Stocks to buy : మార్కెట్ల పతనంలోనూ 285శాతం పెరిగిన స్టాక్ ఇది- ఇప్పుడు బిగ్ అప్డేట్..
Stocks to buy today : ఓవైపు మార్కెట్లు పడుతుంటే మరోవైపు శుక్ర ఫార్మా స్టాక్ 6 నెలల్లో ఏకంగా 285.9శాతం పెరిగింది. ఇప్పుడు ఈ సంస్థ నుంచి ఒక బిగ్ అప్డేట్ ఉంది. అదేంటంటే..
గతేడాది రెండో భాగం నుంచి దేశీయ స్టాక్ మార్కెట్లు విపరీతమైన నష్టాలను చూస్తున్నాయి. బీఎస్ఈ సెన్సెక్స్, ఎన్ఎస్ఈ నిఫ్టీ వంటి ప్రధాన సూచీలు భారీ మొత్తంలో నష్టపోయాయి. అయితే, మార్కెట్లు డౌన్లో ఉన్న కొన్ని కంపెనీల స్టాక్స్ మాత్రం లాభాల్లో దూసుకెళుతున్నాయి. అలాంటి వాటిల్లో ఒకటి శుక్ర ఫార్మాస్యూటికల్స్! ఈ కంపెనీ షేర్లు 6 నెలల్లో ఏకంగా 285.9శాత రిటర్నులు ఇచ్చాయి. ఇక ఇప్పుడు ఈ కంపెనీ నుంచి మరొక బిగ్ అప్డేట్ వచ్చింది. శుక్ర ఫార్మా కంపెనీ స్టాక్ స్ల్పిట్ని ప్రకటించింది. కంపెనీ షేర్లను 10 భాగాలుగా విభజిస్తారు. ఈ స్టాక్ డివిజన్ తర్వాత కంపెనీ షేరు ముఖ విలువ రూ.1కి పడిపోతుంది. కంపెనీ స్టాక్ విభజనకు రికార్డు తేదీని సైతం ప్రకటించింది. ఆ వివరాలు..
శుక్ర ఫార్మా స్టాక్ ప్రైజ్..
గురువారం ట్రేడింగ్ సెషన్లో శుక్ర ఫార్మా షేరు రూ. 245.8 వద్ద అప్పర్ సర్క్యూట్లో క్లోజ్ అయ్యింది. ఐదు రోజుల్లో ఈ సంస్థ షేరు దాదాపు 4శాతం పెరిగింది. నెల రోజుల్లో ఏకంగా 21.3శాతం వృద్ధిచెందింది. ఇక ఆరు నెలల వ్యవధిలో ఈ శుక్ర ఫార్మా స్టాక్ 285.9శాతం పెరిగింది. ఏడాది కాలంలో 261.6శాతం, ఐదేళ్ల కాలంలో ఏకంగా 9,501శాతం వృద్ధిచెందింది.
అటు 6 నెలల వ్యవధిలో బీఎస్ఈ సెన్సెక్స్ 11శాతం, ఎన్ఎస్ఈ నిఫ్టీ 11.7శాతం పతనమయ్యాయి.
స్టాక్ స్ల్పిట్ అప్డేట్..
శుక్ర ఫార్మా స్టాక్ను 10 ముక్కలుగా విభజించనున్నట్లు స్టాక్ ఎక్స్ఛేంజ్లకు ఇచ్చిన సమాచారంలో సంస్థ పేర్కొంది. స్టాక్ విభజనకు మార్చ్ 21న రికార్డు తేదీని బోర్డు నిర్ణయించిందని కంపెనీ తెలిపింది.
ఏడాది క్రితం ఈ కంపెనీ స్టాక్.. మార్కెట్లలో ఎక్స్బోనస్ ట్రేడ్ అయ్యింది. అప్పుడు కంపెనీ ఒక షేరుపై బోనస్గా 3 షేర్లను పంపిణీ చేసింది. 2024 సెప్టెంబర్ నెలలోనే కంపెనీ ఎక్స్డివిడెండ్ ట్రేడింగ్ని ప్రారంభించింది. అప్పుడు కూడా అర్హత కలిగిన ఇన్వెస్టర్లకు ఒక షేరు తరఫున ఒక రూపాయి డివిడెండ్ ఇచ్చింది!
అయితే, కేవలం స్టాక్ స్ల్పిట్, డివిడెండ్లను చూసి సదరు కంపెనీలో ఇన్వెస్ట్ చేయడం ఉత్తమం కాదని గ్రహించాలి. ఒక స్టాక్లో ఇన్వెస్ట్ చేసే ముందు దాని ఫండమెంటల్ ఎనాలసిస్, రిస్క్ వంటివి తెలుసుకోవడం చాలా అవసరం.
(గమనిక- ఇది పెట్టుబడి సలహా కాదు. ఇది కేవలం సమాచారం కోసం రూపొందించిన కథనం మాత్రమే. హిందుస్థాన్ టైమ్స్ తెలుగుకు ఎలాంటి సంబంధ లేదు. ఏదైనా స్టాక్లో ఇన్వెస్ట్ చేసే ముందు మీరు సెబీ రిజిస్టర్డ్ ఫైనాన్షియల్ అడ్వైజర్ని సంప్రదించాల్సి ఉంటుంది.)
Sharath Chitturi
సంబంధిత కథనం