SBFC Finance IPO: ఈ రోజు ఎస్బీఎఫ్సీ ఫైనాన్స్ ఐపీఓ అలాట్మెంట్; జీఎంపీ ఎంతో తెలుసా..?

SBFC Finance IPO: ఎస్బీఎఫ్సీ ఫైనాన్స్ ఐపీఓ అలాట్మెంట్ ఆగస్ట్ 10వ తేదీన జరగనుంది. ఈ రోజు ఈ ఐపీఓ గ్రే మార్కెట్ ప్రీమియం రూ. 40 గా ఉంది. ఈ ఐపీఓ కోసం దరఖాస్తు చేసుకున్న ఇన్వెస్టర్లు తమకు షేర్లు అలాట్ అయ్యాయో లేదో బీఎస్ఈ అధికారిక వెబ్ సైట్ bseindia.com. ను చెక్ చేయడం ద్వారా తెలుసుకోవచ్చు.

జీఎంపీ రూ. 40..

అలాట్మెంట్ రోజు అయిన ఆగస్ట్ 10వ తేదీన ఈ ఎస్బీఎఫ్సీ ఫైనాన్స్ ఐపీఓ జీఎంపీ రూ. 40గా ఉంది. అంటే, ఇష్యూ ప్రైస్ పై రూ. 40 అధికంగా ఈ ఐపీఓ స్టాక్ మార్కెట్లో లిస్ట్ అయ్యే అవకాశం ఉంది. ఇన్వెస్టర్లు తమకు ఈ షేర్లు అలాట్ అయ్యాయో లేదో తెలుసుకోవడానికి బీఎస్ఈ అధికారిక వెబ్ సైట్ bseindia.com.ను కానీ, ఐపీఓ అధికారిక రిజిస్ట్రార్ అయిన KFin Technologies వెబ్ సైట్ ను కానీ చెక్ చేయవచ్చు. ఈ ఐపీఓకు అన్ని వర్గాల ఇన్వెస్టర్ల నుంచి మంచి స్పందన లభించింది.

IPO allotment status check: ఇలా చెక్ చేసుకోండి..

బీఎస్ఈ వెబ్ సైట్ ద్వారా చెక్ చేసుకోవాలనుకుంటే.. ముందుగా

• బీఎస్ఈ అధికారిక వెబ్ సైట్ లింక్ bseindia.com/investors/appli_check.aspx; ను ఓపెన్ చేయాలి.
• ఇష్యూ టైప్ వద్ద ఈక్విటీ (equity) ని సెలెక్ట్ చేసుకోవాలి.
• SBFC Finance IPO ను సెలెక్ట్ చేసుకోవాలి.
• మీ అప్లికేషన్ నంబర్ ను కానీ, పాన్ నంబర్ ను కానీ ఎంటర్ చేయాలి.
• 'I'm not a robot' బాక్స్ ను టిక్ చేయాలి. ఆ పై సెర్చ్ బటన్ పై క్లిక్ చేయాలి.
• మీ అలాట్మెంట్ స్టేటస్ స్క్రీన్ పై కనిపిస్తుంది.