Best cars in 2024 : ఈ ఏడాది ఇండియాలో లాంచ్​ అయిన 5 బెస్ట్​ కార్లు ఇవే..

2024 ముగింపు దశకు చేరుకుంది. ఈ ఏడాది భారత ఆటోమొబైల్​ మార్కెట్​లో ఎన్నో కొత్త, అప్డేటెడ్​ వర్షెన్​లు కస్టమర్స్​ని పలకరించాయి. అయితే వీటిల్లో 5 మాత్రం స్టాండౌట్​గా నిలిచాయి! ప్రజలు వీటిపై చాలా ఆసక్తి చూపించారు. ఈ నేపథ్యంలో 2024లో టాప్​ 5 కార్ల వివరాలను ఇక్కడ చూసేయండి..

స్కోడా కైలాక్ ఎస్​యూవీ..

ఇండియాలో ఈ ఏడాది లాంచ్​ అయిన బెస్ట్​ కార్లల్లో స్కోడా కైలాక్​ ఎస్​యూవీ ఒకటి. ఈ కైలాక్​తో స్కోడా మరోసారి మార్కెట్లో మెరుపులు మెరిపించింది. 

కైలాక్ ధరలు రూ.7.89 లక్షల నుంచి రూ.14.40 లక్షల మధ్యలో ఉన్నాయి (రెండు ధరలు ఎక్స్-షోరూమ్) ఇది కేవలం ఒక టర్బో పెట్రోల్ ఇంజిన్​తో అందుబాటులోకి వచ్చింది. ఇది 114 బీహెచ్​పీ పవర్​, 178 ఎన్ఎమ్ టార్క్​ని జనరేట్​ చేస్తుంది. ఇది 6-స్పీడ్ మ్యాన్యువల్ గేర్ బాక్స్ లేదా 6-స్పీడ్ టార్క్ కన్వర్టర్ ఆటోమేటిక్ ట్రాన్స్​మిషన్​తో అందుబాటులో ఉంది. ఈ ఎస్​యూవీ డెలివరీలు 2025 జనవరిలో ప్రారంభమవుతాయి.

మహీంద్రా బీఈ6..

బీఈ6, ఎక్స్​ఈవీ 9ఈ ఎలక్ట్రిక్​ వాహనాలను మహీంద్రా అండ్​ మహీంద్రా సంస్థ ఈ ఏడాది లాంచ్​ చేసింది. ఇవి సరికొత్త ఐఎన్​జీఎల్​ఓ ప్లాట్​ఫామ్​పై ఆధారపడి ఉన్నాయి. ఏదేమైనా, బీఈ6 దాని రాడికల్ డిజైన్ కారణంగా భారత మార్కెట్లో పెద్ద సంచలనం సృష్టించింది.

మహీంద్రా బీఈ6 బేస్ వేరియంట్ ధర రూ.18.90 లక్షలుగా ఉంది. ఇది 59 కిలోవాట్, 79 కిలోవాట్ల బ్యాటరీ ప్యాక్​తో వస్తుంది. కేవలం 20 నిమిషాల్లో 20 శాతం నుంచి 80 శాతానికి ఛార్జ్​ అవుతుందట. మహీంద్రా బీఈ6 దాని 59 కిలోవాట్ల బ్యాటరీ ప్యాక్​తో 535 కిలోమీటర్ల రేంజ్​ని, 79 కిలోవాట్ల యూనిట్ 682 కిలోమీటర్ల రేంజ్​ని ఇస్తుందని సంస్థ చెబుతోంది.

టాటా కర్వ్ ఈవీ..

స్వదేశీ తయారీదారు టాటా మోటార్స్​కి కర్వ్ ఈవీ ఈ ఏడాది అతిపెద్ద లాంచ్. కర్వ్ ఈవీ అతిపెద్ద హైలైట్ దాని కూపే ఎస్​యూవీ డిజైన్! ఇది 45 కిలోవాట్ల బ్యాటరీ ప్యాక్, 55 కిలోవాట్ల యూనిట్​తో లభిస్తుంది. దీని అర్థం కర్వ్ ఈవీ డ్రైవింగ్ రేంజ్ దాని ప్రస్తుత ప్రత్యర్థుల కంటే చాలా మెరుగ్గా ఉంటుంది.

కర్వ్ ధర రూ.17.49 లక్షల నుంచి రూ.21.99 లక్షల మధ్యలో ఉంది. రెండు ధరలు ఎక్స్-షోరూమ్. ఇది క్రియేటివ్, ఎఫిషియెంట్, ఎంపవర్డ్ ప్లస్ అనే మూడు వేరియంట్లలో లభిస్తుంది.

మహీంద్రా థార్ రాక్స్..

భారతీయులు అత్యంత ఆసక్తిగా ఎదురుచూసిన లాంచ్​లలో మహీంద్రా థార్​ రాక్స్​ ఒకటి. థార్ 3-డోర్ మార్కెట్​లో విజయవంతమైంది. కానీ ప్రజలు ఇంకా కొంచెం ఎక్కువ స్పేస్​ని కోరుకున్నారు, ఎందుకంటే 3-డోర్ల వేరియంట్ నిజంగా కుటుంబాలకు ప్రాధమిక వాహనంగా ఉపయోగపడదు.

మహీంద్రా లైనప్​లో థార్ రాక్స్ సరిగ్గా సరిపోతుంది. ఇది లాడెన్​ ఫ్రేమ్ ఛాసిస్ ఆధారంగా తయారైంది. రేర్ వీల్ డ్రైవ్​ను ప్రామాణికంగా అందిస్తుంది. డీజిల్ ఇంజిన్ టాప్-ఎండ్ వేరియంట్లు 4x4 తో వస్తుంది.

ఎంజీ విండ్సర్ ఈవీ..

జెఎస్​డబ్ల్యు ఎంజీ మోటార్ ఇండియాకు అతిపెద్ద లాంచ్ ఈ విండ్సర్ ఈవి. వాస్తవానికి డెలివరీలు ప్రారంభమైనప్పటి నుంచి ఇది అత్యధికంగా అమ్ముడుపోతున్న ఎలక్ట్రిక్ వాహనంగా గుర్తింపు తెచ్చుకుంది. విండ్సర్ ఈవీతో, బ్రాండ్ బ్యాటరీ సబ్​స్క్రిప్షన్​ స్కీమ్​ని కూడా ప్రవేశపెట్టింది.

ఎంజీ విండ్సర్ ఈవీ ధర రూ.13.50 లక్షల నుంచి రూ.15.50 లక్షల మధ్యలో ఉంది. బీఏఎస్​తో వీటి ధరలు రూ.9.99 లక్షల నుంచి రూ.11.99 లక్షల మధ్యలో ఉన్నాయి. అన్ని ధరలు ఎక్స్-షోరూమ్.

ఇందులో 38 కిలోవాట్ల బ్యాటరీ ప్యాక్​ 332 కిలోమీటర్ల పరిధిని కలిగి ఉంది. డీసీ ఛార్జింగ్ ఉపయోగించి, బ్యాటరీ ప్యాక్​ను గంటలోపు ఛార్జ్​ చేయవచ్చని సంస్థ చెబుతోంది.