Retail investors wealth : స్టాక్ మార్కెట్లు పెరుగుతున్నా- పోర్ట్ఫోలియో డౌన్లోనే ఉందా?
Stock market retail investors wealth : స్టాక్ మార్కెట్లు దూసుకెళుతున్నాయి. కానీ మీ పోర్ట్ఫోలియోలోని స్టాక్స్ మాత్రం పెరగడం లేదా? ఇందుకో కారణం ఉంది.
Stock market retail investors wealth : 'బ్యాంక్ నిఫ్టీ.. రోజుకో ఆల్ టైమ్ హైని చూస్తోంది.. బీఎస్ఈ సెన్సెక్స్.. ఇటీవలే రికార్డు స్థాయికి చేరింది.. నిఫ్టీ50.. ఆల్ టైమ్ హైకి అత్యంత సమీపంలో ఉంది..'- ఇవీ రోజు బిజినెస్ పేజ్లో కనిపిస్తున్న వార్తలు. దేశీయ సూచీలను చూస్తుంటే.. అంతా బాగానే కనిపిస్తోంది. కానీ.. పోర్ట్ఫలియోలోని స్టాక్స్లో మాత్రం ఎలాంటి మార్పులు కనిపించడం లేదని చాలా మంది మదుపర్లు భావిస్తున్నారు. ముఖ్యంగా.. రీటైల్ ఇన్వెస్టర్లు చాలా ఆలోచించేస్తున్నారు. సూచీలు పెరుగుతున్నా.. పోర్ట్ఫోలియోలోని స్టాక్స్ పెరగకపోవడానికి ఓ కారణం ఉంది.. అదేంటంటే!
ట్రెండింగ్ వార్తలు
మిడ్ క్యాప్- స్మాల్ క్యాప్ ఎఫెక్ట్..
శుక్రవారం ట్రేడింగ్ సెషన్ ముగిసే సమయానికి బీఎస్ ఈ సెన్సెక్స్.. 62,447 వద్ద ఆల్ టైమ్ హైలో ముగిసింది. నిఫ్టీ50.. 18,534 వద్ద స్థిరపడింది. బ్యాంక్ నిఫటీ.. 43,359కి చేరింది. కానీ మిడ్ క్యాప్, స్మాల్ క్యాప్ సూచీలు మాత్రం.. ఆల్ టైమ్ హైకి చాలా దూరంలో ఉన్నాయి.
Retail investors wealth : స్టాక్ మార్కెట్ నిపుణుల ప్రకారం.. చాలా మంది రీటైల్ ఇన్వెస్టర్లు మిడ్ క్యాప్, స్మాల్ క్యాప్ స్టాక్స్లో పెట్టుబడులు పెట్టారు. కానీ అవి పెద్దగా పెరగడం లేదు. సూచీల్లో ఇప్పుడు కనిపిస్తున్న జోరంతా.. లార్జ్ క్యాప్ స్టాక్స్వే!
రష్యా ఉక్రెయిన్ యుద్ధం, ద్రవ్యోల్బణం కారణంగా.. అన్ని సూచీలూ ఈ ఏడాది తొలినాళ్ల నుంచి భారీగా పడ్డాయి. కానీ ప్రస్తుతం లార్జ్ క్యాప్ స్టాక్సే రికవరీ అవుతున్నాయి. గత కొంతకాలంగా భారీగా పతనమై.. రీటైల్ ఇన్వెస్టర్లు పట్టించుకోని స్టాక్స్ కూడా పెరుగుతున్నాయి. కానీ మిడ్ క్యాప్, స్మాల్ క్యాప్లో రికవరీ కనిపించడం లేదు.
"స్టాక్ మార్కెట్లో ఇది తరచూ కనిపించే విషయమే. మిడ్ క్యాప్, స్మాల్ క్యాప్ స్టాక్స్ మంచి ప్రదర్శన చేయకపోతే.. రీటైలర్ల పోర్ట్ఫోలియోలో పెద్దగా మార్పులు ఉండవు. కొన్ని మిడ్ క్యాప్, స్మాల్ క్యాప్ స్టాక్స్ అద్భుత ప్రదర్శన చేస్తున్నాయి. కానీ అవి కొంత కాలం క్రితం భారీగా పడటంతో ఎవరూ పట్టించుకోలేదు. అలాంటి స్టాక్స్ లేకపోవడంతో పోర్ట్ఫోలియో పెరగడం లేదు. ఉదాహరణకు.. పీఎస్యూ బ్యాంక్స్ని తీసుకుందాము. వీటిని గతంలో ఎవరు పట్టించుకోలేదు. ఇప్పుడవే రాణిస్తున్నాయి," అని బొనాన్జా పోర్ట్ఫోలియో రీసెర్చ్ హెడ్ విషాల్ వాఘ్ పేర్కొన్నారు.
బడ్జెట్ సమయం..
Mid cap small cap indices : ఈ ఏడాది ఐటీ స్టాక్స్ భారీగా పడ్డాయి. ఐటీ సెక్టార్లో రికవరీ కోసం ఎదురుచూస్తూ.. పీఎస్యూ బ్యాంక్ స్టాక్స్ను చాలా మంది విస్మరించారని విషాల్ అభిప్రాయపడ్డారు. కానీ ఈ సెక్టార్ స్టాక్సే.. గత 2,3 నెలల్లో 50శాతానికి పైగా రిటర్నులు తెచ్చిపెట్టాయని స్పష్టం చేశారు.
"ఇండియా స్టాక్ మార్కెట్లు బుల్లిష్గానే ఉన్నాయి. భారీగా కరెక్షన్లు వచ్చే సూచనలు కనిపించడం లేదు. డిసెంబర్లో ఎఫ్ఐఐల పెట్టుబడులు పెద్దగా తగ్గవు. డిసెంబర్లో సెక్టార్ ఆధారంగా గ్రోత్ ఉంటుంది. ఇక కొన్ని నెలల్లో బడ్జెట్ వస్తుంది. 2024 ఎన్నికల నేపథ్యంలో.. ఈసారి బడ్జేట్ను అత్యంత శ్రద్ధతో తయారు చేస్తారని అంచనాలు ఉన్నాయి. ఫలితంగా.. పలు రంగాల స్టాక్స్లో మూమెంట్ కనిపిస్తుంది," అని స్వాస్తిక ఇన్వెస్ట్మార్ట్ సీనియర్ టెక్నికల్ ఎనలిస్ట్ ప్రవేశ్ గౌర్ తెలిపారు.
సంబంధిత కథనం