సింగిల్​ ఛార్జ్​తో 95 కి.మీ రేంజ్​- యాక్టివా ఈకి పోటీగా వస్తున్న ఈ ఎలక్ట్రిక్​ స్కూటర్​పై బిగ్​ అప్డేట్​..

మచ్​ అవైటెడ్​ సుజుకీ ఈ-యాక్సెస్​ ఎలక్ట్రిక్​ స్కూటర్​పై బిగ్​ అప్డేట్​! భారత దేశంలో ఈ ఈ-స్కూటర్​ ప్రొడక్షన్​ని ప్రారంభించింది సుజుకీ మోటార్​ సైకిల్​ ఇండియా. సంస్థ నుంచి వస్తున్న తొలి ఎలక్ట్రిక్​ స్కూటర్​ గురుగ్రామ్​లో తయారవుతోంది. సుజుకీ ఈ-యాక్సెస్ లాంచ్ అయిన తరువాత హోండా యాక్టివా ఈ, టీవీఎస్ ఐక్యూబ్, ఏథర్ రిజ్టా, బజాజ్ చేతక్, ఓలా ఎస్ 1లకు గట్టిపోటీనిస్తుందని మార్కెట్​లో భారీ అంచనాలు ఉన్నాయి. ఈ నేపథ్యంలో ఈ మోడల్​ రేంజ్​, బ్యాటరీతో పాటు ఇతర వివరాలపై ఇక్కడ ఒక లుక్కేయండి.

సుజుకీ ఈ-యాక్సెస్ క్లెయిమ్ రేంజ్ ఎంత?

ఈ-యాక్సెస్ ఎలక్ట్రిక్​ స్కూటర్​ని ఒక్కసారి ఛార్జ్ చేస్తే 95 కిలోమీటర్ల రైడింగ్ రేంజ్​ని ఇస్తుంది సుజుకీ చెప్పింది.

సుజుకీ ఈ-యాక్సెస్ బ్యాటరీ ప్యాక్ పరిమాణం- ఛార్జింగ్ సమయం ఎంత?

సుజుకీ ఈ-యాక్సెస్ బ్యాటరీ ప్యాక్ 3.07 కిలోవాట్​! ఇది ఎల్ఎఫ్​పీ యూనిట్. ఏసీ పోర్టబుల్ ఛార్జర్ ఉపయోగించి, ఈ బ్యాటరీని సుమారు 6 గంటల 20 నిమిషాల్లో 0 శాతం నుంచి 100 శాతం వరకు, 25 డిగ్రీల సెంటీగ్రేడ్ పరిసర ఉష్ణోగ్రత పరిస్థితుల్లో 4 గంటల 30 నిమిషాల్లో 80 శాతం వరకు ఛార్జ్ చేయవచ్చు.

ఈ-యాక్సెస్ ఎలక్ట్రిక్​ స్కూటర్​ డీసీ ఫాస్ట్ ఛార్జింగ్​కి కూడా మద్దతు ఇస్తుంది. ఇది బ్యాటరీ ప్యాక్​ని సుమారు 2 గంటల 12 నిమిషాల్లో 0 శాతం నుంచి 100 శాతానికి పెంచగలదు. అయితే 80 శాతం ఛార్జింగ్​కి చేరుకోవడానికి 1 గంట 12 నిమిషాలు పడుతుంది.

సుజుకీ ఈ-యాక్సెస్ ఎలక్ట్రిక్ మోటార్ స్పెసిఫికేషన్లు ఏంటి?

ఈ ఎలక్ట్రిక్ మోటార్ గరిష్టంగా 4.1 కిలోవాట్ల పవర్​ని, 15 ఎన్ఎమ్ గరిష్ట టార్క్​ని జనరేట్​ చేయగలదు.

సుజుకీ ఈ-యాక్సెస్ రైడింగ్ మోడ్స్ ఏంటి?

ఈ-యాక్సెస్ రైడర్లకు మూడు విభిన్న డ్రైవ్ మోడ్ ఆప్షన్స్​ ఉంటాయని తెలుస్తోంది.

ఈకో మోడ్: ఈ మోడ్ గరిష్ట వేగాన్ని గంటకు 55 కిలోమీటర్లకు పరిమితం చేయడం ద్వారా క్రూయిజింగ్ పరిధిని ఆప్టిమైజ్ చేస్తుంది. తద్వారా పవర్​ని ఆదా చేయడానికి పవర్ ఔట్​పుట్​ను పరిమితం చేస్తుంది. మెరుగైన పునరుత్పత్తి బ్రేకింగ్ ద్వారా పవర్​ రికవరీని పెంచుతుంది.

రైడ్ మోడ్ ఏ: ఈ- యాక్సెస్​ ఎలక్ట్రిక్​ స్కూటర్​లోని ఈ మోడ్ గరిష్టంగా గంటకు 71 కిలోమీటర్ల వేగంతో గరిష్ట ఔట్​పుట్​ను అందిస్తుంది. అయినప్పటికీ, ఇది అధిక పునరుత్పత్తి బ్రేకింగ్ సెట్టింగ్ (2కేడబ్ల్యూ)ను కలిగి ఉంది. ఇది రైడ్ మోడ్ బి తో పోలిస్తే వేగవంతమైన డీసలరేషన్​కి దారితీస్తుంది.

రైడ్ మోడ్ బీ: ఈ మోడ్ గరిష్టంగా గంటకు 71 కిలోమీటర్ల వేగంతో గరిష్ట ఔట్​ పుట్​ను అందిస్తుంది. అయితే ఇది తక్కువ పునరుత్పత్తి బ్రేకింగ్ సెట్టింగ్ (1 కిలోవాట్) కలిగి ఉంటుంది. ఇది రైడ్ మోడ్ ఏ కంటే నెమ్మదిగా డీసరేట్​కు దారితీస్తుంది.

సుజుకీ ఈ- యాక్సెస్​ లాంచ్​, డెలివరీ, ధరతో పాటు ఇతర వివరాలు తెలియాల్సి ఉంది. రానున్న రోజుల్లో వీటిపై ఒక క్లారిటీ వచ్చే అవకాశం ఉంది.