టాటా మోటార్స్​ కస్టమర్స్​కి అలర్ట్​! వర్షా కాలంలో స్పెషల్​ క్యాంప్​- ఇవన్నీ ఉచితంగా..

టాటా మోటార్స్​ కస్టమర్స్​కి అలర్ట్​! ఈ దిగ్గజ ఆటోమొబైల్​ సంస్థ తమ కస్టమర్స్​ కోసం దేశవ్యాప్తంగా మాన్​సూమ్​ క్యాంప్​ని నిర్వహిస్తున్నట్టు ప్రకటించింది. ఈ క్యాంప్​ 500 నగరాల్లో అందుబాటులో ఉంటుందని, 1090 అధికారిక వర్క్​షాప్స్​ సపోర్ట్​ వీటికి ఉంటుందని పేర్కొంది. ఈ టాటా మోటార్స్​ మాన్​సూమ్​ క్యాంప్​ సేవలను జూన్​ 20 వరకు వినియోగించుకోవచ్చని స్పష్టం చేసింది.

వర్షా కాలంలో ఉపయోగకరంగా..!

దేశంలో జూన్​తో వర్షా కాలం మొదలవుతుంది. ఈ సమయంలో భారీ వర్షాలతో అనేక చోట్ల రోడ్లు జలమయం అవుతాయి. డ్రైనేజీ వ్యవస్థ దెబ్బతింటుంది. ఇలాంటి పరిస్థితుల్లో అటు డ్రైవింగ్​ కష్టమే, ఇటు కారు మెయిన్​టైనెన్స్​ కూడా కష్టమే. అందుకే వాహన పనితీరు, భద్రతను నిర్ధారించడమే ఈ కార్యక్రమం లక్ష్యమని స్వదేశీ తయారీదారు చెప్పుకొచ్చింది.

30 కంటే ఎక్కువ ముఖ్యమైన చెక్​ పాయింట్స్​తో పాటు, ఎలక్ట్రిక్ వాహనాలకు సంబంధించిన నిర్ధారణలతో సహా, వినియోగదారులు ఉచితంగా పూర్తి వాహన ఆరోగ్య పరీక్షను పొందే అవకాశం ఉంది. ఈ కార్యక్రమంలో కారు టాప్​వాష్, అసలైన స్పేర్ పార్ట్స్, ఇంజిన్ ఆయిల్, ఎక్స్​టెండెడ్​ వారంటీలు, లేబర్ ఖర్చులపై ప్రత్యేక తగ్గింపులు కూడా ఉన్నాయి.

విలువను మెరుగుపరచడానికి, వినియోగదారులు కొత్త టాటా వాహనాలపై ఆకర్షణీయమైన ఎక్స్​ఛేంజ్​ ఆఫర్లను ఉపయోగించుకునే అవకాశాన్ని కూడా సంస్థ ఇస్తోంది. ఇందులో వారి ప్రస్తుత కార్ల ఉచిత అసెస్​మెంట్​ కూడా ఉంటుంది.

మరిన్ని వివరాల కోసం టాటా మోటార్స్​ అధికారిక వెబ్​సైట్​, సమీపంలోని డీలర్​షిప్​ షోరూమ్​ని సందర్శించాల్సి ఉంటుంది.

టాటా హారియర్​ ఈవీ..

ఇక టాటా మోటార్స్​ నుంచి కొత్తగా ఒక మోడల్​ లాంచ్​ అయ్యింది. దీని పేరు టాటా హారియర్​ ఈవీ. దీని ప్రారంభ ఎక్స్​షోరూం ధర రూ. 21.49 లక్షలు. హ్యారియర్ ఈవీ.. టాటా మోటార్స్ ఎలక్ట్రిక్ మొబిలిటీ నుంచి వస్తున్న ప్రీమియర్ ఎలక్ట్రిక్ వాహనంగా నిలువనుంది. ఈ కొత్త మోడల్ తయారీదారు అభివృద్ధి చేసిన తాజా ఈవీ ఆర్కిటెక్చర్‌ను కలిగి ఉంది. ఇది acti.ev plus గా పిలుస్తున్నారు. ఇందులో ఆల్-వీల్ డ్రైవ్ ఉంటుంది.

టాటా హారియర్ ఈవీ మూడు ట్రిమ్ స్థాయిలలో అందుబాటులో ఉంటుంది. అవి.. అడ్వెంచర్, ఫియర్‌లెస్, ఎంపవర్డ్. ఇది నైనిటాల్ నాక్​చ్యుర్నల్, ఎంపవర్డ్ ఆక్సైడ్, ప్యూర్ గ్రే, ప్రిస్టైన్ వైట్ అనే నాలుగు కలర్​ ఆప్షన్స్​లో వస్తుంది. అదనంగా ప్రత్యేకమైన బ్లాక్డ్-అవుట్ స్టెల్త్ ఎడిషన్ కూడా ఉంటుంది.

టాటా హారియర్​ బేస్​ వేరియంట్​ ఫీచర్స్​ గురించి తెలుసుకునేందుకు ఇక్కడ క్లిక్​ చేయండి.

ఈ ఎలక్ట్రిక్ ఎస్​యూవీ కోసం బుకింగ్‌లు జులై 2న ప్రారంభం కానున్నాయి. హారియర్ ఈవీ.. మహీంద్రా ఎక్స్​ఈవీ 9ఈ, బీవైడీ టో 3 వంటి వాహనాలతో పోటీ పడుతుంది. వీటి మధ్య వ్యత్యాసాలు తెలుసుకునేందుకు ఇక్కడ క్లిక్​ చేయండి.

టటా హారియర్ ఈవీ రెండు బ్యాటరీ ప్యాక్ ఎంపికలు, రెండు మోటార్ కాన్ఫిగరేషన్లతో అందుబాటులో ఉంటుంది. హారియర్ ఈవీ లో-వేరియంట్లు 65 కేడబ్ల్యూహెచ్​ బ్యాటరీ ప్యాక్‌ను ఉపయోగిస్తాయి. కాగా టాప్​ ఎండ్​ ట్రిమ్స్​లో 75 కేడబ్ల్యూహెచ్​ బ్యాటరీ ప్యాక్‌ ఉంటుంది. ఈ 75 కేడబ్ల్యూహెచ్​ బ్యాటరీ ప్యాక్‌తో అమర్చిన ఆర్​డబ్ల్యూడీ వేరియంట్ల రేంజ్​ 627 కిమీ.