Stock market today : ట్రేడర్స్​ అలర్ట్​! ఈ బ్రేకౌట్​ స్టాక్స్​తో లాభాలకు ఛాన్స్​..

అమెరికా అధ్యక్షుడు డొనాల్డ్​ ట్రంప్​ టారీఫ్​ పిడుగుతో సోమవారం ట్రేడింగ్​ సెషన్​లో ప్రపంచ స్టాక్​ మార్కెట్​లు కుప్పకూలాయి. దేశీయ స్టాక్​ మార్కెట్​లు సైతం భారీ నష్టాల్లో ముగించాయి. బీఎస్​ఈ సెన్సెక్స్​ 2227 పాయింట్లు పడి 73,138 వద్ద స్థిరపడింది. నిఫ్టీ50.. 743 పాయింట్లు కోల్పోయి 22,162 వద్ద సెషన్​ని ముగించింది. బ్యాంక్​ నిఫ్టీ 1643 పాయింట్లు పడి 49,860 వద్దకు చేరింది.

ఎఫ్​ఐఐలు.. డీఐఐలు..

సోమవారం ట్రేడింగ్​ సెషన్​లో ఎఫ్​ఐఐలు రూ. 9,040.01 కోట్లు విలువ చేసే షేర్లను విక్రయించారు. అదే సమయంలో డీఐఐలు రూ. 12,122.45 కోట్లు విలువ చేసే షేర్లను కొన్నారు.

ఈరోజు స్టాక్​ మార్కెట్​ ఎలా ఉండబోతోంది?

ఇక దేశీయ స్టాక్​ మార్కెట్​లు.. మంగళవారం ట్రేడింగ్​ సెషన్​ని భారీ లాభాల్లో ప్రారంభించే అవకాశం ఉంది. గిఫ్ట్​ నిఫ్టీ దాదాపు 400 పాయింట్ల లాభంలో ఉండటం ఇందుకు కారణం.

బ్లాక్​ మండే తర్వాత దేశీయ సూచీలు బేర్స్​ చేతుల్లోకి వెళ్లినట్టు నిపుణులు చెబుతున్నారు. మార్కెట్​లో ప్యానిక్​ సెల్లింగ్​ కొనసాగితే నిఫ్టీ50 21,400- 21,100 లెవల్స్​ వరకు వెళ్లొచ్చని సూచిస్తున్నారు. 22,800 లెవల్స్​ దాటితే మార్కెట్​లో సెంటిమెంట్​ మారినట్టు అర్థం చేసుకోవచ్చని స్పష్టం చేశారు. కాగా ఇమీడియెట్​ సపోర్ట్​ 21,900 దగ్గర, రెసిస్టెన్స్​ 22,300 దగ్గర ఉందని చెబుతున్నారు.

అమెరికా స్టాక్​ మార్కెట్​లు..

సోమవారం ట్రేడింగ్​ సెషన్​ని అమెరికా స్టాక్​ మార్కెట్​లు ఫ్లాట్​గా ముగించాయి. డౌ జోన్స్​ 0.91 శాతం పడింది. ఎస్​ అండ్​ పీ 500​ 0.23శాతం పతనమైంది. టెక్​ ఇండెక్స్​ నాస్​డాక్ 0.10 శాతం పెరిగింది.

ట్రంప్​ టారీఫ్​ భయాలు, ఆర్థిక వ్యవస్థ అనిశ్చితి వంటి కారణాలతో అమెరికా స్టాక్​ మార్కెట్​లు గత కొన్ని రోజులుగా పడుతూనే ఉన్నాయి. సోమవారం కూడా పతనమై చివరికి స్వల్పంగా కోలుకున్నాయి.

సోమవారం కనిపించిన రక్తపాతం అనంతరం ఆసియా స్టాక్​ మార్కెట్​లు మంగళవారం ట్రేడింగ్​ సెషన్​లో భారీ లాభాల్లో కొనసాగుతున్నాయి.

బ్రేకౌట్​ స్టాక్స్​ టు బై..

360 వన్ వామ్: రూ.886.55 వద్ద కొనండి, టార్గెట్ రూ.949, స్టాప్ లాస్ రూ.855;

వేదాంత్ ఫ్యాషన్స్: రూ.785.80 వద్ద కొనండి, టార్గెట్ రూ.841, స్టాప్ లాస్ రూ.758;

ఎన్ఏసీఎల్ ఇండస్ట్రీస్: రూ.141.63 వద్ద కొనుగోలు, టార్గెట్ రూ.152, స్టాప్ లాస్ రూ.136;

జీఆర్ఎం ఓవర్సీస్: రూ.303.6, టార్గెట్ రూ.325, స్టాప్ లాస్ రూ.292;

ఓరియంట్ సిమెంట్: రూ.350.75, టార్గెట్ రూ.375, స్టాప్ లాస్ రూ.337.

(గమనిక:- ఇవి నిపుణుల అభిప్రాయాలు మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ట్రేడ్​ తీసుకునే ముందు ట్రేడర్లకు సొంతంగా ఎనాలసిస్​ ఉండటం శ్రేయస్కరం.)