Tata Curvv Variants : టాటా కర్వ్​ కూపే ఎస్​యూవీ వేరియంట్లు- వాటి సూపర్​ ఫీచర్స్​ ఇవే..

టాటా మోటార్స్ భారతదేశంలో కర్వ్​ని తాజాగా విడుదల చేసింది. దీని ప్రారంభ ధర రూ .9.99 లక్షల నుంచి రూ .17.69 లక్షల వరకు ఉంది. కొత్త కూపే ఎస్​యూవీ స్మార్ట్, ప్యూర్ +, ప్యూర్ + ఎస్, క్రియేటివ్, క్రియేటివ్ ఎస్, క్రియేటివ్ + ఎస్, అకంప్లీష్​డ్​ +, అకంప్లీష్​డ్​+ ఏ అనే ఎనిమిది వేరియంట్లలో లభిస్తుంది.

కర్వ్​లో 1.2-లీటర్ రెవోట్రాన్ పెట్రోల్, 1.5-లీటర్ క్రియోజెట్ డీజల్, 1.2-లీటర్ టీ-జీడీఐ పెట్రోల్ అనే మూడు ఇంజన్ ఆప్షన్స్​ ఉన్నాయి. వీటిలో డీజిల్ ఇంజన్ అన్ని వేరియంట్లలో అందుబాటులో ఉండగా, టీ-జీడీఐ పెట్రోల్ క్రియేటివ్ ఎస్ ట్రిమ్ నుంచి ప్రారంభమవుతుంది, రెవోట్రాన్ పెట్రోల్ ఇంజన్ టాప్ అంకప్లీష్​డ్​ +ఏ ట్రిమ్ లెవల్ మినహా అన్నింటిలో ఉంది. వినియోగదారులు అన్ని ఇంజన్ ఆప్షన్స్​తో ఆరు స్పీడ్ మాన్యువల్ లేదా ఏడు స్పీడ్ డ్యూయల్ క్లచ్ ఆటోమేటిక్-డీసీఏ ట్రాన్స్​మిషన్​ ఎంచుకోవచ్చు. వీటన్నింటితో టాటా కర్వ్​ను 30 వేరియంట్లలో అందిస్తున్నారు.

టాటా కర్వ్ స్మార్ట్..

ఇది టాటా కర్వ్ బేస్ వేరియంట్. ఇది ధరను పోటీగా ఉంచుతూ బలమైన ఫీచర్ల జాబితాను కలిగి ఉంది. ఎంట్రీ లెవల్ ట్రిమ్ ఆరు ఎయిర్ బ్యాగులు, ఎలక్ట్రానిక్ స్టెబిలిటీ ప్రోగ్రామ్, ఏబీఎస్ విత్ ఈబీడీ వంటి ఫీచర్లతో భద్రత విషయంలో రాజీపడదు. టాటా కర్వ్ స్మార్ట్​లో ఎల్ఈడీ హెడ్ ల్యాంప్స్, టెయిల్ ల్యాంప్స్, డీఆర్ఎల్ ఉన్నాయి. లోపలి భాగంలో అన్ని డోర్లలో పవర్ విండోస్, మల్టీ డ్రైవ్ మోడ్స్, 2-స్పోక్ ఇల్యూమినేటెడ్ డిజిటల్ స్టీరింగ్ వీల్, 10.16 సెంటీమీటర్ల డిజిటల్ ఇన్​స్ట్రుమెంట్ క్లస్టర్ ఉన్నాయి.

ఐసోఫిక్స్, రేర్ పార్కింగ్ సెన్సార్లు, రిమోట్ సెంట్రల్ లాకింగ్, చైల్డ్ సేఫ్టీ లాక్స్ వంటి ఫీచర్లు ఇందులో ఉన్నాయి. రేర్ స్పాయిలర్, హైట్ అడ్జెస్టెబుల్ డ్రైవర్ సీటు, ఆర్16 స్టీల్ వీల్స్, అడ్జెస్టెబుల్ టిల్ట్ స్టీరింగ్, మాన్యువల్ హెచ్​వీఏసీ, రియర్ రూఫ్ ల్యాంప్ వంటి ఫీచర్లు ఉన్నాయి.

