Samsung Galaxy A25 : సామ్​సంగ్​ కొత్త మిడ్​- రేంజ్​ స్మార్ట్​ఫోన్​.. గెలాక్సీ ఏ25 ఫీచర్స్​ ఇవే!

Samsung Galaxy A25 : సరికొత్త మిడ్​- రేంజ్​ స్మార్ట్​ఫోన్​ని సామ్​సంగ్​ సంస్థ సిద్ధం చేస్తోందని సమాచారం. దీని పేరు గెలాక్సీ ఏ25. ఇదొక 5జీ గ్యాడ్జెట్​. ఈ మోడల్​ ఫీచర్స్​ ఆన్​లైన్​లో లీక్​ అయ్యాయి. ఆ వివరాలు..

సామ్​సంగ్​ గెలాక్సీ ఏ25 5జీ ఫీచర్స్​ ఇవేనా..?

రూమర్స్​, లీక్స్​ ప్రకారం.. సామ్​సంగ్​ గెలాక్సీ ఏ25లో ఎక్సినోస్​ 1280 చిప్​సెట్​ ఉంటుంది. 50ఎంపీ ప్రైమరీ, 8ఎంపీ అల్ట్రా-వైడ్​, 2ఎంపీ మాక్రో లెన్స్​తో కూడిన ట్రిపుల్​ రేర్​ సెటప్​ ఈ స్మార్ట్​ఫోన్​లో ఉంటుంది. ఇక సెల్ఫీ, వీడియో కాల్స్​ కోసం ఈ గ్యాడ్జెట్​లో 13ఎంపీ ఫ్రెంట్​ కెమెరా ఉండొచ్చు. వాటర్​ డ్రాప్​ స్టైల్​ డిజైన్​తో కూడిన 6.5 ఇంచ్​ ఫుల్​ హెచ్​డీ+ డిస్​ప్లే.. ఇందులో ఉండే అవకాశం ఉంది.

Samsung Galaxy A25 price in India : ఇతర ఫీచర్స్​ విషయానికొస్తే.. ఈ సామ్​సంగ్​ గెలాక్సీ ఏ25 5జీలో 5000ఎంఏహెచ్​ బ్యాటరీ ఉంటుంది. దీనికి 25వాట్​ ఫాస్ట్​ ఛార్జింగ్​ సపోర్ట్​ లభిస్తుంది. యూఎస్​బీ టైప్​-సీ పోర్ట్​ వస్తుంది. 5జీ కనెక్టివిటీ ఫీచర్స్​ ఇందులో ఉంటాయి. 6జీబీ ర్యామ్​- 128జీబీ స్టోరేజ్​, 8జీబీ ర్యామ్​- 256జీబీ స్టోరేజ్​ వంటి రెండు వేరియంట్లు.. ఈ సామ్​సంగ్​ మొబైల్​లో ఉంటాయి.

ఈ 5జీ స్మార్ట్​ఫోన్​ సర్టిఫికేషన్​ ప్రక్రియ పూర్తయినట్టు సమాచారం. ఈ మొడల్​ ప్రారంభ ధర రూ. 26,800- 35,800 మధ్యలో ఉండొచ్చని టాక్​ నడుస్తోంది.

Samsung Galaxy A25 features : ఈ సామ్​సంగ్​ ఏ25 5జీకు చెందిన ఇతర ఫీచర్స్​, ధరకు సంబంధించిన వివరాలు ప్రస్తుతం అందుబాటులో లేదు. లాంచ్​ డేట్​పైనా క్లారిటీ లేదు. కాకపోతే.. అంతర్జాతీయ లాంచ్​ తర్వాత, ఈ మోడల్​ ఇండియాలోకి అడుగుపెడుతుందని సంబంధిత వర్గాలు చెప్పాయి. ఈ స్మార్ట్​ఫోన్​ ఫీచర్స్​పై సంస్థ అధికారిక ప్రకటన చేయాల్సి ఉంది.

ఒప్పో రెనో 11 లాంచ్​కు సిద్ధం..!

రెనో 11 సిరీస్​ని ఒప్పో సంస్థ తయారు చేస్తున్న సమాచారం. చైనా మార్కెట్​లో లాంచ్​కు ఈ సిరీస్​ సిద్ధమవుతోందని తెలుస్తోంది. ఈ స్మార్ట్​ఫోన్​కి సంబంధించిన కీలక​ ఫీచర్స్​ ఆన్​లైన్​లో లీక్​ అయ్యాయి.

ఈ స్మార్ట్​ఫోన్​లోని ప్రో మోడల్​లో.. కర్వ్​డ్​ ఎడ్జ్​తో కూడిన ఓఎల్​ఈడీ డిస్​ప్లే ఉంటుందట. 1.5కే రిసొల్యూషన్​ దీని సొంతం. ఈ గ్యాడ్జెట్​లో డైమెన్సిటీ స్నాప్​డ్రాగన్​ 8 ప్లస్​ జెన్​ 1 చిప్​సెట్​ ఉండనుందని టాక్​ నడుస్తోంది. పూర్తి వివరాల కోసం ఇక్కడ క్లిక్​ చేయండి.