Investment tips : ఇక్కడ రూ. 5లక్షల వరకు చేసే ఇన్వెస్ట్​మెంట్​పై ‘రిస్క్​-ఫ్రీ’గా 9.6శాతం రిటర్న్​!

మీరు సమీప భవిష్యత్తులో ఫిక్స్​డ్​ డిపాజిట్లలో (ఎఫ్​డీ) పెట్టుబడి పెట్టడం ద్వారా బంపర్ లాభాలను పొందాలని ఆలోచిస్తుంటే.. ఈ వార్త మీ కోసమే! దేశంలోని పెద్ద ప్రభుత్వ, ప్రైవేట్ రంగ రుణదాతలతో పాటు, స్మాల్ ఫైనాన్స్ బ్యాంకులు (ఎస్​ఎఫ్​బీలు) కూడా తమ వినియోగదారులకు ఎఫ్​డీలపై బంపర్ వడ్డీలను అందిస్తుంటాయి. తాజా నివేదిక ప్రకారం.. పలు స్మాల్ ఫైనాన్స్ బ్యాంకులు తమ కస్టమర్లకు ఎఫ్​డీలపై 9.60% వరకు వడ్డీని చెల్లిస్తున్నాయి. ఆ వివరాలను ఇక్కడ తెలుసుకుందాము..

స్మాల్​ ఫైనాన్స్​ బ్యాంకుల్లో ఎఫ్​డీలపై వడ్డీ..

సూర్యోదయ్ స్మాల్ ఫైనాన్స్ బ్యాంక్ తన సాధారణ కస్టమర్లకు 9.10 శాతం, సీనియర్ సిటిజన్ కస్టమర్లకు 9.60 శాతం ఐదేళ్ల ఎఫ్​డీపై వడ్డీ రేటును అందిస్తోంది. యూనిటీ స్మాల్ ఫైనాన్స్ బ్యాంక్ 1,001 రోజుల ఎఫ్​డీపై సాధారణ కస్టమర్లకు 9 శాతం, సీనియర్ సిటిజన్ కస్టమర్లకు 9.50 శాతం వడ్డీ రేటును అందిస్తుంది. అదనంగా, ఫిన్​కేర్​ స్మాల్ ఫైనాన్స్ బ్యాంక్ తన సాధారణ కస్టమర్లకు 1,000 రోజుల ఎఫ్​డీపై 8.51% వడ్డీని, సీనియర్ సిటిజన్ కస్టమర్లకు 9.11% వడ్డీని అందిస్తోంది. ఈక్విటాస్ స్మాల్ ఫైనాన్స్ బ్యాంక్ తన సాధారణ కస్టమర్లకు 888 రోజులపై 8.50 శాతం, సీనియర్ సిటిజన్ రుణగ్రహీతలకు 9 శాతం వడ్డీని అందిస్తుంది.

మరోవైపు, ఈసాఫ్ స్మాల్ ఫైనాన్స్ బ్యాంక్ తన సాధారణ కస్టమర్లకు 8.50%, సీనియర్ సిటిజన్ కస్టమర్లకు 9% వడ్డీని 2 సంవత్సరాల నుంచి 3 సంవత్సరాల కంటే తక్కువ ఎఫ్​డీలపై అందిస్తోంది. ఇది కాకుండా, జన స్మాల్ ఫైనాన్స్ బ్యాంక్ తన సాధారణ కస్టమర్లకు 8.50% వరకు, సీనియర్ సిటిజన్ కస్టమర్లకు 9% వరకు 500 రోజుల ఎఫ్​డీలపై వడ్డీని అందిస్తోంది. 1,000 రోజుల నుంచి 1,500 రోజుల ఎఫ్​డీపై, ఉత్కర్ష్ స్మాల్ ఫైనాన్స్ బ్యాంక్ తన సాధారణ కస్టమర్లకు 8.25 శాతం, సీనియర్ సిటిజన్ రుణగ్రహీతలకు 8.85 శాతం వడ్డీ రేటును అందిస్తోంది.

ఉజ్జీవన్ స్మాల్ ఫైనాన్స్ బ్యాంక్ 560 రోజుల ఎఫ్​డీపై సాధారణ కస్టమర్లకు 8.25 శాతం, సీనియర్ సిటిజన్ కస్టమర్లకు 8.75 శాతం వడ్డీ రేటును అందిస్తోంది. శివాలిక్ స్మాల్ ఫైనాన్స్ బ్యాంక్ 24 నెలల నుంచి 36 నెలల ఎఫ్​డీలపై సాధారణ కస్టమర్లకు 8.15 శాతం, సీనియర్ సిటిజన్ రుణగ్రహీతలకు 8.65 శాతం వడ్డీని అందిస్తోంది. ఇది కాకుండా, ఏయూ స్మాల్ ఫైనాన్స్ బ్యాంక్ తన సాధారణ కస్టమర్లకు 7.75%, సీనియర్ సిటిజన్ కస్టమర్లకు 24 నెలల 1 రోజు నుంచి 36 నెలల ఎఫ్​డీలపై 8.25% వడ్డీ రేటును అందిస్తోంది.

రూ. 5లక్షల ఇన్వెస్ట్​మెంట్​ వరకు సేఫ్​..!

అయితే, స్మాల్​ ఫైనాన్స్​ బ్యాంకుల ఎఫ్​డీల్లో ఇన్వెస్ట్​మెంట్​ కాస్త రిస్క్​త కూడుకున్న వ్యవహారం. కాగా, రూ. 5లక్షల వరకు చేసే ఎఫ్​డీలపై ఆర్​బీఐ ఇన్సూరెన్స్​ ఇస్తుందన్న విషయం తెలిసిందే. అందుకే స్మాల్​ ఫైనాన్స్​ బ్యాంకుల్లో రూ. 5లక్షల వరకు ఇన్వెస్ట్​ చేసుకోవచ్చు. అంతకన్నా ఎక్కువ ఇన్వెస్ట్​ చేయాలంటే.. కంపెనీ ఫైనాన్షియల్స్​ని ఎప్పటికప్పుడు ట్రాక్​ చేస్తూ ఉండాలి.