తెలుగు న్యూస్ / బిజినెస్ / Stocks To Buy Today : ట్రేడర్స్ అలర్ట్! ఈ రూ. 275 స్టాక్తో లాభాలకు ఛాన్స్..

Stocks to buy today : ట్రేడర్స్ అలర్ట్! ఈ రూ. 275 స్టాక్తో లాభాలకు ఛాన్స్..

Sharath Chitturi HT Telugu Jan 17, 2025 08:10 AM IST

మమ్మల్ని ఫాలో అవ్వండి

Sharath Chitturi HT Telugu

Jan 17, 2025 08:10 AM IST

Stocks to buy today : ట్రేడర్లు నేడు ట్రాక్ చేయాల్సిన స్టాక్స్ టు బై లిస్ట్ని నిపుణులు వెల్లడించారు. వీటితో పాటు లేటెస్ట్ స్టాక్ మార్కెట్ అప్డేట్స్ వివరాలను ఇక్కడ తెలుసుకోండి..

స్టాక్స్ టు బై టుడే..

మమ్మల్ని ఫాలో అవ్వండి

దేశీయ స్టాక్ మార్కెట్లు గురువారం ట్రేడింగ్ సెషన్ని లాభాల్లో ముగించాయి. బీఎస్ఈ సెన్సెక్స్ 319 పాయింట్లు పెరిగి 77,043 వద్ద స్థిరపడింది. నిఫ్టీ50.. 99 పాయింట్లు వృద్ధిచెంది 23,312 వద్ద సెషన్ని ముగించింది. బ్యాంక్ నిఫ్టీ 527 పాయింట్లు పెరిగి 49,279 వద్దకు చేరింది.

“నిఫ్టీ50 ఇండెక్స్ ఇప్పుడు 23460 వద్ద రెసిస్టెన్స్ని ఎదుర్కొంటోంది. అది దాటితే నిఫ్టీ50.. 200 డే ఈఎంఏ (ఎక్స్పొనెన్షియల్ మూవింగ్ యావరేజ్) 23,680కు వెళ్లే అవకాశం ఉంది. సపోర్ట్ 23,150 దగ్గర ఉంది,” అని హెచ్డీఎఫ్సీ సెక్యూరిటీస్ ప్రైమ్ రీసెర్చ్ హెడ్ దేవర్ష్ వకీల్ చెప్పారు.

ఎఫ్ఐఐలు.. డీఐఐలు..

గురువారం ట్రేడింగ్ సెషన్లో ఎఫ్ఐఐలు రూ. 4341.95 కోట్లు విలువ చేసే షేర్లను విక్రయించారు. అదే సమయంలో డీఐఐలు రూ. 2928.72 కోట్లు విలువ చేసే షేర్లను కొనుగోలు చేశారు.

జనవరి నెలలో ఎఫ్ఐఐలు ఇప్పటివరకు రూ. 43,258 కోట్లు విలువ చేసే షేర్లను విక్రయించారు. అదే సమయంలో డీఐఐలు రూ. 46,794.26 కోట్లు విలువ చేసే షేర్లను కొనుగోలు చేశారు.

ఇక దేశీయ స్టాక్ మార్కెట్లు.. శుక్రవారం ట్రేడింగ్ సెషన్ని నష్టాల్లో ప్రారంభించే అవకాశం ఉంది. గిఫ్ట్ నిఫ్టీ దాదాపు 60 పాయింట్ల నష్టంలో ఉండటం ఇందుకు కారణం.

అమెరికా స్టాక్ మార్కెట్లు..

గురువారం ట్రేడింగ్ సెషన్ని అమెరికా స్టాక్ మార్కెట్లు ఫ్లాట్గా ముగించాయి. డౌ జోన్స్ 0.16శాతం పడింది. ఎస్ అండ్ పీ 500 0.21శాతం పతనమైంది. టెక్ ఇండెక్స్ నాస్డాక్ 0.89శాతం పడింది.

ఆసియా స్టాక్ మార్కెట్లు శుక్రవారం ట్రేడింగ్ సెషన్లో నష్టాల్లో కొనసాగుతున్నాయి.