MS Dhoni latest news : ఎస్​బీఐ బ్రాండ్​ అంబాసిడర్​గా ఎంఎస్​ ధోనీ..!

MS Dhoni SBI news : దేశ బ్యాంకింగ్​ వ్యవస్థలోనే అతిపెద్ద సంస్థ ఎస్​బీఐ (స్టేట్​ బ్యాంక్​ ఆఫ్​ ఇండియా).. టీమిండియా మాజీ సారథి ఎంఎస్​ ధోనీతో కొలాబొరేషన్​ను ఫిక్స్​ చేసుకుంది. ఇకపై.. ఎస్​బీఐకి అధికారిక బ్రాండ్​ అంబాసిడర్​గా వ్యవహరించనున్నారు ధోనీ.

"ఒత్తిడిలోనూ ధోనీ కూల్​గా ఉంటారు. చాలా స్పష్టంగా ఆలోచిస్తారు. వేగంగా నిర్ణయాలు తీసుకుంటారు. ఇన్ని లక్షణాలు ఉన్న ధోనీ.. ఎస్​బీఐకి బ్రాండ్​ అంబాసిడర్​గా వ్యవహరిస్తుండటం సంతోషకరం. ధోనీ.. ఈ బ్యాంక్​ను, కస్టమర్లకు మరింత చేరువ చేస్తారని ఆశిస్తున్నాను. ఇక నుంచి బ్యాంక్​ మార్కెటింగ్​, ప్రొమోషన్స్​లో ధోనీ కీలక పాత్ర పోషిస్తారు," అని స్టేట్​ బ్యాంక్​ ఆఫ్​ ఇండియా ఓ ప్రకటన విడుదల చేసింది.

"కస్టమర్లతో లోతైన సంబంధాలను ఏర్పరచుకునేందుకు మా బ్యాంక్​ కృషి చేస్తోందని, విలువలు- నాయకత్వ లక్షణాలను ప్రాధాన్యతనిస్తుంది ధోనీని ఎంపిక చేసుకోవడంతో అర్థం చేసుకోవచ్చు," అని ఎస్​బీఐ స్పష్టం చేసింది.

"మా బ్రాండ్​కు ధోనీ సరిగ్గా సూట్​ అవుతారు. కస్టమర్లలో నమ్మకం మరింత పెరుగుతుంది. దేశం, భారతీయులతో నమ్మకంగా కలిసి పనిచేసేందుకు మేము కట్టుబడి ఉన్నాము. అందుకే ఈ నిర్ణయం తీసుకున్నాము," అని ఎస్​బీఐ ఛైర్మన్​ దినేశ్​ ఖారా తెలిపారు.

అంతర్జాతీయ క్రికెట్​కు గుడ్​బై చెప్పిన తర్వాత.. ధోనీ చాలా బిజీబిజీగా గడుపుతున్నారు. అనేక సంస్థలతో కలిసి యాడ్స్​ చేస్తున్నారు. సొంతంగా వ్యాపారాలు చూసుకుంటున్నారు. ఇక ఇప్పుడు.. ఎస్​బీఐకి బ్రాండ్​ అంబాసిడర్​గా మారడంతో.. ఇకపై ఈ బ్యాంక్​ యాడ్స్​లో ధోనీ కనిపించనున్నారు!

ధోనీలో కొత్త యాంగిల్​..

ఇక ఇతర విషయాలకొస్తే.. మిస్టర్​ కూల్​ ధోనీ.. తనలోని ఓ కొత్త యాంగిల్​ని ఇటీవలే బయటపెట్టారు. బెంగళూరు వేదికగా జరిగిన ఓ ఈవెంట్​లో పాల్గొన్న ఆయన.. స్టాక్​ మార్కెట్​ల గురించి మాట్లాడి, అందరిని ఆశ్చర్యపరిచారు.

Dhoni on stock markets : "గత రెండు రోజులుగా నా పోర్ట్​ఫోలియో 8శాతం పడిపోయిందని, వీరందరు సంతోషంగా ఉన్నారు. 19,300 దగ్గర బలమైన సపోర్ట్​ ఉందని, కచ్చితంగా మార్కెట్​ పైకి వెళుతుందని వీరు (స్టాక్​ మార్కెట్​ నిపుణులు) చెబుతారు. కానీ ఆ మరుసటి రోజే.. నిఫ్టీ 18,800కి పడిపోయింది," అని ధోనీ అన్న మాటలకు సంబంధించిన వీడియో ఇప్పుడు వైరల్​గా మారింది. ధోనీ అన్న మాటలతో ఈవెంట్​లో ఉన్న వారందరు నవ్వుకున్నారు.

ఆ తర్వాత.. ఫ్యూచర్​ అండ్​ ఆప్షన్స్​ గురించి కూడా ధోనీ మాట్లాడినట్టు తెలుస్తోంది. పూర్తి వివరాల కోసం ఇక్కడ క్లిక్​ చేయండి.