టాటా కర్వ్ ప్యూర్ +

టాటా కర్వ్ ప్యూర్ ప్లస్ స్మార్ట్ వేరియంట్​ను అనేక చేర్పులతో రూపొందించింది టాటా మోటార్స్​. ఆండ్రాయిడ్ ఆటో, యాపిల్ కార్ ప్లేతో కూడిన పెద్ద 17.78 సెంటీమీటర్ల టచ్​స్క్రీన్ ఇన్ఫోటైన్​మెంట్ సిస్టెమ్, క్రూయిజ్ కంట్రోల్, ఫుల్లీ ఆటోమేటిక్ టెంపరేచర్ కంట్రోల్, 4 స్పీకర్ ఆడియో సిస్టెమ్, ఎలక్ట్రికల్​గా అడ్జస్ట్ చేయగల, ఆటో-ఫోల్డింగ్ ఎక్ట్సీరియర్ మిర్రర్లు, రివర్స్ కెమెరా పార్క్ అసిస్ట్, స్టీరింగ్ మౌంటెడ్ కంట్రోల్స్, బ్లూటూత్ కనెక్టివిటీ, వాయిస్ కమాండ్స్, షార్క్ ఫిన్ యాంటెనా, లెదర్ గేర్ సెలెక్టర్, ప్యాడిల్ షిఫ్టర్స్ (ఆటోమేటిక్ ట్రాన్స్ మిషన్ వేరియంట్ల కోసం), ఎలక్ట్రిక్ టెంపరేచర్ కంట్రోల్, ఆర్మ్​రెస్ట్, యూఎస్బీ మొబైల్ ఛార్జర్లు, టైర్ ప్రెజర్ మానిటరింగ్, స్టైలిష్ వీల్ కవర్లు, టచ్ ఆధారిత హెచ్​వీఏసీ కంట్రోల్స్ ఉన్నాయి.

టాటా కర్వ్ ప్యూర్ + ఎస్..

టాటా కర్వ్ ప్యూర్ + ఎస్ ప్యూర్ ప్లస్ వేరియంట్ కంటే ప్రీమియం ఫీచర్లను పొందుతుంది. క్యాబిన్ ఓపెన్​గా అనిపించేలా వాయిస్ అసిస్టెడ్ పనోరమిక్ సన్ రూఫ్, సౌలభ్యం కోసం రెయిన్ సెన్సింగ్ వైపర్లు, మెరుగైన విజిబిలిటీ కోసం ఆటో హెడ్ లైట్లు, 17 ఇంచ్​ వీల్స్​ ఉన్నాయి.

టాటా కర్వ్ క్రియేటివ్..

ప్యూర్ ప్లస్ ఎస్ వేరియంట్​లో లభించే ఫీచర్లను టాటా కర్వ్ క్రియేటివ్ మరింత పెంచింది. 10.2 ఇంచ్​ టచ్​స్క్రీన్​ ఇన్ఫోటైన్మెంట్ సిస్టమ్, అప్​గ్రేడెడ్ 8 స్పీకర్ ఆడియో సిస్టమ్, ఏరోడైనమిక్ ఇన్సర్ట్స్​తో కూడిన 17 ఇంచ్​ అల్లాయ్ వీల్స్, బై-ఫంక్షన్ ఫుల్ ఎల్ఈడీ హెడ్​లైట్ వంటి ప్రత్యేకతలున్నాయి. ఆటోమేటిక్ క్లైమేట్ కంట్రోల్, పుష్ బటన్ స్టార్ట్​తో స్మార్ట్ కీ, రియర్ డీఫాగర్, లెదర్ చుట్టిన స్టీరింగ్ వీల్, కూల్డ్ గ్లోవ్ బాక్స్, జీపీఎస్​తో షార్క్ ఫిన్ యాంటెనా, వైఫై కనెక్టివిటీ వంటి ఫీచర్లు ఇందులో ఉన్నాయి.

టాటా కర్వ్ క్రియేటివ్ ఎస్..

కొన్ని కీలక చేర్పులతో క్రియేటివ్ వేరియంట్​ని రూపొందించింది సంస్థ. ఇందులో వాయిస్ అసిస్టెడ్ పనోరమిక్ సన్ రూఫ్, రెయిన్ సెన్సింగ్ వైపర్లు, ఆటోమేటిక్ హెడ్ ల్యాంప్స్ ఉన్నాయి.

టాటా కర్వ్ క్రియేటివ్ ప్లస్ ఎస్..

క్రియేటివ్ ఎస్ ట్రిమ్ కంటే, టాటా కర్వ్ క్రియేటివ్ ప్లస్ ఎస్ చాలా మెరుగుదలలతో వస్తుంది. వీటిలో 18 ఇంచ్​ అల్లాయ్ వీల్స్, సీక్వెన్షియల్ టర్న్ ఇండికేటర్స్, ఫ్రంట్ సెంటర్ పొజిషన్ ల్యాంప్, కనెక్టెడ్ ఎల్ఈడీ టెయిల్ ల్యాంప్స్, బ్లైండ్ వ్యూ మానిటర్​తో కూడిన 360 డిగ్రీల సరౌండ్ వ్యూ సిస్టమ్, హిల్ డిసెంట్ కంట్రోల్, టైర్ ప్రెజర్ మానిటరింగ్ (టీపీఎంఎస్), కార్నరింగ్ ఫీచర్తో కూడిన ఎల్ఈడీ ఫాగ్ ల్యాంప్స్ ఉన్నాయి. క్యాబిన్ లోపల మూడ్ లైటింగ్​తో కూడిన థీమ్డ్ డ్యాష్​బోర్డ్​ ఉంది.

