టాటా ఆల్ట్రోజ్​ ఫేస్​లిఫ్ట్​ వేరియంట్లు- వాటి ఫీచర్లు..

ఇండియాలో బెస్ట్​ సెల్లింగ్​ ప్రీమియం హ్యచ్​బ్యాక్​గా గుర్తింపు తెచ్చుకున్న టాటా ఆల్ట్రోజ్​కి ఫేస్​లిఫ్ట్​ వర్షెన్​ రాబోతోంది. మే 22న ఈ మోడల్​ లాంచ్​కానుంది. 2020లో తొలిసారి బయటకు వచ్చినప్పటి నుంచి ఈ కారుకు ఇదే బిగ్గెస్ట్​ అప్​గ్రేడ్! కాగా ఈ హ్యాచ్​బ్యాక్​ని టాటా మోటార్స్​ ఇప్పటికే ఆవిష్కరించింది. 2025 ఆల్ట్రోజ్ స్మార్ట్​, ప్యూర్, క్రియేటివ్, అకంప్లీష్​డ్​ ఎస్, అంకప్లీష్​డ్​ + ఎస్ అనే ఐదు వేరియంట్లలో అందుబాటులోకి రానుంది. ఈ నేపథ్యంలో వేరియంట్లు, వాటిల్లో లభిస్తున్న ఫీచర్ల వివరాలను ఇక్కడ తెలుసుకుందాము..

2025 టాటా ఆల్ట్రోజ్: స్మార్ట్

2025 టాటా ఆల్ట్రోజ్ లైనప్ స్మార్ట్ వేరియంట్​తో ప్రారంభమవుతుంది. స్మార్ట్ బేస్ లెవల్ సేఫ్టీ, బేసిక్ డిజైన్ ఫీచర్లను అందించాలని లక్ష్యంగా పెట్టుకుంది. ఈ మోడల్ పూర్తి భద్రతా ప్యాకేజీ, 6 ఎయిర్ బ్యాగులు, ఈఎస్​పీ వస్తుంది, ఇది డ్రైవర్​కి మరింత నమ్మకాన్ని ఇవ్వడంలో సహాయపడుతుంది.

ఎక్స్​టీరియర్ హైలైట్స్​లో ప్రొజెక్టర్ హాలోజెన్ హెడ్ ల్యాంప్స్, ఎల్​ఈడీ టెయిల్ ల్యాంప్స్, స్లీక్ ఫ్లష్-టైప్ డోర్ హ్యాండిల్స్ ఉన్నాయి. ఎంట్రీ- ఎగ్జిట్​ కోసం 90 డిగ్రీలు తెరుచుకునే డోర్స్​ని ఇచ్చింది టాటా మోటార్స్​. ఈ స్మార్ట్ వేరియంట్​లో టాటా లోగోతో కూడిన స్మార్ట్ డిజిటల్ స్టీరింగ్ వీల్, లోపల ప్రత్యేకమైన 3డీ ఫ్రంట్ గ్రిల్ ఉన్నాయి.

టాటా ఆల్ట్రోజ్ ఫేస్​లిఫ్ట్​: ప్యూర్​..

స్టార్​ వేరియంట్​తో పోలిస్తే ప్యూర్ వెర్షన్​లో కంఫర్ట్, కన్వీనియన్స్ ఫీచర్లు పెరిగాయి. ఇందులో హర్మన్ నుంచి 7-ఇంచ్​ టచ్​స్క్రీన్​ ఇన్ఫోటైన్మెంట్ సిస్టమ్ ఉంది. ఇది ఇన్-కార్ ఎంటర్టైన్మెంట్, కనెక్టివిటీని మెరుగుపరుస్తుంది. ప్రీమియం హ్యాచ్​బ్యాక్​ ప్యూర్ వెర్షన్​లో ఆటో-ఫోల్డ్ ఎక్స్​టర్నల్ రేర్ వ్యూ మిర్రర్స్ (ఓఆర్​వీఎమ్), సౌకర్యవంతమైన క్యాబిన్ వాతావరణం కోసం క్లిమా టచ్​తో ఆటో క్లైమేట్ కంట్రోల్, మెరుగైన ఎల్​ఈడీ హెడ్ ల్యాంప్స్ ఉన్నాయి.

ఈ కారులో రేర్​ వ్యూ కెమెరా కూడా ఉంది. డ్రైవర్ సౌకర్యం కోసం హైట్​- అడ్జెస్టెబుల్​ సీటును ఇచ్చింది టాటా మోటార్స్​. రిలాక్స్డ్ హైవే క్రూయిజింగ్ కోసం, క్రూయిజ్ కంట్రోల్ ప్యాకేజీలో భాగం. వాయిస్ అసిస్టెడ్ ఎలక్ట్రిక్ సన్​రూఫ్ కూడా ఈ వేరియంట్​లో ఉంది.

2025 టాటా ఆల్ట్రోజ్: క్రియేటివ్

టాటా ఆల్ట్రోజ్​ ఫేస్​లిఫ్ట్​ క్రియేటివ్ వేరియంట్​ మరింత అధునాతన సాంకేతికత, అప్ మార్కెట్ స్టైలింగ్ అంశాలతో ఆల్ట్రోజ్ అనుభవాన్ని మరింత ముందుకు తీసుకువెళుతుంది. ఇది ప్యూర్ వేరియంట్​లోని ఫీచర్లతో పాటు 360 డిగ్రీల హెచ్​డీ సరౌండ్ వ్యూ సిస్టెమ్​ను కలిగి ఉంది. ఇన్ఫోటైన్మెంట్ సిస్టెమ్​ను అల్ట్రా వ్యూ 10.25 ఇంచ్​ హెచ్​డీ యూనిట్​కు హర్మన్ అప్​గ్రేడ్ చేసింది. లుమినేట్ ఎల్ఈడీ హెడ్ ల్యాంప్స్, ఎల్ఈడీ డీఆర్ఎల్స్​తో లైటింగ్ మెరుగుపడుతుంది.

