బెస్ట్​ సెల్లింగ్​ సుజుకీ స్కూటర్​లో కొత్త ఎడిషన్​ లాంచ్​- ధర, హైలైట్స్​ ఇవే..

బెస్ట్​ సెల్లింగ్​ యాక్సెస్​ స్కూటర్​లో కొత్త ఎడిషన్​ని లాంచ్​ చేసింది సుజుకీ మోటార్​ సైకిల్​ ఇండియా. దీని పేరు రైడ్​ కనెక్ట్​. దీని ఎక్స్​షోరూం ధర రూ. 1,01,900గా ఉంది. ఈ స్కూటర్ పెర్ల్ మ్యాట్ ఆక్వా సిల్వర్ అని పిలిచే కొత్త కలర్ స్కీమ్, కొత్త 4.2 ఇంచ్​ కలర్ టీఎఫ్​టీ డిస్​ప్లేని పొందుతుంది. ఇది ప్రకాశవంతమైన విజువల్స్, వేగవంతమైన రిఫ్రెష్ రేట్లు, అధిక కాంట్రాస్ట్ నిష్పత్తులు, మరింత ఖచ్చితమైన రంగులను చూపిస్తుంది. ఈ నేపథ్యంలో ఈ మోడల్​ వివరాలను ఇక్కడ తెలుసుకోండి..

సుజుకీ యాక్సెస్​ స్కూటర్​ కొత్త ఎడిషన్​..

కొత్తగా ప్రవేశపెట్టిన పెర్ల్ మ్యాట్ ఆక్వా సిల్వర్​తో పాటు ఈ బెస్ట్​ సెల్లింగ్​ స్కూటర్​లో ప్రస్తుతం ఉన్న మెటాలిక్ మ్యాట్ బ్లాక్ నంబర్ 2, మెటాలిక్ మ్యాట్ స్టెల్లార్ బ్లూ, పెర్ల్ గ్రేస్ వైట్, సాలిడ్ ఐస్ గ్రీన్​ వంటి ఐదు కలర్ ఆప్షన్లలో లభిస్తుంది.

సుజుకీ యాక్సెస్​ రైడ్​ కనెక్ట్​ స్కూటర్​లో 124 సీసీ, సింగిల్ సిలిండర్ ఇంజిన్ ఉంటుంది. అన్ని సుజికీ 125 మోడల్స్​లో ఇదే ఇంజిన్​ ఉంటుంది. ఇది 6,500 ఆర్​పీఎం వద్ద 8.31 బీహెచ్​పీ పీక్​ పవర్​, 5,000 ఆర్​పీఎం వద్ద 10.2 ఎన్ఎమ్ టార్క్​ని జనరేట్​ చేస్తుంది. ఇంజిన్ ఫ్యూయల్ ఇంజెక్షన్, సీవీటీ ఆటోమేటిక్ ట్రాన్స్​మిషన్​తో పాటు కిక్- ఎలక్ట్రిక్ స్టార్టర్​ని ఈ వెహికిల్​ పొందుతుంది.

సుజుకీ మోటార్ సైకిల్ ఇండియా ప్రైవేట్ లిమిటెడ్ సేల్స్ అండ్ మార్కెటింగ్ వైస్ ప్రెసిడెంట్ దీపక్ ముత్రేజా మాట్లాడుతూ.. “సుజుకీ యాక్సెస్ చాలాకాలంగా పట్టణ రైడర్లకు నమ్మకమైన సహచరిగా ఉంది. తాజా అప్​గ్రేడ్​తో, మేము ఆధునిక కార్యాచరణ, నైపుణ్యాన్ని జోడిస్తున్నాము. కలర్ టీఎఫ్​టీ డిజిటల్ డిస్​ప్లే, సొగసైన కొత్త రంగు స్కూటర్ విశ్వసనీయత, సౌకర్యం, సామర్థ్యానికి కట్టుబడి ఉంటూ రోజువారీ రైడింగ్ అనుభవాన్ని పెంచుతాయి,” అని వివరించారు.

టెలిస్కోపిక్ యూనిట్లు, వెనుక భాగంలో స్వింగ్ ఆర్మ్ మౌంటెడ్ సస్పెన్షన్ ద్వారా ఈ యాక్సెస్​ స్కూటర్​ సస్పెన్షన్ జరుగుతుంది. బ్రేకింగ్ డ్యూటీ కోసం ముందు భాగంలో డ్రమ్/డిస్క్ బ్రేక్- వెనుక భాగంలో డ్రమ్ బ్రేక్ ఉన్నాయి. టైర్ సైజులు.. ముందు భాగంలో 90/90 సెక్షన్, వెనుక భాగంలో 90/100 సెక్షన్​ని కొలుస్తాయి. ఈ స్కూటర్ బరువు 106 కిలోలు. ఫ్యూయల్ ట్యాంక్ కెపాసిటీ 5.3 లీటర్లు.

ముందు భాగంలో ఎల్ఈడీ హెడ్​ల్యాంప్, వెనుక భాగంలో ఎల్ఈడీ టెయిల్ ల్యాంప్ ఉన్నాయి. వన్ పుష్ సెంట్రల్ లాక్ సిస్టమ్​తో పాటు ఎక్స్​టర్నల్ ఫ్యూయెల్ ఫిల్లర్ క్యాప్ కూడా ఉంది. ఇది కాకుండా సుజుకి ఇంజిన్ కిల్ స్విచ్, యూఎస్బీ పోర్ట్, ముందు భాగంలో యుటిలిటీ పాకెట్లు, రెండు హుక్స్​తో పాటు సీటు కింద రెండు హుక్​లు, స్టోరేజ్​ని అందిస్తుంది.

సాధారణంగా సుజుకీ యాక్సెస్​ 125 స్కూటర్​ 46 కేఎంపీఎల్​ మైలేజ్​ని ఇస్తుంది.