Stocks To Buy : నిపుణులు సలహా ఇచ్చే మూడు స్టాక్స్ ఇవే.. టార్గెట్ ఎంత పెట్టాలి?

ప్రభుదాస్ లిల్లాధేర్ టెక్నికల్ రీసెర్చ్ వైస్ ప్రెసిడెంట్ వైశాలి పరేఖ్ ఈ రోజు కొనుగోలు చేయాల్సిన స్టాక్స్‌ గురించి మాట్లాడారు. ఇండియా ఫోర్జ్, అంబుజా సిమెంట్స్, అపోలో టైర్స్ అనే మూడు స్టాక్‌లను సిఫారసు చేశారు. నిఫ్టీ గురించి వైశాలి పరేఖ్ మాట్లాడుతూ.. నిఫ్టీలో నిరంతర పెరుగుదల తరువాత, 25,300 స్థాయి వద్ద ప్రతిఘటనను ఎదుర్కొంది. ఇది ప్రాఫిట్ బుకింగ్‌కు దారితీసింది. 13 సెషన్ల తర్వాత రోజువారీ ట్రెండ్‌ను తిప్పికొట్టింది.

బ్యాంక్ నిఫ్టీ సాపేక్షంగా మందకొడిగా ఉందని పరేఖ్ అన్నారు. ప్రాఫిట్ బుకింగ్ కారణంగా 51,750 స్థాయి నుంచి పడిపోయింది. సమీపకాల మద్దతు కీలకమైన 50,900 స్థాయి వద్ద ఉందని ఆయన చెప్పారు. 'ఇండెక్స్‌కు 25,000 స్థాయిల గణనీయమైన సమీప మద్దతు ఉంటుంది. అదే సమయంలో బ్యాంక్ నిఫ్టీ రోజువారీ శ్రేణి 51,000-51,800 స్థాయిలో ఉంటుంది.' అని వైశాలి పరేఖ్ చెప్పారు.

బుధవారం సెన్సెక్స్ 710 పాయింట్ల భారీ నష్టంతో 81,845.50 పాయింట్ల వద్ద ప్రారంభమై, ట్రేడింగ్ సమయంలో 81,833.69 పాయింట్ల వద్ద కనిష్టాన్ని తాకింది. సెషన్ అంతటా రెడ్ జోన్ లో ఉంది. నిఫ్టీ 50 25,089.95 వద్ద రోజును ప్రారంభించి, అంతకుముందు ముగింపు 25,279.85 నుండి 25,083.80కు పడిపోయింది.

కొనుగోలు సలహా ఇచ్చిన స్టాక్స్ ఇవే

ఇండియా ఫోర్జ్: రూ.1,660 టార్గెట్‌తో రూ.1,605 వద్ద కొనుగోలు చేయండి. స్టాప్ లాస్‌ను రూ.1,570 వద్ద ఉంచాలి.

అంబుజా సిమెంట్స్ : రూ.627 వద్ద కొనండి, టార్గెట్ రూ.645, స్టాప్ లాస్ రూ.618 వద్ద ఉంచడం మర్చిపోవద్దు.

అపోలో టైర్స్ : రూ.509 వద్ద కొనుగోలు, రూ.530 టార్గెట్‌గా పెట్టండి. రూ.495 వద్ద స్టాప్ లాస్ ఉంచండి.

గమనిక : నిపుణుల సిఫార్సులు, సలహాలు, అభిప్రాయాలు వారివి మాత్రమే HT Teluguవి కావు. స్టాక్ మార్కెట్లో ఇన్వెస్ట్ చేయడం రిస్క్‌కు లోబడి ఉంటుంది. పెట్టుబడి పెట్టే ముందు మీ సలహాదారుని సంప్రదించండి.