Samsung Galaxy Ring : శాంసంగ్​ గెలాక్సీ రింగ్​ లాంచ్​కు రెడీ- సూపర్​ కూల్​ ఫీచర్స్​!

Samsung Galaxy Ring features : ఈ ఏడాది ప్రారంభంలో జరిగిన మొబైల్ వరల్డ్ కాంగ్రెస్ (ఎండబ్ల్యూసీ)లో శాంసంగ్.. తన గెలాక్సీ రింగ్​ను ఆవిష్కరించింది. 2024 ద్వితీయార్థంలో ఈ స్మార్ట్ రింగ్​ను లాంచ్ చేసే ప్రణాళికలను కంపెనీ ధృవీకరించింది. ఇటీవల ఆన్​లైన్​ బజ్​తో పాటు బ్లూటూత్ ఎస్ఐజి సర్టిఫికేషన్ వైరల్​ అవ్వడంతో.. ఈ శాంసంగ్​ గెలాక్సీ రింగ్​ విడుదల త్వరలోనే ఉండొచ్చని సంకేతాలు కనిపిస్తున్నాయి. ఈ నేపథ్యంలో ఈ గ్యాడ్జెట్​ ఫీచర్స్​తో పాటు ఇప్పటవరకు అందుబాటులో ఉన్న వివరాలను ఇక్కడ చూసేయండి..

శాంసంగ్ గెలాక్సీ రింగ్ ఫీచర్లు..

శాంసంగ్ గెలాక్సీ రింగ్ 5 నుంచి 13 సైజుల్లో, ఎస్ నుంచి ఎక్స్ ఎల్ వరకు తొమ్మిది రకాల సైజుల్లో అందుబాటులో ఉండనుంది. అందరికి ఫిట్​ అయ్యేలా చాలా జాగ్రత్తగా దీనిని శాంసంగ్​ రూపొందిస్తోందని అర్థం చేసుకోవచ్చు. బ్లూటూత్ ఎస్ఐజీ సర్టిఫికేషన్ గెలాక్సీ రింగ్ మోడల్స్​ను వెల్లడించింది. వీటిలో ఎస్ఎమ్-క్యూ 500, ఎస్ఎమ్-క్యూ 501, ఎస్ఎమ్-క్యూ 502, ఎస్ఎమ్-క్యూ 503, ఎస్ఎమ్-క్యూ 505, ఎస్ఎమ్-క్యూ 506, ఎస్ఎమ్-క్యూ 507, ఎస్ఎమ్-క్యూ 508 మరియు ఎస్ఎమ్-క్యూ 509 ఉన్నాయి.

ఇదీ చూడండి:- Vivo Y200 Pro : ఇండియాలో వివో వై200 ప్రో లాంచ్​- ఫీచర్స్​, ధర వివరాలివే!

Samsung Galaxy Ring launch date : ఈ శాంసంగ్​ గెలాక్సీ రింగ్​ బ్యాటరీ సామర్థ్యం మరో ప్రత్యేకత! అతిచిన్న పరిమాణంలో 14.5 ఎంఏహెచ్ బ్యాటరీ, అతిపెద్ద పరిమాణంలో 21.5 ఎంఏహెచ్ బ్యాటరీ ఉండే అవకాశం ఉంది. ఈ సామర్థ్యం మోడల్ పరిమాణాన్ని బట్టి ఒక్కసారి ఛార్జ్ చేస్తే 5 నుంచి 9 రోజుల బ్యాటరీ లైఫ్ కలిగి ఉండే అవకాశం ఉంది. ఇది నిజంగా వావ్​! అనాల్సిన విషయమే.

హెల్త్ ట్రాకింగ్ సామర్థ్యాలు..

గెలాక్సీ రింగ్ హెల్త్ ట్రాకింగ్ కోసం రూపొందించిన ఇంటిగ్రేటెడ్ సెన్సార్ శ్రేణితో వస్తుందని శాంసంగ్ హోన్ పాక్ ధృవీకరించింది. ఈ పరికరంలో హృదయ స్పందన పర్యవేక్షణ, బ్రీథింగ్​ రేటు ట్రాకింగ్, స్లీప్ మూవ్మెంట్ ట్రాకింగ్, స్లీప్​ స్టార్ట్​ టైమ్​ వంటి ఫీచర్లు ఉండొచ్చు. వీటితో పాటు శాంసంగ్​ స్థాపించిన పార్టనర్​ యాప్​ నేచురల్స్​ సైకిల్స్​ ఇంటిగ్రేషన్​తో.. ఈ శాంసంగ్​ రింగ్​లో సైకిల్​- ఫర్టిలిటీ ట్రాకింగ్​ ఫీచర్స్​ కూడా ఉందే అవకాశం ఉంది.

Samsung Galaxy Ring expected price : రాబోయే శాంసంగ్ గెలాక్సీ రింగ్ వివిధ పరిమాణాలు, గణనీయమైన బ్యాటరీ లైఫ్ మద్దతుతో హెల్త్ ట్రాకింగ్​కు అనుగుణంగా అనేక ఫీచర్లతో వస్తుందని మార్కెట్​ వర్గాలు భావిస్తున్నాయి. ఈ పరికరం ఇప్పుడు బ్లూటూత్ ఎస్ఐజి సర్టిఫికేషన్ వెబ్​సైట్​లో కనిపించినందున, దాని లాంచ్ 2024 ద్వితీయార్ధంలో కచ్చితంగా ఉంటుందని అంచనాలు పెరిగాయి.

ఈ గ్యాడ్జెట్​ లాంచ్​ డేట్​తో పాటు ధర వంటి వివరాలపై క్లారిటీ రావాల్సి ఉంది.

ఇంకో విషయం! హెచ్​టీ తెలుగు ఇప్పుడు వాట్సప్ ఛానల్స్​లో అందుబాటులో ఉంది! టెక్​​ ప్రపంచం నుంచి ఎటువంటి అప్​డేట్​ని మీరు మిస్ కాకుండా ఉండటానికి హెచ్​టీ తెలుగు వాట్సాప్​ ఛానెల్​ని ఇప్పుడే సబ్​స్క్రైబ్​ చేసుకోండి.