పెద్ద 10.2 ఇంచ్​ డిజిటల్ ఇన్​స్ట్రుమెంట్ క్లస్టర్, వన్-క్లిక్ డ్రైవర్ పవర్ అప్ అండ్ డౌన్ విండోస్. డ్యాష్ బోర్డ్​పై డెకరేటివ్ లెథరెట్ మిడ్ ఇన్సర్ట్స్​, కప్ హోల్డర్స్​తో రియర్ ఆర్మ్​రెస్ట్, డ్యూయల్ టోన్ రూఫ్ ఆప్షన్, ఇంటీరియర్ బూట్ ల్యాంప్, స్టైలైజ్డ్ బ్లేడ్స్, ఫ్రంట్ వైపర్స్, లెదర్ గేర్ షిఫ్ట్ నాబ్, ఎన్ హాన్స్ డ్ హర్మన్ ఆడియోవోర్ఎక్స్ ఆడియో సిస్టమ్ ఉన్నాయి.

టాటా కర్వ్ అకంప్లీష్​డ్​ ఎస్

క్రియేటివ్​ ప్లస్​ ఎస్ వేరియంట్ కొన్ని ప్రీమియం ఫీచర్లతో క్రియేటివ్ ప్లస్ ఎస్ వేరియంట్​ను మరింత అభివృద్ధి చేస్తుంది. వీటిలో సిక్స్ వే పవర్డ్ డ్రైవర్ సీటు, వెంటిలేటెడ్ ఫ్రంట్ సీట్లు, మూడ్ లైటింగ్​తో కూడిన వాయిస్ అసిస్టెడ్ పనోరమిక్ సన్​రూఫ్, లెదర్ సీట్లు, జేబీఎల్ బ్రాండింగ్, సౌండ్ మోడ్​లతో కూడిన తొమ్మిది స్పీకర్ ఆడియో సిస్టమ్, నిర్దిష్ట ఇంజన్ వేరియంట్లలో లభించే రియర్ డిస్క్ బ్రేక్​లు, ఆటో హోల్డ్​తో ఎలక్ట్రానిక్ పార్కింగ్ బ్రేక్, హైట్​ అడ్జెస్టెబుల్​ కో-డ్రైవర్ సీటు, రిక్లైనింగ్ ఎంపికలతో కూడిన 60:40 రేర్​ స్ప్లిట్ సీట్లు, లెథరెట్ ఆర్మ్ రెస్ట్​తో గ్రాండ్ సెంటర్ కన్సోల్, ఏక్యూఐ డిస్ ప్లే, వైర్ లెస్ స్మార్ట్ ఫోన్ ఛార్జింగ్ తో కూడిన ఎయిర్ ప్యూరిఫైయర్.

టాటా కర్వ్ అకంప్లీష్​డ్​+ ఏ

టాటా కర్వ్ అకంప్లీష్​డ్​+ ఏ టాప్-ఆఫ్-లైన్ వేరియంట్ ముందు వేరియంట్​ కంటే చాలా ప్రీమియం ఫీచర్లను తీసుకురాగలిగింది. గెస్చర్ కంట్రోల్డ్ పవర్డ్ టెయిల్​గేట్, హర్మన్ 12.3 ఇంచ్​ టచ్​స్క్రీన్​ ఇన్ఫోటైన్మెంట్ సిస్టమ్, వెల్కమ్ అండ్ గుడ్​బై యానిమేషన్లతో సీక్వెన్షియల్ ఎల్ఈడీ డీఆర్ఎల్లు, టెయిల్ ల్యాంప్స్, ఐఆర్ఏ కనెక్టెడ్ కార్ టెక్నాలజీ, కార్-టు-హోమ్ ఫంక్షనాలిటీతో అలెక్సా వాయిస్ కమాండ్స్, ఆటో డిమ్మింగ్తో ఎలక్ట్రోక్రోమాటిక్ ఐఆర్వీఎం, ఎక్స్ప్రెస్ కూలింగ్, 20 కీలక ఫీచర్లతో అడ్వాన్స్డ్ డ్రైవర్ అసిస్టెన్స్ సిస్టమ్ (ఏడీఏఎస్) ఉన్నాయి.