Smartphones price hike : బ్యాడ్​ న్యూస్​- భారీగా పెరగనున్న స్మార్ట్​ఫోన్స్​ ధరలు!

ప్రస్తుత టెక్​ ప్రపంచంలో అన్ని వేగంగా కదిలిపోతున్నాయి. ఇక్కడ అన్ని లేటెస్ట్​ టెక్నాలజీ ట్రెండ్స్​ని కొనసాగించడం సమాజ అవసరాలను తీర్చడంలో అంతర్భాగంగా మారింది! మరీ ముఖ్యంగా స్మార్ట్​ఫోన్స్​లో రోజుకో కొత్త అప్డేట్​ కనిపిస్తోంది. ఇది నిరంతరం అభివృద్ధి చెందుతున్న సాంకేతికతకు చిహ్నంగా మారింది. స్మార్ట్​ఫోన్స్​ని కమ్యూనికేషన్ మాధ్యమంగా ఉపయోగించే రోజులు పోయాయి. ఇప్పుడు మన డిజిటల్ డైరీగా, బ్యాంకుగా, వర్క్​గా, షాపింగ్ మాల్​గా స్మార్ట్​ఫోన్​ని వాడుతున్నాము. అయితే ఈ స్మార్ట్​ఫోన్స్​ వల్ల ఇప్పుడు మన జేబుకు చిల్లుపడే అవకాశం కనిపిస్తోంది! గత కొన్నేళ్లుగా స్మార్ట్​ఫోన్స్​ ధరలు విపరీతంగా పెరిగాయి. రానున్న రోజుల్లో కూడా ధరలు మరింత పెరుగుతాయని పలు నివేదికలు సూచిస్తున్నాయి. ఆ వివరాలను ఇక్కడ తెలుసుకోండి..

స్మార్ట్​ఫోన్ ధరలు ఎందుకు పెరగొచ్చు?

కౌంటర్​పాయింట్ రీసెర్చ్ మార్కెట్ ఔట్​లుక్ నివేదిక ప్రకారం.. స్మార్ట్​ఫోన్​ ధరలు 2024లో 3 శాతం, 2025లో 5 శాతం పెరిగే అవకాశం ఉంది. దీనికి కారణం ఏంటి? ధరల్లో ఇంత పెద్ద వ్యత్యాసం ఎందుకు ఉంది? స్మార్ట్​ఫోన్ తయారీకి అవసరమైన విడిభాగాల ధరలు పెరగడం, జనరేటివ్ ఏఐ చిప్​ల స్వీకరణ, 5జీ నెట్​వర్క్ వినియోగం పెరగడం, అధునాతన కంప్యూటింగ్ సామర్థ్యాల వినియోగం తదితర అంశాలు ధరల పెరుగుదలకు కారణమవుతున్నాయని నివేదిక పేర్కొంది.

ఇటీవలి సంవత్సరాల్లో, కంప్యూటర్ల నుంచి స్మార్ట్​ఫోన్స్​ వరకు జనరేటివ్ ఆర్టిఫీషియల్ ఇంటెలిజెన్స్ వాడకంలో గణనీయమైన మార్పును మనం చూశాము. వినియోగదారులు తమ గ్యాడ్జెట్స్​లో అధునాతన ఆర్టిఫిషియల్ ఇంటెలిజెన్స్ ఫీచర్లను ఎక్కువగా డిమాండ్ చేస్తున్నారు! దీనివల్ల బ్రాండ్లు తమ కొత్త తరం స్మార్ట్​ఫోన్ మోడళ్లలో పోటీ, అధునాతన ఫీచర్లను ఇంటిగ్రేట్ చేస్తున్నాయి. ఇది భారీ ఖర్చుతో కూడిన వ్యవహారం. ఈ డిమాండ్ కర్వ్ CPU, NPU, GPU పనితీరులో మెరుగుదలలతో GenAI చిప్​ల అభివృద్ధి, వినియోగాన్ని పెంచింది.

జెన్​ఏఐతో పాటు, స్మార్ట్​ఫోన్ బ్రాండ్లు కూడా 4 ఎన్ఎమ్, 3 ఎన్ఎమ్ వంటి అధునాతన తయారీ ప్రక్రియలను ఉపయోగించుకుంటున్నాయి. ఇది పెరుగుతున్న సంక్లిష్టతల కారణంగా విడిభాగాల ఖర్చుల వృద్ధికి కారణమవుతోంది. అందువల్ల, ఈ అంశాలు 2025 నుంచి స్మార్ట్​ఫోన్​ ధరలపై పెద్ద ప్రభావాన్ని చూపుతాయి! ఎందుకంటే మరిన్ని బ్రాండ్లు తమ కొత్త పరికరాల్లో జెన్ఎఐని ఏకీకృతం చేయడానికి ప్రయత్నిస్తాయి కాబట్టి!

ఆర్టిఫీషియల్ ఇంటెలిజెన్స్ స్మార్ట్​ఫోన్ యుగంలోకి అడుగుపెడుతున్న తరుణంలో జెన్​ఏఐ ఫీచర్ల ఏకీకరణ ఇదే ట్రెండ్​ని కొనసాగిస్తుందని, ఇది ధరల పెరుగుదలకు కీలక కారణాల్లో ఒకటని నివేదిక పేర్కొంది.

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్డేట్స్​ తెలుసుకోవడం కోసం హెచ్​టీ తెలుగు వాట్సాప్​ ఛానెల్​ని ఫాలో అవ్వండి.