Samsung Galaxy S24 : సామ్​సంగ్​ గెలాక్సీ ఎస్​24 లాంచ్​ డేట్​ ఫిక్స్​.. ఎప్పుడంటే!

Samsung Galaxy S24 release date : స్మార్ట్​ఫోన్​ ప్రియులు ఎంతగానో ఎదురుచూస్తున్న సామ్​సంగ్​ గెలాక్సీ ఎస్​24 సిరీస్​ లాంచ్​ డేట్​ ఫిక్స్​ అయ్యింది. ఈ సిరీస్​.. 2024 జనవరి 17న అంతర్జాతీయంగా లాంచ్​కానుంది. ఈ నేపథ్యంలో పూర్తి వివరాలను ఇక్కడ తెలుసుకుందాము..

సామ్​సంగ్​ గెలాక్సీ ఎస్​24..

ఈ సామ్​సంగ్​ కొత్త స్మార్ట్​ఫోన్​ సిరీస్​లో ఎస్​24, ఎస్​24+, ఎస్​24 అల్ట్రా గ్యాడ్జెట్స్​​ ఉంటాయి. జనవరి 17న ఇవి లాంచ్​ అవుతుండగా.. ఒక రోజు తర్వాత, అంటే.. జనవరి 18న ప్రీ-బుకింగ్స్​ మొదలవుతాయి. జనవరి 26 తర్వాత.. ఈ గ్యాడ్జెట్స్​ డెలివరీ ప్రక్రియ ప్రారంభమవుతుంది.

Samsung Galaxy S24 ultra release date : ఇక సామ్​సంగ్​ గెలాక్సీ ఎస్​224, ఎస్​24+ లో ఫుల్​ హెచ్​డీ+ అమోలెడ్​ ఎల్​టీపీఓ డిస్​ప్లే ఉండనుంది. 12జీబీ ర్యామ్​- 512జీబీ స్టోరేజ్​ వీటిల్లో ఉండొచ్చు. స్నాప్​డ్రాగన్​ 8 జెన్​ 3 లేదా ఎక్సినోస్​ 2400 చిప్​సెట్​ వీటిల్లో కనిపించే అవకాశం ఉంది.

ఈ రెండు స్మార్ట్​ఫోన్స్​లోనూ 50ఎంపీ ప్రైమరీ, 12ఎంపీ సెకెండరీ, 10ఎంపీ రేర్​ కెమెరా సెటప్​ ఉంటుందట. సెల్ఫీ, వీడియో కాల్స్​ కోసం 12ఎంపీ ఫ్రెంట్​ కెమెరా లభిస్తుందని టాక్​. ఆండ్రాయిడ్​ 14 ఆధారిత వన్​యూఐ6 సాఫ్ట్​వేర్​పై ఈ మోడల్స్​ పనిచేస్తాయి.

Samsung Galaxy S24 ultra : ఇక సామ్​సంగ్​ గెలాక్సీ ఎస్​24 అల్ట్రాలో టిటానియమ్​ ఫ్రేమ్​ ఉండొచ్చు. క్వాల్కమ్​ స్నాప్​డ్రాగన్​ 8 జెన్​ 3 ప్రాసెసర్​ దీని సొంతం! 200ఎంపీతో కూడిన ట్రిపుల్​ రేర్​ కెమెరా ఇందులో ఉంటుదట. సెల్ఫీ కోసం 12ఎంపీ కెమెరా మాత్రమే వచ్చే అవకాశం ఉంది.

సామ్​సంగ్​ కొత్త స్మార్ట్​ఫోన్​ సిరీస్​ ధర ఎంత ఉండొచ్చు..?

2024 జనవరి 17న.. అమెరికా కాలిఫోర్నియా వేదికగా జరగనున్న ఓ ఈవెంట్​లో ఈ సామ్​సంగ్​ గెలాక్సీ ఎస్​24 సిరీస్​ లాంచ్​కానుంది. ఈ వేరియంట్స్​ ధరలపై ప్రస్తుతం క్లారిటీ లేదు. కాకపోతే.. వీటి ధరలు రూ. 75000, రూ. 83500, రూ. 1.1లక్షలకు అటు ఇటుగా ఉండొచ్చని మార్కెట్​ వర్గాలు భావిస్తున్నాయి.

సామ్​సంగ్​ కొత్త మిడ్​- రేంజ్​ స్మార్ట్​ఫోన్​…

Samsung Galaxy S24 price in India : సరికొత్త మిడ్​- రేంజ్​ స్మార్ట్​ఫోన్​ని సామ్​సంగ్​ సంస్థ సిద్ధం చేస్తోందని సమాచారం. దీని పేరు గెలాక్సీ ఏ25. ఇదొక 5జీ గ్యాడ్జెట్​. ఈ మోడల్​ ఫీచర్స్​ ఆన్​లైన్​లో లీక్​ అయ్యాయి.

రూమర్స్​, లీక్స్​ ప్రకారం.. సామ్​సంగ్​ గెలాక్సీ ఏ25లో ఎక్సినోస్​ 1280 చిప్​సెట్​ ఉంటుంది. 50ఎంపీ ప్రైమరీ, 8ఎంపీ అల్ట్రా-వైడ్​, 2ఎంపీ మాక్రో లెన్స్​తో కూడిన ట్రిపుల్​ రేర్​ సెటప్​ ఈ స్మార్ట్​ఫోన్​లో ఉంటుంది. ఇక సెల్ఫీ, వీడియో కాల్స్​ కోసం ఈ గ్యాడ్జెట్​లో 13ఎంపీ ఫ్రెంట్​ కెమెరా ఉండొచ్చు. పూర్తి వివరాల కోసం ఇక్కడ క్లిక్​ చేయండి.