Stock Market Holiday : నేడు స్టాక్​ మార్కెట్​లకు సెలవు.. ఎందుకంటే!

Stock Market Holiday : ఉత్తర భారతంలో వినాయక చవితి మొదటి రోజు నేపథ్యంలో మంగళవారం స్టాక్​ మార్కెట్​లకు సెలవు ఉండనుంది. ఎన్​ఎస్​ఈ, బీఎస్​ఈలు మూతపడి ఉంటాయి. తిరిగి బుధవారం ఓపెన్​ అవుతాయి.

మంగళవారం ట్రేడింగ్​ సెషన్​లో.. ఈక్విటీతో పాటు ఈక్విటీ డెరివేటివ్​, కరెన్సీ డెరివేటివ్స్​, ఇంట్రెస్ట్​ రేట్​ డెరివేటివ్స్​, ఎస్​ఎల్​బీ (సెక్యూరిటీస్​ లెండింగ్​ అండ్​ బారోయింగ్​) వంటి సెగ్మెంట్స్​ సైతం మూతపడి ఉంటాయి.

Stock market news today : ఇక మల్టీ కమోడిటీ ఎక్స్​ఛేంజ్​ (ఎంసీఎక్స్​)లో.. మార్నింగ్​ సెషన్​ ఉండదు. మార్నింగ్​ సెషన్​ అంటే ఉదయం 9 గంటల నుంచి సాయంత్రం 5 గంటల వరకు. కానీ మంగళవారం నాడు.. సాయంత్రం సెషన్​ (సాయంత్రం 5 గంటల నుంచి రాత్రి 11:30/ 11:55 వరకు) యథాతథంగా కొనసాగుతుంది.

దక్షిణ భారతంలోని అనేక ప్రాంతాల్లో వినాయక చవితిని చాలా మంది సోమవారమే జరుపుకున్నారు. అయితే ఉత్తర భారతం, ముఖ్యంగా దలాల్​ స్ట్రీట్​ ఉండే ముంబై (మహారాష్ట్ర)లో గణేశ్​ చతుర్థిని మంగళవారం జరుపుకుంటున్నారు. పైగా.. వినాయక చవితి అంటే.. అక్కడ చాలా పెద్ద పండుగ. అందుకే.. మంగళవారం స్టాక్​ మార్కెట్​లకు హాలీడే ఉండనుంది.

Stock market holidays list : మంగళవారం తర్వాత.. మహాత్మా గాంధీ జయంతి (అక్టోబర్​ 2), దసరా (అక్టోబర్​ 24), దీపావలి బలిప్రాతిపద (నవంబర్​ 14), గురునానక్​ జయంతి (నవంబర్​ 27), క్రిస్మస్​ (డిసెంబర్​ 25) తేదీల్లో ఇండియన్​ స్టాక్​ మార్కెట్​లు మూతపడి ఉంటాయి.

సోమవారం సెషన్​లో ఇలా..

ఇక సోమవారం విషయానికొస్తే.. దేశీయ సూచీలు నష్టపోయాయి. బీఎస్​ఈ సెన్సెక్స్​ 242 పాయింట్లు కోల్పోయి 67,597 వద్ద స్థిరపడింది. ఎన్​ఎస్​ఈ నిఫ్టీ.. 59 పాయింట్ల నష్టంతో 20,133 వద్ద ముగిసింది. బ్యాంక్​ నిఫ్టీ.. 252 పాయింట్లు కోల్పోయి 45,980 వద్దకు చేరింది.

సోమవారం ట్రేడింగ్​ సెషన్​లో ఎఫ్​ఐఐలు రూ. 1236.51 కోట్లు విలువ చేసే షేర్లను విక్రయించారు. అదే సమయంలో డీఐఐలు రూ. 552.55 కోట్లు విలువ చేసే షేర్లను కొన్నారు.