Personal loan tips : అప్పులను తీర్చేందుకు పర్సనల్​ లోన్​ తీసుకుంటే- లాభమా? నష్టమా?

నేటి కాలంలో ఎప్పుడు ఏ అవసరం వస్తుందో తెలియదు. తక్షణ నగదు కోసం మనం అప్పులు చేస్తూ ఉంటాము. ఒక్కోసారి, చాలా చోట్ల అప్పులు చేసి, వాటికి భారీ మొత్తంలో వడ్డీ కట్టాల్సి వస్తుంది. అది మన మీద మరింత ఆర్థిక భారాన్ని పెంచుతుంది. అయితే, ఒక కొత్త లోన్​ని తీసుకుని మిగిలిన అన్ని అప్పులను తీర్చేయాలని చాలా మంది నిపుణులు సలహా ఇస్తుంటారు. ఈ నేపథ్యంలో పర్సనల్​ లోన్​ తీసుకుని మిగిలిన అప్పులు తీర్చేందుకు చాలా మంది ప్రయత్నిస్తుంటారు. మరి ఇది ప్రయోజనకరమేనా? లేక మనం నష్టపోతామా? ఇక్కడ తెలుసుకోండి..

కొన్ని ప్రయోజనాలు ఇవే.

. 1. ఒకే చెల్లింపు: వేర్వేరు గడువు తేదీలతో బహుళ రుణాలను నిర్వహించడం కంటే, ఒకే చెల్లింపుపై దృష్టి పెట్టవచ్చు. ఇది ట్రాక్​లో ఉండటం, చెల్లింపులను మిస్​ అవ్వకుండా చూసుకోవడాన్ని సులభం చేస్తుంది.

2. తక్కువ వడ్డీ రేటు: వ్యక్తిగత రుణంపై వడ్డీ రేటు మీ ప్రస్తుత రుణాలపై ఉన్న రేట్ల కంటే తక్కువగా ఉంటే (ముఖ్యంగా క్రెడిట్ కార్డ్ రుణం, ఇది తరచుగా అధిక వడ్డీని కలిగి ఉంటుంది).. లోన్​ తీసుకోవడమే బెటర్​! మీరు కాలక్రమేణా వడ్డీపై డబ్బును ఆదా చేయవచ్చు.

3. స్థిర చెల్లింపు: వ్యక్తిగత రుణాలు సాధారణంగా స్థిరమైన వడ్డీ రేట్లు, తిరిగి చెల్లింపు నిబంధనలను కలిగి ఉంటాయి. అంటే మీ నెలవారీ చెల్లింపు మొత్తం స్థిరంగా ఉంటుంది. ఇది మరింత ఊహించదగిన బడ్జెట్​ని అందించగలదు.

4. క్రెడిట్ స్కోర్: మీ రుణాన్ని ఏకీకృతం చేయడం వల్ల కాలక్రమేణా మీ క్రెడిట్ స్కోర్ మెరుగుపడుతుంది. ప్రత్యేకించి మీరు క్రెడిట్ కార్డ్ బ్యాలెన్స్​లను చెల్లిస్తే, ఇది మీ క్రెడిట్ వినియోగ నిష్పత్తిని తగ్గిస్తుంది.

"కొన్నిసార్లు చెడు ఖర్చుల అలవాట్ల వల్ల ప్రజలు అప్పుల ఊబిలో కూరుకుపోతుంటారు. ఇటువంటి బహుళ రుణాల కారణంగా, వారి ఈఎంఐ వారి నెలవారీ ఆదాయంలో 80 లేదా 90 శాతం అవుతుంది! ఇది ప్రమాదకరమైన పరిస్థితి. అటువంటి సందర్భంలో, అదనపు వ్యక్తిగత రుణాలకు ముందు, మీరు స్నేహితులు, కుటుంబ సభ్యుల నుంచి ఆర్థిక సహాయం తీసుకోవచ్చో లేదో తనిఖీ చేయండి," అని సెబీ రిజిస్టర్డ్ ఇన్వెస్ట్మెంట్ అడ్వైజర్, అప్నా ధన్ ఫైనాన్షియల్ సర్వీసెస్ వ్యవస్థాపకురాలు ప్రీతి జెండే చెప్పారు.

"కుటుంబం లేదా స్నేహితుల సహాయం సరిపోకపోతే, కొత్త ఈఎంఐకి అవకాశం ఉంటే, క్రెడిట్ కార్డు రుణాన్ని క్లోజ్ చేయడానికి మీరు పర్సనల్ లోన్ తీసుకోవచ్చు. ఖరీదైన రుణం క్లోజ్ అయిన తర్వాత ఈఎంఐ మొత్తాన్ని తగ్గించడానికి ఇది సహాయపడుతుంది," అని జెండే చెప్పారు.

కొన్ని ప్రధాన ప్రతికూలతలు ఇవి:

1. ఫీజులు: ఈ ప్రక్రియను అనుసరించే ముందు పర్సనల్​ లోన్​ చుట్టూ ఉండే ఫీజులను కూడా పరిగణలోకి తీసుకోవాలి. వ్యక్తిగత రుణాలు రుసుములు, ముందస్తు చెల్లింపు జరిమానాలు లేదా ఇతర ఖర్చులతో రావచ్చు. ఈ రుసుములు రుణం మొత్తం ఖర్చును పెంచుతాయి, వడ్డీ ఆదాను మించిపోతాయి.

2. అధిక వడ్డీ: కొంతమందికి అధిక వడ్డీ రేటుతో పర్సనల్​ లోన్​ లభిస్తుంది. దీని వల్ల ఉపయోగం ఉందో లేదో చెక్​ చేసుకోవాలి.

4. క్రెడిట్ స్కోర్: పర్సనల్ లోన్ కోసం అప్లై చేయడం వల్ల మీ క్రెడిట్ రిపోర్ట్​పై కఠినమైన విచారణ ఉంటుంది. ఇది మీ క్రెడిట్ స్కోర్​ని తాత్కాలికంగా తగ్గిస్తుంది. అలాగే, మీరు రుణంపై చెల్లింపులను మిస్ అయితే, మీ క్రెడిట్ ప్రతికూలంగా ప్రభావితమవుతుంది.

పర్సనల్​ లోన్​ ఆప్షన్​ ఉంది కదా అని తీసుకోవడం మంచిది కాదు! మీరు క్రెడిట్ కార్డు రుణాన్ని వ్యక్తిగత రుణంతో ఏకీకృతం చేస్తుంటే, మీరు మళ్లీ క్రెడిట్ కార్డులను ఉపయోగించడానికి చూస్తారని గుర్తుంచుకోండి. ఇది ఎక్కువ రుణానికి దారితీస్తుంది. రుణం చెల్లించేటప్పుడు కొత్త రుణం పేరుకుపోకుండా ఉండటానికి క్రమశిక్షణ అనేది చాలా అవసరం!