Rishabh Pant accident : కార్లకు మంటలు ఎందుకు అంటుకుంటాయి? ఆ సమయంలో ఏం చేయాలి?
Rishabh Pant accident latest news : అసలు వాహనాలకు మంటలు ఎందుకు అంటుకుంటాయి? ఆ సమయంలో ఏం చేయాలి? వంటి వివరాలు ఇక్కడ తెలుసుకుందాము..
Rishabh Pant accident latest news : టీమ్ఇండియా ఆటగాడు రిషభ్ పంత్కు జరిగిన ప్రమాదం.. దేశాన్ని షాక్కు గురిచేసింది. శుక్రవారం తెల్లవారుజామున.. ఢిల్లీ- డెహ్రాడూన్ హైవేపై ఈ ప్రమాదం చేటుచేసుకుంది. రిషభ్ పంత్ ప్రయాణిస్తున్న వాహనంలో ఒక్కసారిగా మంటలు చెలరేగాయి. మంటల్లో చిక్కుకున్న అతడు.. అద్దాలు పగలగొట్టుకుని బయటకు వచ్చాడు. ఈ ఘటనలో రిషభ్ పంత్కు గాయాలయ్యాయి. ప్రస్తుతం అతను చికిత్స పొందుతున్నాడు. ఈ నేపథ్యంలో కార్లలో భద్రతా ప్రమాణాలపై మరోమారు చర్చలు మొదలయ్యాయి. ఈ క్రమంలో.. వాహనాలకు అసలు మంటలు ఎందుకు అంటుకుంటాయి? ఆ సమయంలో ఏం చేయాలి? అన్న విషయాలను తెలుసుకుందాము..
ట్రెండింగ్ వార్తలు
కార్లకు మంటలు ఎందుకు అంటుకుంటాయి?
సాధారణంగా.. వాహనాలు హైస్పీడ్లో ఉండి, దేనినైనా ఢీకొంటే.. మంటలు చెలరేగుతాయి. రిషభ్ పంత్కు జరిగిన ప్రమాదంలోనూ ఇదే చోటుచేసుకుంది! మెర్సిడెస్ జీఎల్ఈ ఎస్యూవీని అతను హైస్పీడ్లో నడుపుతున్నట్టు సీసీటీవీ కెమెరాలు స్పష్టం చేశాయి. హైస్పీడ్లోనే కారు.. ఓ డివైడర్ను ఢీకొట్టింది. రిషభ్ పంత్ నిద్రమత్తులోకి జారుకోవడంతో ఈ ఘటన చోటుచేసుకున్నట్టు వార్తలు వస్తున్నాయి. కాగా.. డీవైడర్ను ఢీకొట్టిన కొద్ది క్షణాల్లోనే కారులో మంటలు వ్యాపించాయి.
Why do cars catch fire : వాహనాల తయారీలో వినియోగించే ప్లాస్టిక్, ఫోమ్, ఎలక్ట్రికల్ వైరింగ్, ఫాబ్రిక్ కారణంగా అగ్నిప్రమాదం చోటుచేసుకునే అవకాశం ఉంటుంది. ఫైర్ ఎక్స్టింగ్యూషర్ వంటి పరికరాలు వాహనాల్లో ఉండకపోవడం.. మరింత ఆందోళన కలిగించే విషయం.
ప్రమాదాలు ఎప్పుడు, ఎలా జరుగుతాయో ఎవరూ చెప్పలేరు. కానీ కొన్ని జాగ్రత్తలు పాటిస్తే.. ప్రమాదాల నుంచి మనల్ని మనం రక్షించుకోవచ్చు. ఆ జాగ్రత్తలను తెలుసుకుందాము..
కారు నుంచి బయటపడాలి..
Rishabh Pant car accident : మంటలు అంటుకున్న వాహనం నుంచి ఎలాగైనా బయటపడాలి. అదే మొదటి ప్రయారిటీ. ఎంత ప్రయత్నించినా.. కారులో నుంచి బయటకు రాలేకపోతుంటే.. పదునైన పరికరాలతో అద్దాలను పగలగొట్టి, వెంటనే బయటపడాలి.
చిన్నపాటి మంట అంటుకున్నా.. అది క్షణాల్లోనే కారు మొత్తానికి వ్యాపిస్తుంది. అందుకే..ఫైర్ ఎక్స్టింగ్యూషర్ను కారులో పెట్టుకోవడం ఉత్తమమైన విషయం.
బాధితులకు సాయం చేయాలి..
మంటలు అంటుకున్న కారు వద్ద మీరు ఉంటే.. లోపల ఉన్న వారిని రక్షించేందుకు ప్రయత్నించాలి. రిషభ్ పంత్ విషయంలో.. స్థానికులు ఇదే చేశారు! ఫలితంగా అతను ప్రాణాపాయం నుంచి బయటపడ్డాడు.
Car fire extinguisher : బాధితులు.. డోర్ని లేదా సీట్ బెల్ట్ను తీయడానికి ఇబ్బంది పడుతుంటే.. పదునైన ఆయుధాలతో విండోలు బద్దలు కొట్టి, వారిని బయటకు లాగేయాలి.
ఫస్ట్ ఎయిడ్ కిట్..
ఈ మధ్యకాలంలో.. చాలా వాహనాల్లో ఫస్ట్ ఎయిడ్ కిట్లు ఉంటున్నాయి. స్వల్ప గాయాలైతే చికిత్స పొందే విధంగా ఇవి ఉంటాయి. అదే సమయంలో.. ఆలోవేరా జెల్ వంటివి పెట్టుకుంటే.. చర్మ కాలినప్పుడు వాడుకోవచ్చు.
ఎమర్జెన్సీ సేవలు పొందాలి..
Rishab Pant latest news : చిన్నపాటి అగ్నిప్రమాదం అయితే.. ఫైర్ ఎక్స్టింగ్యూషర్తో ఆపేయవచ్చు. ఆ తర్వాత రోడ్సైడ్ అసిస్టెన్స్కు, బీమా సంస్థకు ఫోన్ చేయవచ్చు. రిషభ్ పంత్ కారు.. గుర్తుపట్టలేని విధంగా, దారుణంగా దెబ్బతింది. ఈ సమయంలో అగ్నిమాపక సిబ్బందిని పిలవాల్సి ఉంటుంది. ట్రాఫిక్ అధికారులను కూడా పిలిస్తే.. రోడ్డు మీద ట్రాఫిక్కు అంతరాయం కలగదు!
మంటలు అంటుకున్న కారు నుంచి దూరంగా ఉండాలి..
మీ చుట్టుపక్కనా ఏదైనా కారుకు మంటలు అంటుకుంటే.. దాని నుంచి మీరు, మీ వాహనం దూరంగా ఉండాలి. లేకపోతే.. మీకు, మీ వెహికిల్కి కూడా ప్రమాదం జరిగే అవకాశం ఉంది.
ఢిల్లీలో ఇటీవలే ఓ కారుకు మంటలు అంటుకున్నాయి. ఆ మంటలు.. పక్కనే ఉన్న 20 వాహనాలకు వ్యాపించాయి. ఫలితంగా ఆ వాహనాలన్నీ మంటల్లో ఆహుతైపోయాయి!