Most expensive car : ఇండియాలో ఈ రోల్స్​ రాయిస్​ కారు కొనాలంటే రూ. 9కోట్లు ఖర్చు చేయాల్సిందే..

రోల్స్ రాయిస్ మోటార్ కార్స్ తన పాపులర్ లగ్జరీ సెడాన్ అప్​డేటెడ్ వర్షెన్​ని ఇండియాలోకి తీసుకొచ్చింది. కొత్త ఘోస్ట్ ఫేస్​లిఫ్ట్​ని భారతదేశంలో ఇటీవలే ప్రవేశపెట్టింది. ఈ రోల్స్ రాయిస్ ఘోస్ట్ సిరీస్ 2 స్టాండర్డ్ వేరియంట్ ధర రూ .8.95 కోట్లు. ఎక్స్టెండెడ్ వేరియంట్ ధర రూ .10.19 కోట్లు. టాప్-స్పెక్ బ్లాక్ బ్యాడ్జ్ ధర రూ .10.52 కోట్లు. ఇవన్ని ఎక్స్-షోరూమ్ ధరలు. ఈ లగ్జరీ సెడాన్​ బుకింగ్స్​ ఇప్పటికే ప్రారంభమయ్యాయి. డెలవరీలు 2025లో జరుగుతాయని తెలుస్తోంది. ఈ నేపథ్యంలో ఈ రోల్స్​ రాయిస్​ లగ్జరీ కారు వివరాలను ఇక్కడ తెలుసుకుందాము..

రోల్స్ రాయిస్ ఘోస్ట్ సిరీస్ 2 ఫేస్​లిఫ్ట్​..

కల్లినన్ సిరీస్ 2 భారత మార్కెట్లోకి ప్రవేశించిన కొన్ని నెలల తర్వాత ఘోస్ట్ సిరీస్ 2 కూడా వచ్చేసింది. ఈ మోడల్​ని సంస్థ ఈ సంవత్సరం ప్రారంభంలో అంతర్జాతీయ మార్కెట్​లో ఆవిష్కరించింది. ఫేస్​లిఫ్ట్​ వర్షెనల్​ ముందు బంపర్​లో చిన్న గ్రిల్, మెయిన్ ప్రొజెక్టర్ హెడ్ ల్యాంప్స్ చుట్టూ చుట్టిన ఎల్​ఈడీ డీఆర్ఎల్స్​, కొత్త అల్లాయ్ వీల్స్​తో రివైజ్డ్ ఫ్రంట్ ప్రొఫైల్​ వస్తుంది. వెనుక భాగంలో రిఫ్రెష్డ్ డిజైన్​తో పాటు వాహనం ఇరువైపులా టెయిల్ లైట్లు వస్తున్నాయి.

ఈ లగ్జరీ సెడాన్​ క్యాబిన్​లో గ్రే స్టెయిన్డ్ యాష్, డ్యూయాలిటీ ట్విల్ వంటి కొత్త మెటీరియల్స్ లభిస్తాయి. కొత్త డ్యూయాలిటీ ట్విల్ ఇంటీరియర్​ని 2.2 మిలియన్ స్టిచెస్​, 17.7 కిలోమీటర్ల థ్రెడ్ వర్క్​తో పూర్తి చేయడానికి 20 గంటలు పడుతుందని కంపెనీ తెలిపింది. రోల్స్ రాయిస్ కస్టమర్లు కస్టమైజేషన్ విషయానికి వస్తే అనేక ఆప్షన్స్​ని పొందుతారు. ఆ ఆప్షన్స్​ అన్ని ఒకదానికొకటి ప్రత్యేకంగా ఉంటాయి.

రోల్స్ రాయిస్ ఘోస్ట్ సిరీస్ 2లో డ్యాష్ బోర్డ్ వెడల్పును కవర్ చేసే కొత్త గ్లాస్ ప్యానెల్ కూడా ఉంది. వాహన తయారీ సంస్థ డిజిటల్ ఇన్​స్ట్రుమెంట్ కన్సోల్​ని కూడా అప్డేట్ చేసింది. ఇన్-కార్ కనెక్టివిటీ సిస్టమ్​తో యూఐ అప్​గ్రేడ్స్​ని పొందింది. ఇది వెనుక ప్రయాణీకులు రెండు స్ట్రీమింగ్ పరికరాలను వారి స్క్రీన్లకు కనెక్ట్ చేయడానికి అనుమతిస్తుంది. రేర్ ఇన్ఫోటైన్మెంట్ సిస్టమ్ వైర్లెస్ హెడ్​ఫోన్స్​తో జత చేయవచ్చు. రోల్స్​ రాయిస్​ ఘోస్ట్ సిరీస్ 2 ఇప్పుడు 1400-వాట్ల ప్రీమియం సౌండ్ సిస్టమ్​ని ఉపయోగిస్తుంది. ఇది మునుపటి వర్షెన్​లలో కనిపించే 1300-వాట్ల వ్యవస్థను రిప్లేస్​ చేస్తుంది.

రోల్స్ రాయిస్ ఘోస్ట్ సిరీస్ 2:

రోల్స్ రాయిస్ ఘోస్ట్ సిరీస్ 2 లో 6.75-లీటర్ ట్విన్-టర్బో వీ12 ఇంజిన్ ఉంటుంది. స్టాండర్డ్, ఎక్స్టెండెడ్ వర్షెన్లలో ఇది 555 బీహెచ్​పీ పవర్​ని, 850 ఎన్ఎమ్ టార్క్​ని కనెక్ట్​ చేస్తుంది. బ్లాక్ బ్యాడ్జ్ వర్షెన్​ 584 బీహెచ్​పీ, 900 ఎన్ఎమ్ గరిష్ట టార్క్​ని ఉత్పత్తి చేస్తుంది. రెండు వర్షన్లు 8-స్పీడ్ ఆటోమేటిక్ ట్రాన్స్​మిషన్​తో కనెక్ట్​ చేసి ఉంటాయి.

రోల్స్ రాయిస్ ఘోస్ట్ బ్లాక్ బ్యాడ్జ్​ బ్రేకింగ్ సిస్టెమ్​ని కూడా మెరుగుపరిచింది. కొత్త 'లో' డ్రైవ్ మోడ్ కూడా ఉంది. ఇది థ్రోటిల్ 90 శాతం తెరిచి ఉన్నప్పుడు గేర్ ఛేంజెస్​ని 50 శాతం వేగంగా చేస్తుంది.