Sony Xperia 5 V : సోనీ ఎక్స్పీరియా 5 వీ లాంచ్ త్వరలోనే.. ఫీచర్స్ ఇవే!
Sony Xperia 5 V : సోనీ ఎక్స్పీరియా 5 వీ లాంచ్కు సిద్ధమవుతోంది. ఈ నేపథ్యంలో ఈ మోడల్ వివరాలను ఇక్కడ తెలుసుకుందాము..
Sony Xperia 5 V : స్మార్ట్ఫోన్ మార్కెట్లో సోనీ సంస్థ యాక్టివ్గా లేదన్న విషయం వాస్తవమే. ప్రతియేటా తరచుగా ఫోన్స్ లాంచ్ చేస్తున్నప్పటికీ, పూర్తిస్థాయిలో మార్కెట్పై ఫోకస్ చేయడం లేదు. అయినప్పటికీ సంస్థకు చెందిన ప్రీమియం స్మార్ట్ఫోన్ సిరీస్ 'ఎక్స్పీరియా'కు మంచి డిమాండ్ ఉంటుంది. ఈ నేపథ్యంలో ఈ సిరీస్లో కొత్త గ్యాడ్జెట్ను సిద్ధం చేసుకుంటోంది జపాన్కు చెందిన దిగ్గజ టెక్ సంస్థ. అదే సోనీ ఎక్స్పీరియా 5 వీ. ఈ మోడల్ విశేషాలను ఇక్కడ తెలుసుకుందాము..
కొత్త స్మార్ట్ఫోన్ ఎలా ఉంటుంది..?
జపాన్ స్థానిక కాలమానం ప్రకారం.. సెప్టెంబర్ 1 సాయంత్రం 4 గంటలకు ఓ ఈవెంట్ను నిర్వహిస్తోందని సోనీ సంస్థ. కంపెనీ అధికారిక యూట్యూబ్ ఛానెల్లో ఇది లైవ్ స్ట్రీమ్ అవుతుంది. ఈ ఈవెంట్లోనే సోనీ ఎక్స్పీరియా 5 వీ గ్యాడ్జెట్ను సంస్థ ఆవిష్కరించనుంది. ఇందుకు సంబంధించిన టీజర్ను ఇప్పటికే విడుదల చేసింది సోనీ.
Sony Xperia 5 V features : టీజర్లో ఈ స్మార్ట్ఫోన్కు సంబంధించి ఎలాంటి వివరాలు తెలియలేదు. అయితే ఈ డివైజ్కు సంబంధించి, ఇప్పటికే కొన్ని వివరాలు ఆన్లైన్లో లీక్ అయ్యాయి. రూమర్స్ ప్రకారం.. ఈ సోనీ ఎక్స్పీరియా 5 వీలోలో పిల్-షేప్ ప్రొట్రూడింగ్ కెమెరా మాడ్యూల్ ఉంటుంది. ఇందులో రెండు సెన్సార్లు, ఓ ఎల్ఈడీ ఫ్లాష్ లైట్ యూనిట్లు వస్తాయి.
ఇదీ చూడండి:- Sony WH-CH520 Headphones: సోనీ నుంచి కొత్త హెడ్‍ఫోన్స్ లాంచ్: ధర, ఫీచర్ల వివరాలివే
3.5ఎంఎం హెడ్ఫోన్ జాక్ కూడా లభించనుంది. బ్లూ, బ్లాక్, వైట్ కలర్ ఆప్షన్స్ ఈ మోడల్లో ఉండొచ్చు. ఈ ప్రీమియం స్మార్ట్ఫోన్ ఫ్రెంట్లో ట్రెడీషనల్ బెజెల్ డిజైన్ డిస్ప్ల ఉంటుందని సమాచారం.
సోనీ ఎక్స్పీరియా 5 వీలో స్నాప్డ్రాగన్ 8 జెన్ 2 ప్రాసెసర్ ఉండొచ్చు. 16జీబీ ర్యామ్ లభించొచ్చు. బ్యాటరీ ప్యాక్పై క్లారిటీ రాలేదు. 33 వాట్ ఫాస్ట్ ఛార్జర్ లభిస్తుందని సమాచారం.
Sony Xperia 5 V price in India : ఈ మోడల్కు సంబంధించిన ఇతర ఫీచర్స్, ధర వంటి వివరాలు ప్రస్తుతం అందుబాటులో లేవు. లాంచ్ సమయంలో క్లారిటీ వస్తుంది. కాగా.. సోనీ కొత్త స్మార్ట్ఫోన్పై వినియోగదారుల్లో ఆసక్తి పెరిగింది. మరి కస్టమర్ల అంచనాలకు తగ్గట్టు ఈ మోడల్ ఉంటుందో లేదో వేచి చూడాలి.
సంబంధిత కథనం