కొనే ముందు, ఎక్స్షోరూం ప్రైజ్ కాకుండా ఆన్రోడ్ ప్రైజ్ తెలుసుకుని బడ్జెట్ వేసుకోవాలి.
మీ సమీప డీలర్షిప్ షోరూమ్ని సందర్శిస్తే టాటా హారియర్ ఈవీ టెస్ట్ డ్రైవ్తో పాటు ఆఫర్స్, డిస్కౌంట్స్ వంటి వివరాలపైనా క్లారిటీ వస్తుంది. ఆ మేరకు మీరు మీ బడ్జెట్ని ప్లాన్ చేసుకోవచ్చు.
టాటా హారియర్ ఈవీ బుకింగ్స్ జులై 2 ప్రారంభమవుతాయి.
టాటా హారియర్ ఈవీ రేంజ్..
ఈ టాటా హారియర్ ఈవీ ఒక లాంగ్ రేంజ్ ఎలక్ట్రిక్ కారు అని చెప్పుకోవచ్చు. ఇందులోని 75 కేడబ్ల్యూహెచ్ బ్యాటరీని ఒక్కసారి ఛార్జ్ చేస్తే సుమారు 620 కి.మీ రేంజ్ వస్తుందని అంచనాలు ఉన్నాయి. అంతేకాదు, ఫాస్ట్ ఛార్జర్తో ఈ ఈవీని 15 నిమిషాలు ఛార్జ్ చేస్తే ఏకంగా 250 కి.మీ వరకు ప్రయాణిస్తుందట. మొత్తం మీద చూసుకుంటే, 120 కేడబ్ల్యూ డీసీ ఫాస్ట్ ఛార్జర్తో 20-80శాతం ఛార్జింగ్కి కేవలం 25 నిమిషాల సమయం పడుతుందని సంస్థ చెబుతోంది.
మరి మీరు ఈ టాటా హారియర్ ఈవీ కొంటారా?
సంబంధిత కథనం