పుష్ బటన్ స్టార్ట్/స్టాప్ సిస్టెమ్​తో సౌలభ్యాన్ని మరింత మెరుగుపరిచింది టాటా మోటార్స్.​ ఎక్స్​టీరియర్ ఆర్​16 హైపర్ స్టైల్ డ్యూయెల్-టోన్ వీల్స్ (ఇవి స్టైలైజ్డ్ స్టీల్ వీల్స్) తో స్పోర్టియర్ లుక్​ను పొందుతాయి. వెనుక ప్రయాణీకుల కోసం రేర్​ ఏసీ వెంట్​లు ఉన్నాయి. గెలాక్సీ యాంబియంట్ లైటింగ్ ద్వారా క్యాబిన్ పరిసరాలు మెరుగుపడతాయి. వాయిస్ అసిస్టెడ్ ఎలక్ట్రిక్ సన్​రూఫ్ క్రియేటివ్ ట్రిమ్​లో ఆప్షనల్ ఫీచర్​గా ఉంది.

2025 టాటా ఆల్ట్రోజ్: అకంప్లీష్​డ్​ ఎస్

టాటా ఆల్ట్రోజ్​ క్రియేటివ్​ వేరియంట్ కంటే ఎక్కువ ప్రీమియం ఫీచర్లు, విలక్షణమైన కాస్మెటిక్ అప్​గ్రేడ్​లను ఇందులో ఇచ్చింది సంస్త. ఈ ట్రిమ్ లెవల్ స్టైలిష్ డ్రాగ్ కట్ ఆర్ 16 అల్లాయ్ వీల్స్​పై ప్రయాణిస్తుంది. డ్రైవర్ సమాచారం 7 ఇంచ్​ డిజిటల్ ఇన్​స్ట్రుమెంట్ క్లస్టర్​పై డిస్​ప్లే అవుతుంది. సవాళ్లతో కూడిన పరిస్థితుల్లో మెరుగైన విజిబిలిటీ కోసం, LED ఫాగ్ ల్యాంప్​లు ఇచ్చింది.

వాయిస్ అసిస్టెడ్ ఎలక్ట్రిక్ సన్​రూఫ్ ఈ వేరియంట్ నుంచి ప్రామాణిక ఫీచర్​గా మారుతుంది. క్యూఐ సపోర్ట్ ఉన్న వైర్లెస్ స్మార్ట్​ఫోన్ ఛార్జర్​తో ఆధునిక సౌలభ్యాన్ని పెంచింది టాటా మోటార్స్​ ఇన్ఫినిటీ ఎల్ఈడీ కనెక్టెడ్ టెయిల్ ల్యాంప్​తో వెనుక డిజైన్​ని మరింత మెరుగుపరింది.

2025 టాటా ఆల్ట్రోజ్: అకంప్లీష్​డ్​ + ఎస్

టాటా ఆల్ట్రోజ్​ ఫేస్​లిఫ్ట్​లో టాప్​ ఎండ్​ వేరియంట్​ ఈ అకంప్లీష్​డ్​+ ఎస్​. లోయర్ ట్రిమ్స్​లోని ఫీచర్లు అన్నీ ఇందులో ఉన్నాయి. అదనంగా అధునాతన కనెక్టెడ్ కార్ టెక్నాలజీ. అప్​గ్రేడెడ్ డిస్​ప్లేలను కలిగి ఉంది. ఐఆర్ఏ కనెక్టెడ్ కార్ టెక్నాలజీతో కనెక్టెడ్ ఫీచర్ల ప్యాకేజీని అందిస్తోంది.

హ్యాచ్​బ్యాక్​లో డిజిటల్ ఇన్​స్ట్రుమెంట్ క్లస్టర్ అనేది అల్ట్రా వ్యూ 10.25 ఇంచ్​ హెచ్​డీ యూనిట్. ఇంటిగ్రేటెడ్ నావిగేషన్ కోసం ఇన్-బిల్ట్ మ్యాప్ వ్యూను కలిగి ఉంది. ఇన్ బిల్ట్ బ్లైండ్ స్పాట్ మానిటర్​తో భద్రత కూడా మెరుగుపడుతుంది. ప్రీమియం ఆడియో అనుభవం కోసం, ఆడియోవోర్ఎక్స్ కస్టమైజబుల్ ఆడియో మోడ్స్​ ఉన్నాయి. ఎయిర్ ప్యూరిఫైయర్ ఆరోగ్యకరమైన క్యాబిన్ వాతావరణాన్ని అందించడంలో సహాయపడుతుంది. ఎస్​ఓఎస్​ కాలింగ్ ఫంక్షన్ (ఈ-కాల్/బీ-కాల్) అత్యవసర పరిస్థితుల్లో అదనపు భద్రతను అందిస్తుంది.

ఈ వేరియంట్ల ధరలు వంటి వివరాలు లాంచ్​ టైమ్​ నాటికి అందుబాటులోకి వస్తాయి.