SBI Fixed Deposit : ఎస్బీఐ గ్రీన్ రూపీ టర్మ్ డిపాజిట్.. ఇందులోని 3 ప్రత్యేక ఎఫ్‌డీ స్కీమ్స్ గురించి తెలుసుకోండి
SBI Fixed Deposit : ఫిక్స్‌డ్ డిపాజిట్స్ సురక్షితమైన పెట్టుబడి పథకాలు. చాలా మంది వీటిలో ఇన్వెస్ట్ చేసేందుకు ఆసక్తి చూపిస్తారు. ఎస్బీఐ వివిధ రకాల స్కీములు అందిస్తుంది. అందులో ఎస్బీఐ గ్రీన్ రూపీ టర్మ్ డిపాజిట్ ఒకటి. ఇందులో మూడు రకాలు ఉంటాయి.
దేశంలోని అనేక బ్యాంకులు తమ సొంత ఫిక్స్‌డ్ డిపాజిట్ పథకాలను కలిగి ఉన్నాయి. వినియోగదారులకు వారి ప్రయోజనాలకు అనుగుణంగా అనేక ఆప్షన్స్ అందిస్తోంది. దీని ద్వారా కస్టమర్లు తమకు కావలసిన వ్యవధి, వడ్డీ రేట్లను సరిగ్గా చెక్ చేసిన తర్వాత డబ్బును ఏ బ్యాంకులో పెట్టుబడి పెట్టాలనే ఆలోచించవచ్చు.
బ్యాంకులు పరిమిత కాలానికి ప్రత్యేక ఫిక్స్‌డ్ డిపాజిట్ పథకాలను కూడా అందిస్తాయి. ఇవి కాల వ్యవధిని కలిగి ఉంటాయి. డిపాజిటర్లకు అదనపు వడ్డీ రేట్లను అందిస్తాయి. కొన్ని ప్రత్యేక ఎఫ్‌డీలు నిర్దిష్ట కాలానికి ఉంటాయి. ప్రస్తుతం స్టేట్ బ్యాంక్ ఆఫ్ ఇండియా ఎస్బీఐ గ్రీన్ రూపాయి టర్మ్ డిపాజిట్ (SGRTD) అనే ప్రత్యేక ఎఫ్‌డీని అమలు చేస్తోంది. ఈ ప్రత్యేక ఎఫ్‌డీలో మూడు పథకాలు ఉన్నాయి. వీటి గురించి తెలుసుకుందాం..
ఎస్బీఐ 1,111, 1,777, 2,222 రోజుల గ్రీన్ రూపీ టెన్యూర్ ప్లాన్‌లను అందిస్తుంది. డిపాజిట్ వ్యవధిలో ఆకర్షణీయమైన వడ్డీ కూడా అందిస్తారు. 1,111 రోజులు, 1,777-రోజుల ఎఫ్‌డీలపై వడ్డీ రేట్లు 6.65 శాతం కాగా, 2,222-రోజుల ఎఫ్‌డీపై ఇది 6.40 శాతంగా ఉంది.
ఈ పథకంలో, సీనియర్ సిటిజన్లకు కూడా ఆకర్షణీయమైన వడ్డీ రేట్లను అందుకోవచ్చు. సీనియర్ సిటిజన్లకు 1111, 1777 రోజుల ఎఫ్‌డీలపై 7.15 శాతం వడ్డీ రేటు ఇస్తారు. అదేవిధంగా సీనియర్ సిటిజన్లకు 2,222 రోజుల ఎఫ్‌డీపై 7.40 శాతం వడ్డీ రేటును అందిస్తారు. ఇందులో ఇతర ఆప్షన్స్ కూడా ఉన్నాయి. దాదాపు అన్ని ఎఫ్‌డీల మాదిరిగానే ఈ పథకంలో కూడా ఎఫ్‌డీపై రుణం పొందొచ్చు. అలాగే ప్రాజెక్ట్ సమయంలో మొత్తం అంటే ముందుగా తిరిగి చెల్లించే సదుపాయం ఇస్తారు..
1,777 రోజుల పథకంలో ఎస్బీఐ గ్రీన్ రూపీ టర్మ్ డిపాజిట్‌లో 11 లక్షలు పెట్టుబడి పెడితే.. వడ్డీ 4,1,6497.23గా వస్తుంది. అంచనా వేసిన మెచ్యూరిటీ వడ్డీతో కలిసి రూ. 15,16,497.23 వస్తుంది.
1,777 రోజుల ప్రాజెక్ట్‌లో 21 లక్షలు పెడితే.. 7,95,131.08 వడ్డీ వస్తుంది. సాధారణ పౌరులకు మెచ్యూరిటీగా అంచనా రూ. 28,95,131.08 అవుతుంది.
ఒక సీనియర్ సిటిజన్ 1,777 రోజుల పథకంలో రూ.11 లక్షలు పెట్టుబడి పెడితే మెచ్యూరిటీ సమయంలో అంచనా వడ్డీ రూ.4,53,224.21 అవుతుంది. అంచనా వేసిన మెచ్యూరిటీ 15,53,224.21గా ఉంటుంది.
1,777 రోజుల ప్రాజెక్టులో 21 లక్షలు సీనియర్ సిటిజన్ల పెడితే మెచ్యూరిటీపై అంచనా వడ్డీ రూ. 8,65,246.22గా ఉంటుంది. అంటే మెచ్యూరిటీ అంచనా రూ. 29,65,246.22 వరకు వస్తుంది.
