Stocks to buy today : ట్రేడర్స్​ అలర్ట్​.. ఈ రూ. 270 స్టాక్​తో భారీ లాభాలు!-stocks to buy today 5th july 2024 sensex and nifty news latest ,బిజినెస్ న్యూస్
తెలుగు న్యూస్  /  బిజినెస్  /  Stocks To Buy Today : ట్రేడర్స్​ అలర్ట్​.. ఈ రూ. 270 స్టాక్​తో భారీ లాభాలు!

Stocks to buy today : ట్రేడర్స్​ అలర్ట్​.. ఈ రూ. 270 స్టాక్​తో భారీ లాభాలు!

Sharath Chitturi HT Telugu
Jul 05, 2024 08:50 AM IST

Stocks to buy today : ట్రేడర్లు నేడు ట్రాక్​ చేయాల్సిన స్టాక్స్​ టు బై లిస్ట్​ని నిపుణులు వెల్లడించారు. ఆ వివరాలు..

స్టాక్స్​ టు బై..
స్టాక్స్​ టు బై..

Stocks to buy today : దేశీయ స్టాక్​ మార్కెట్​లు గురువారం ట్రేడింగ్​ సెషన్​ని లాభాల్లో ముగించాయి. బీఎస్​ఈ సెన్సెక్స్​ 83 పాయింట్లు పెరిగి 80,050 వద్ద స్థిరపడింది. నిఫ్టీ50.. 16 పాయింట్లు పెరిగి 24,302 వద్ద సెషన్​ని ముగించింది. బ్యాంక్​ నిఫ్టీ 14 పాయింట్లు పెరిగి 53,1045 వద్దకు చేరింది.

ఈ రోజు నిఫ్టీ అవుట్​లుక్​పై హెచ్​డీఎఫ్​సీ సెక్యూరిటీస్ సీనియర్ టెక్నికల్ రీసెర్చ్ అనలిస్ట్ నాగరాజ్ శెట్టి మాట్లాడుతూ.. “నిఫ్టీ ట్రెండ్​ పాజిటివ్​గా ఉంది. నిఫ్టీ గరిష్ట స్థాయిలో ఉన్నప్పటికీ, కొత్త ఆల్ టైమ్ గరిష్టాల వద్ద ఎలాంటి రివర్స్ ప్యాట్రన్ ఏర్పడే అవకాశం లేదు. ఏదేమైనా, 24400 స్థాయిల వద్ద 1.618% ఫిబోనాచి ఎక్స్​ట్రాక్షన్​ ఉన్నందున, ఈ కన్సాలిడేషన్ / స్వల్ప క్షీణత రాబోయే సెషన్లలో సాధ్యమవుతుంది. సపోర్ట్​ 23,990 (10 రోజుల ఈఎంఏ) వద్ద ఉంది,” అని వెల్లడించారు.

ఎఫ్​ఐఐలు.. డీఐఐలు..

గురువారం ట్రేడింగ్​ సెషన్​లో ఎఫ్​ఐఐలు రూ. 2575.85 కోట్లు విలువ చేసే షేర్లను విక్రయించారు. అదే సమయంలో డీఐఐలు రూ. 2375.18 కోట్లు విలువ చేసే షేర్లను విక్రయించారు.

గత కొన్ని రోజులుగా స్టాక్​ మార్కెట్​లు రికార్డు స్థాయిని తాకుతున్నాయి. ఎఫ్​ఐఐలు భారీగా లాంగ్​లు బిల్డ్​ చేసుకోవడం ఇందుకు కారణం.

ఇక దేశీయ స్టాక్​ మార్కెట్​లు.. శుక్రవారం ట్రేడింగ్​ సెషన్​ని నష్టాల్లో ప్రారంభించే అవకాశం ఉంది. గిఫ్ట్​ నిఫ్టీ దాదాపు 35 పాయింట్ల నష్టంలో ఉండటం ఇందుకు కారణం.

అమెరికా స్టాక్​ మార్కెట్​లు..

అమెరికా స్వాతంత్ర్య దినోత్సవం కారణంగా జులై 4న ఆ దేశ స్టాక్​ మార్కెట్​లకు సెలవు. డౌ జోన్స్​, నాస్​డాక్​, ఎస్​ అండ్​ పీ 500 సహా ట్రేడింగ్​ కార్యకలాపాలు తిరిగి జులై 5న మొదలవుతాయి.

స్టాక్స్​ టు బై..

భారత్ డైనమిక్స్:- రూ.1684 వద్ద కొనండి, టార్గెట్ రూ.1770, స్టాప్​ లాస్​ రూ.1625.

అరబిందో ఫార్మా: రూ.1254.65 వద్ద కొనుగోలు, టార్గెట్ రూ.1355, స్టాప్ లాస్ రూ.1200

ఎక్సైడ్ ఇండస్ట్రీస్: రూ.566 వద్ద కొనండి, టార్గెట్ రూ.585, స్టాప్ లాస్ రూ.545.

బ్యాంక్ ఆఫ్ బరోడా: రూ.270 వద్ద కొనుగోలు, టార్గెట్ రూ.282, స్టాప్ లాస్ రూ.264.

హెచ్​సీఎల్ టెక్నాలజీస్: రూ.1520 వద్ద కొనుగోలు, టార్గెట్ రూ.1570, స్టాప్ లాస్ రూ.1470

(గమనిక:- ఇవి నిపుణుల అభిప్రాయాలు మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ట్రేడ్​ తీసుకునే ముందు ట్రేడర్లకు సొంతంగా ఎనాలసిస్​ ఉండటం శ్రేయస్కరం.)

WhatsApp channel

సంబంధిత కథనం