Stock market today: ‘బడ్జెట్​' ఎఫెక్ట్​- తీవ్ర ఒడుదొడుకుల మధ్య సెన్సెక్స్​ అప్​.. నిఫ్టీ డౌన్​

Stock market today : 'బడ్జెట్​ 2023' ఎఫెక్ట్​తో దేశీయ స్టాక్​ మార్కెట్​లు బుధవారం ట్రేడింగ్​ సెషన్​లో తీవ్ర ఒడుదొడుకులకు గురయ్యాయి. చివరికి ఫ్లాట్​గా ముగించాయి. బీఎస్​ఈ సెన్సెక్స్​.. 158 పాయింట్లు పెరిగి 59,708 వద్ద స్థిరపడింది. ఎన్​ఎస్​ఈ నిఫ్టీ.. 46 పాయింట్ల నష్టంతో 17,616 వద్దకు చేరింది.

ఆద్యంతం ఒడుదొడుకులే..

దేశీయ స్టాక్​ మార్కెట్​లు బుధవారం ట్రేడింగ్​ సెషన్​ను లాభాల్లోనే ప్రారంభించాయి. కేంద్ర ఆర్థికమంత్రి నిర్మలా సీతారామన్​.. ఉదయం 11 గంటలకు బడ్జెట్​ ప్రసంగం మొదలుపెట్టగా.. మధ్యాహ్నం 1 గంట సమయంలో సెన్సెక్స్​, నిఫ్టీలు భారీ లాభాల్లోకి దూసుకెళ్లాయి. కానీ అతి తక్కువ సమయంలోనే భారీ లాభాలు ఆవిరైపోయాయి. సెన్సెక్స్​, నిఫ్టీలు నష్టాల్లోకి జారుకున్నాయి. కాస్త తేరుకున్న సెన్సెక్స్​.. స్వల్ప లాభాల్లో సెషన్​ను ముగించింది. నిఫ్టీ మాత్రం నష్టాల నుంచి తేరుకోలేకపోయింది.

Budget effect on Stock markets : బుధవారం ట్రేడింగ్​ సెషన్​లో 60,001 వద్ద ఓపెన్​ అయిన నిఫ్టీ.. 60,773 వద్ద ఇంట్రాడే హైని నమోదు చేసింది. ఆ తర్వాత.. 58,817 వద్ద ఇంట్రాడే లోని తాకింది. ఇక 17,812 వద్ద ఓపెన్​ అయిన నిఫ్టీ.. 17,972 వద్ద ఇంట్రాడే హైని తాకింది. 17,353 వద్ద ఇంట్రాడే లోని టచ్​ చేసింది.

సెక్టార్​ల వారీగా లాభాలు- నష్టాలు..

ఐటీసీ, ఐసీఐసీఐ బ్యాంక్​, జేఎస్​డబ్ల్యూ స్టీల్​, టాటా స్టీల్​ షేర్లు లాభపడ్డాయి.

Stock market today live : అదానీ ఎంటర్​ప్రైజెస్​, అదానీ పోర్ట్స్​, హెచ్​డీఎఫ్​సీ లైఫ్​, ఎస్​బీఐ లైఫ్​ ఇన్ష్యురెన్స్​, బజాజ్​ ఫిన్​సర్వ్​ షేర్లు నష్టపోయాయి.

మెటల్​, పీఎస్​యూ బ్యాంక్స్​, చమురు- గ్యాస్​, విద్యుత్​ సెక్టార్​లు 1-5శాతం వరకు పతనమయ్యాయి. బీఎస్​ఈ మిడ్​క్యాప్​- స్మాల్​క్యాప్​ సూచీలు 1శాతం పడ్డాయి.

Budget 2023 live updates : ఇన్ష్యురెన్స్​ స్టాక్స్​లో తీవ్ర అమ్మకాల ఒత్తిడి కనిపించింది. రూ. 5లక్షలు ప్రిమియం దాటితే బీమా ప్రక్రియ కోసం పన్నులు చెల్లించాలని నిర్మలా సీతారామన్​ చెప్పడం ఇందుకు కారణం.

ఇక బడ్జెట్​ అంటే అధిక ఫోకస్​ ఉండే ఐటీసీ స్టాక్​.. ఇంట్రాడే సెషన్​లో 6.5శాతం వరకు పడింది. ఎంపిక చేసిన సిగరెట్​లపై నేషనల్​ కలామిటీ కంటీజెంట్​ డ్యూటీని పెంచుతున్నట్టు కేంద్రమంత్రి ప్రకటించిన కొద్ది క్షణాల్లో ఈ ఫాల్​ కనిపించింది. ఆ ట్యాక్స్​ అనేది మార్కెట్​ అంచనాల కన్నా తక్కువ ఉండటంతే.. మళ్లీ పుంజుకున్న ఐటీసీ స్టాక్​.. 2శాతం లాభాల్లో ముగిసింది.

Stock Market news today : పీఎంఏవై ఓట్​లేలో 66శాతం పెంపు ఉండటంతో రియాల్టీ, ఇన్​ఫ్రాస్ట్రక్చర్​, సిమెంట్​ స్టాక్స్​ పెరిగాయి. అర్బన్​ ఇన్​ఫ్రా డెవలప్​మెంట్​ ఫండ్​కు ప్రతియేటా రూ. 10వేల కోట్ల నిధులను కేటాయించనున్నట్టు కేంద్రం చెప్పడం ఇందుకు కారణం..

భారత సరిహద్దు, రాజకీయాల్లో అత్యంత కీలకమైన రక్షణ విభాగానికి సంబంధించి కేంద్రమంత్రి ఎలాంటి ప్రకటనలు చేయకపోవడంతో.. డిఫెన్స్​ స్టాక్స్​లో అమ్మకాల ఒత్తిడి కనిపించింది.

ITC Share price : ఆదాయపు పన్ను మినహాయింపును పెంచుతున్నట్టు నిర్మలా సీతారామన్​ ప్రకటించడంతో.. ఆటోమొబైల్​, రియల్​ ఎస్టేట్​, కన్జ్యూమర్​ సెక్టార్​ స్టాక్స్​ పుంజుకున్నాయి.

గత ఆర్థిక ఏడాదితో పోల్చుకుంటే.. ఈసారి ఫర్టిలైజర్​ సబ్సీడీకి కేటాయిస్తున్న నిధులను కేంద్రం తగ్గించడంతో సంబంధిత సెక్టార్​ స్టాక్స్​ నష్టపోయాయి.