Best family car : ఇండియాలో లో- కాస్ట్ బెస్ట్ ఫ్యామిలీ 7 సీటర్ ఇది- ఇప్పుడు సరికొత్తగా..
Renault Triber facelift : రెనాల్ట్ ట్రైబర్ ఫేస్లిఫ్ట్ రెడీ అవుతోంది! ఈ ఏడాది చివరి నాటికి ఇది ఇండియాలో లాంచ్ అవుతుందని సమాచారం. ఈ నేపథ్యంలో ఈ మోడల్పై ఇప్పటివరకు ఉన్న వివరాలను ఇక్కడ తెలుసుకోండి..
ఇండియాలో లో-కాస్ట్ 7 సీటర్స్లో ఒకటి రెనాల్ట్ ట్రైబర్. దీనికి ఫ్యామిలీ కారుగా మంచి గుర్తింపు ఉంది. ఈ ట్రైబర్కిి ఫేస్లిఫ్ట్ని సంస్థ ప్లాన్ చేస్తోంది. ఇక ఇప్పుడు రెనాల్ట్ ట్రైబర్ ఫేస్లిఫ్ట్పై తొలి టెస్టింగ్ జరిగింది. అందుకు సంబంధించిన కొన్ని ఫొటోలు బయటకు వచ్చాయి. ఈ సబ్ కాంపాక్ట్ ఎంపీవీలో చాలా మార్పులు ఉంటాయని వీటి ద్వారా తెలుస్తోంది. అప్డేటెడ్ రెనాల్ట్ ట్రైబర్ ఈ సంవత్సరం చివరి నాటికి లాంచ్ అవుతుందని సమాచారం. కొత్త స్పై షాట్ ఫ్లాట్-బెడ్పై టెస్ట్ మ్యూల్ని చూపిస్తున్నాయి.
2025 రెనాల్ట్ ట్రైబర్ ఫేస్లిఫ్ట్: అంచనాలు..
స్పై షాట్స్ ఎక్కువగా ఈ బెస్ట్ 7 సీటర్ ఎంపీవీ వెనుక భాగాలను వెల్లడిస్తుంది. మొత్తం సిల్హౌట్ అలాగే ఉంటుంది. కానీ కొత్త ట్రైబర్ అప్డేటెడ్ టెయిల్ లైట్లు, టెయిల్గేట్, బంపర్లను పొందుతుంది. ఫ్రెంట్ కూడా సూక్ష్మమైన మార్పులను కలిగి ఉంటుందని ఆశించవచ్చు. మొత్తం మీద చూసుకుంటే.. ఇప్పుడున్న మోడల్తో పోల్చితే, కొత్త మోడల్లో భారీగా మార్పులు ఉండకపోవచ్చని తెలుస్తోంది.
2025 రెనాల్ట్ ట్రైబర్ ఫేస్లిఫ్ట్: క్యాబిన్ అప్గ్రేడ్స్
క్యాబిన్లో రీస్టైల్డ్ డ్యాష్బోర్డ్, రివైజ్డ్ ఇన్స్ట్రుమెంట్ కన్సోల్, ఇన్ఫోటైన్మెంట్ సిస్టెమ్లు, మరింత సాఫ్ట్టచ్ మెటీరియల్స్ సహా అనేక మార్పులు ఉంటాయి. నిస్సాన్ మాగ్నైట్ ఫేస్లిఫ్ట్కు మరిన్ని ఫీచర్లను జోడించడం చూశాము కాబట్టి రెనాల్ట్ ట్రైబర్ ఫేస్లిఫ్ట్ సైతం ఇలాంటి మార్పులనే చూసే అవకాశం ఉంది. మాగ్నైట్, ఖైగర్స ట్రైబర్ అన్నీ తమిళనాడులోని రెనాల్ట్-నిస్సాన్ అలయెన్స్ ప్లాంటులో తయారవుతాయి. ఒకే వేదికపై ఆధారపడి ఉన్నాయని గమనించండి. రెనాల్ట్ కూడా ఈ అవకాశాన్ని ఉపయోగించుకుని మూడో వరుస సీటింగ్ను మెరుగుపరుచుకునే అవకాశం ఉంది.
2025 రెనాల్ట్ ట్రైబర్ ఫేస్లిఫ్ట్: ఇంజిన్ ఆప్షన్స్..
కొత్త రెనాల్ట్ ట్రైబర్లో చాలా మార్పులు కాస్మెటిక్గా ఉండే అవకాశం ఉంది. మెకానికల్స్ అలాగే ఉంటాయి. ఇందులోని 1.0-లీటర్ నేచురల్ ఆస్పిరేటెడ్ పెట్రోల్ ఇంజిన్ ఉంటుంది. ఇది 71బీహెచ్పీ పవర్, 96ఎన్ఎమ్ పీక్ టార్క్ను ఉత్పత్తి చేస్తుంది. ఈ ఇంజిన్ 5-స్పీడ్ మాన్యువల్, ఏఎంటీ యూనిట్తో కనెక్ట్ చేసి ఉంటుంది. ట్రైబర్లో 1.0-లీటర్ టర్బో పెట్రోల్ ఇంజిన్ ఉంటుందని వార్తలు వస్తున్నప్పటికీ ఇప్పట్లో అది సాధ్యం కాదని తెలుస్తోంది.
లాంచ్ సమయం దగ్గరపడే కొద్దీ ఈ 7 సీటర్ ఎంపీవీ ధరతో పాటు ఇతర వివరాలు అందుబాటులోకి వస్తాయి. వాటిని మేము మీకు అప్డేట్ చేస్తాము.
Sharath Chitturi
సంబంధిత కథనం