SBI Q3 results : క్యూ3లో దుమ్మురేపిన ఎస్​బీఐ.. 68శాతం పెరిగిన లాభాలు!

SBI Q3 results 2023 : 2022-23 ఆర్థిక ఏడాది మూడో క్వార్టర్​కు సంబంధించిన ఫలితాలను ఎస్​బీఐ ప్రకటించింది. ఇయర్​ ఆన్​ ఇయర్​లో చూసుకుంటే.. ఎస్​బీఐ నెట్​ ప్రాఫిట్​ 68శాతం పెరిగింది. ప్రావిజనింగ్​ తక్కువ చేయడంతో పాటు వడ్డీపై భారీగా ఆదాయం అందుకోవడం ఇందుకు కారణం.

అంచనాలకు మించి ఫలితాలు..

క్యూ3లో రికార్డు స్థాయిలో రూ. 14,205కోట్ల నెట్​ ప్రాఫిట్​ను నమోదు చేసింది ఎస్​బీఐ. గతేడాది ఇదే త్రైమాసికంలో ఎస్​బీఐ నికర లాభం రూ. 8,431 కోట్లుగా ఉంది. మార్కెట్​ వర్గాల అంచనాలను తాజా ఎస్​బీఐ త్రైమాసిక ఫలితాలు బీట్​ చేశాయి.

SBI Q3 results : ఇక ఎస్​బీఐ క్యూ3 ఫలితాల్లో.. నెట్​ ఇంట్రెస్ట్​ ఇన్​కమ్​ (ఎన్​ఐఐ) విషయానికొస్తే.. అది 24శాతం పెరిగి రూ. 38,068కోట్లకు చేరింది. గతేడాది ఇదే త్రైమాసికంతో ఆ విలువ రూ. 30,687కోట్లుగా ఉంది. నెట్​ ఇంట్రెస్ట్​ మార్జిన్​ (ఎన్​ఐఎం).. 3.5శాతానికి వృద్ధి చెందింది. గతేడాది ఇదే త్రైమాసికంలో అది 3.32శాతంగా ఉండేది.

HDFC Q3 results : హెచ్​డీఎఫ్​సీ క్యూ3 ఫలితాల పూర్తి వివరాల కోసం ఇక్కడ క్లిక్​ చేయండి.

ఇయర్​ ఆన్​ ఇయర్​లో ఎస్​బీఐ లోన్​ బుక్​ 17.6శాతం వృద్ధిచెందడం విశేషం. డొమెస్టిక్​ అడ్వాన్సెస్​లు 17శాతం పెరిగాయి. పర్సనల్​ లోన్​, కార్పొరేట్​ లోన్స్​ కారణంగా ఇది జరిగింది. ఈ రెండూ కూడా 18శాతం వృద్ధిచెందాయి. ఎస్​బీఐ టోటల్​ డిపాజిట్​లు రూ. 42 ట్రిలియన్​కు పెరిగాయి. గతేడాది ఎస్​బీఐ క్యూ3 ఫలితాల్లో అది రూ. 40 ట్రిలియన్​గా ఉండేది.

'ఇంకా వృద్ధి సాధిస్తాము..'

SBI Q3 results news : "ఈ ఆర్థిక ఏడాదిలో మా లోన్​ గ్రోత్​ 14-15శాతం (ఇయర్​ ఆన్​ ఇయర్​) వృద్ధిచెందుతుంది. క్రెడిట్​ గ్రోత్​ అనేది వచ్చే ఏడాది కూడా వృద్ధిచెందుతుంది. రోడ్లు, పోర్టులు, ఐరన్​- స్టీల్​ వంటి మౌలికవసతుల అంశాల్లో మార్పులు చోటుచేసుకోవచ్చని మేము భావిస్తున్నాము. కన్జ్యూమర్​ గూడ్స్​ సెక్టార్​ కూడా వృద్ధిచెందుతుంది. ఇవి మాకు లాభం కలిగిస్తాయి. డేటా సెంటర్​, ఈవీలు, ఈవీ బ్యాటరీతో పాటు ఇతర రంగాలు కూడా వృద్ధి సాధిస్తాయని మాకు అనిపిస్తోంది," అని ఎస్​బీఐ ఛైర్మన్​ దినేశ్​ ఖారా తెలిపారు.

ఎస్​బీఐ మూడో త్రైమాసికం ఫలితాల్లో గ్రాస్​ ఎన్​పీఏ (నాన్​ పర్ఫార్మింగ్​ అసెట్స్​) రూ. 98,346కోట్లకు దిగొచ్చింది. గతేడాది ఇదే త్రైమాసికంలో అది రూ. 1.2ట్రిలియన్​గా ఉండేది. మొత్తం ఆస్తుల్లో గ్రాస్​ ఎన్​పీఏ విలువ 3.14శాతంగా ఉంది. అంతకుముందు త్రైమాసికంలో అది 3.52శాతంగా, అంతకుముందు ఏడాదిలో అది 4.5శాతంగా ఉండేది. ఇక ఎస్​బీఐ మూడో త్రైమాసికంలో నెట్​ ఎన్​పీఏ 0.77శాతంగా నమోదైంది. గతేడాది ఇదే క్వార్టర్​లో అది 1.34శాతంగా ఉండేది.

SBI Q3 results today : ప్రస్తుత ఆర్థిక ఏడాది మూడో త్రైమాసికంలో ఎస్​బీఐ ప్రావిజన్స్​ 17శాతం కన్నా ఎక్కువ తగ్గి (ఇయర్​ ఆన్​ ఇయర్​) రూ. 5,761కోట్లుగా నమోదయ్యాయి. బ్యాంక్​ ఫీజు ఆదాయం 3శాతం పెరిగి రూ. 5,928కోట్లకు చేరింది. గతేడాది ఇదే త్రైమాసికంలో అది రూ. 5,747కోట్లుగా ఉండేది.

ఎస్​బీఐ స్టాక్​..

SBI Share price : శుక్రవారం ట్రేడింగ్​ సెషన్​లో ఎస్​బీఐ షేర్లు 3.3శాతం వృద్ధిచెంది రూ. 546కి చేరాయి. ఇక నెల రోజుల్లో ఈ స్టాక్​ 9.8శాతం పడింది. ఈ ఏడాదిలో ఇప్పటివరకు ఎస్​బీఐ స్టాక్​ దాదాపు 11శాతం పతనమైంది. ఆరు నెలల్లో మాత్రం 2.3శాతం వృద్ధిచెందింది.