ఈరోజు స్టాక్​ మార్కెట్​ ఎలా ఉంటుంది? ఏ స్టాక్స్​లో ట్రేడ్​ బెస్ట్​? నిపుణుల సిఫార్సులు ఇవి..

సోమవారం ట్రేడింగ్​ సెషన్​ని దేశీయ సూచీలు స్వల్ప నష్టాల్లో ముగించాయి. బీఎస్​ఈ సెన్సెక్స్​ 271 పాయింట్లు పడి 82,059 వద్ద స్థిరపడింది. నిఫ్టీ50.. 74 పాయింట్లు కోల్పోయి 24,945 వద్ద సెషన్​ని ముగించింది. బ్యాంక్​ నిఫ్టీ 66 పాయింట్లు పెరిగి 55,421 వద్దకు చేరింది.

ఎఫ్​ఐఐలు.. డీఐఐలు..

సోమవారం ట్రేడింగ్​ సెషన్​లో ఎఫ్​ఐఐలు రూ. 525.95 కోట్లు విలువ చేసే షేర్లను విక్రయించారు. అదే సమయంలో డీఐఐలు రూ. 237.93 కోట్లు విలువ చేసే షేర్లను అమ్మేశారు.

ఈరోజు స్టాక్​ మార్కెట్​ ఎలా ఉండబోతోంది?

ఇక దేశీయ స్టాక్​ మార్కెట్​లు.. మంగళవారం ట్రేడింగ్​ సెషన్​ని లాభాల్లో ప్రారంభించే అవకాశం ఉంది. గిఫ్ట్​ నిఫ్టీ దాదాపు 85 పాయింట్ల లాభంలో ఉండటం ఇందుకు కారణం.

“నిఫ్టీ-50 ఇండెక్స్ 25,000 స్థాయిని తిరిగి చేరుకోకపోతే ఒత్తిడిలో ఉండవచ్చు. నిఫ్టీ 24,800-24,750 జోన్ వైపు పయనించవచ్చు. 24,750 దిగువకు పడిపోతే మరింత లోతైన దిద్దుబాటుకు అవకాశం ఉంది. దీనికి విరుద్ధంగా, 25,000 కంటే ఎక్కువ కదలిక 25,250–25,350 శ్రేణి వైపు ర్యాలీని ప్రేరేపిస్తుంది,” అని ఎల్​కేపీ సెక్యూరిటీస్ సీనియర్ టెక్నికల్ ఎనలిస్ట్ రూపక్ డే చెప్పారు.

అమెరికా స్టాక్​ మార్కెట్​లు..

సోమవారం ట్రేడింగ్​ సెషన్​ని అమెరికా స్టాక్​ మార్కెట్​లు ఫ్లాట్​గా ముగించాయి. డౌ జోన్స్​ 0.32 శాతం పెరిగింది. ఎస్​ అండ్​ పీ 500​ 0.08శాతం వృద్ధిచెందింది. టెక్​ ఇండెక్స్​ నాస్​డాక్ 0.02 శాతం పెరిగింది.

ఆసియా స్టాక్​ మార్కెట్​లు మంగళవారం ట్రేడింగ్​ సెషన్​లో స్వల్ప లాభల్లో కొనసాగుతున్నాయి.

బ్రేకౌట్​ స్టాక్స్​ టు బై..

బీఏఎస్ఎఫ్ ఇండియా: రూ.4902.90 వద్ద కొనుగోలు, టార్గెట్ రూ.5450, స్టాప్ లాస్ రూ.4665;

వీల్స్ ఇండియా: రూ.772.65 వద్ద కొనుగోలు, టార్గెట్ రూ.850, స్టాప్ లాస్ రూ.735;

ఆర్తి డ్రగ్స్: రూ.480.60 వద్ద కొనండి, టార్గెట్ రూ.530, స్టాప్ లాస్ రూ.455;

ఐనాక్స్ విండ్: రూ.185.61 వద్ద కొనండి, టార్గెట్ రూ.205, స్టాప్ లాస్ రూ.176;

కేపీఐ గ్రీన్ ఎనర్జీ: రూ.485.70 వద్ద కొనుగోలు, టార్గెట్ రూ.540, స్టాప్ లాస్ రూ.460.

(గమనిక:- ఇవి నిపుణుల అభిప్రాయాలు మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ట్రేడ్​ తీసుకునే ముందు ట్రేడర్లకు సొంతంగా ఎనాలసిస్​ ఉండటం శ్రేయస్కరం.)