Bullet 350 vs Honda H'ness CB350 : ఈ రెండు బైక్స్​లో ఏది బెస్ట్​?

Bullet 350 vs Honda H'ness CB350 : రాయల్​ ఎన్​ఫీల్డ్​ బుల్లెట్​ 350కి 2023 వర్షెన్​ను లాంచ్​ చేసింది దిగ్గజ ఆటోమొబైల్​ సంస్థ. ఈ బైక్​.. హోండా హైనెస్​ సీబీ350కి గట్టిపోటీగా మారుతుందని మార్కెట్​లో అంచనాలు ఉన్నాయి. ఈ నేపథ్యంలో ఈ రెడింటినీ పోల్చి.. ఏది బెస్ట్​? అన్నది ఇక్కడ తెలుసుకుందాము..

ఈ రెండు బైక్స్​ ఫీచర్స్​ ఇవే..

2023 రాయల్​ ఎన్​ఫీల్డ్​ బుల్లెట్​ 350లో టియర్​డ్రాప్​ షేప్​ ఫ్యూయెల్​ ట్యాంక్​ ఉంటుంది. సర్క్యులర్​ హెడ్​ల్యాంప్​, సిగ్నేచర్​ టైగర్​ ఐ పిలట్​ ల్యాంప్స్​, సింగిల్​ పీస్​ సీట్​, ఇంటిగ్రేటెడ్​ గ్రాబ్​ రెయిల్​, వయర్​ స్పోక్డ్​ వీల్స్​ వంటివి లభిస్తున్నాయి.

ఇక 2023 హోండా హైనెస్​ సీబీ350లో స్కల్ప్​టెడ్​ ఫ్యూయెల్​ ట్యాంక్​, రౌండ్​ ఎల్​ఈడీ హెడ్​ల్యాంప్​, స్లీక్​ ఎల్​ఈడీ టెయిల్​లైట్​, వైడ్​ హ్యాండిల్​బార్​, అప్​స్వెప్ట్​ ఎగ్సాస్ట్​, డిజైనర్​ అలాయ్​ వీల్స్​ వస్తున్నాయి.

ఈ రెండు బైక్స్​ ఇంజిన్​, సేఫ్టీ ఫీచర్స్​ ఇవే..

2023 Royal Enfield Bullet 350 : సరికొత్త బుల్లెట్​ 350, హోండా హైనెస్​ సీబీ350 మోడల్స్​లోని రెండు వీల్స్​కు డిస్క్​ బ్రేక్స్​తో పాటు డ్యూయెల్​ ఛానెల్​ ఏబీఎస్​ వంటి సేఫ్టీ ఫీచర్స్​ వస్తున్నాయి. అయితే.. హోండా బైక్​లో హెచ్​ఎస్​టీసీ (హోండా సెలెక్టెబుల్​ టార్క్​ కంట్రోల్​) ఫీచర్​ కూడా వస్తోంది.

రెండు బైక్స్​కు ఫ్రెంట్​లో టెలిస్కోపిక్​ ఫోర్క్స్​, రేర్​లో డ్యూయెల్​ షాక్​ అబ్సార్బర్స్​ వంటివి లభిస్తున్నాయి.

ఇక పర్ఫార్మెన్స్​ విషయానికొస్తే.. బుల్లెట్​ 350లో 349సీసీ సింగిల్​ సిలిండర్​ జే సిరీస్​ ఇంజిన్​ ఉంటుంది. ఇది 20 హెచ్​పీ పవర్​ను, 27ఎన్​ఎం టార్క్​ను జనరేట్​ చేస్తుంది. 2023 హోండా హైనెస్​ సీబీ350లో 348.6 సీసీ, ఎయిర్​ కూల్డ్​, ఫ్యుయెల్​ ఇంజెక్టెడ్​, సింగిల్​ సిలిండర్​ మోటార్​ ఉంటుంది. ఇది 20.8 హెచ్​పీ పవర్​ను, 30ఎన్​ఎం టార్క్​ను జనరేట్​ చేస్తుంది.

వీటి ధరల వివరాలివే..

Royal Enfield Bullet 350 price : 2023 రాయల్​ ఎన్​ఫీల్డ్​ బుల్లెట్​ 350 ఎక్స్​షోరూం ధర రూ. 1.74లక్షలు- రూ. 2.16లక్షల మధ్యలో ఉంటుంది. 2023 హోండా హైనెస్​ సీబీ350 ఎక్స్​షోరూం ధర రూ. 2.1లక్షలు- రూ. 2.15లక్షల మధ్యలో ఉంటుంది.