Renault Kiger facelift : రెనాల్ట్ ఖైగర్ ఫేస్లిఫ్ట్ వర్షెన్- లాంచ్కు రెడీ!
రెనాల్ట్ ఖైగర్ ఫేస్లిఫ్ట్ లాంచ్కు రెడీ అవుతోందని సమాచారం. ఈ నేపథ్యంలో ఈ మోడల్పై ఇప్పటివరకు ఉన్న వివరాలు, అంచనాలను ఇక్కడ తెలుసుకోండి..
రెనాల్ట్ ఖైగర్ ఫేస్లిఫ్ట్ త్వరలో భారతదేశంలో లాంచ్ అయ్యే అవకాశం ఉంది. రెనాల్ట్ ఇటీవల ఖైగర్ లైనప్ను కొత్త ఫీచర్లు, వేరియంట్ కలయికతో అప్డేట్ చేసింది. ఇక ఫుల్ లెన్త్ ఫేస్లిఫ్ట్ వర్షెన్ 2025 రెండో భాగంలో లాంచ్ అయ్యే అవకాశం ఉంది.
రెనాల్ట్ ఖైగర్ ఫేస్లిఫ్ట్..
రెనాల్ట్ ఖైగర్ ఫేస్లిఫ్ట్ ప్రస్తుత ఖైగర్ మాదిరిగానే సిల్హౌట్ను నిలుపుకుంటుందని తెలుస్తోంది. అయితే, ఖైగర్ ఫేస్లిఫ్ట్లో సన్నని, సమాంతరంగా అలైన్ చేసిన ఎల్ఈడీ డీఆర్ఎల్లు, రెస్టిల్డ్ రేడియేటర్ గ్రిల్, పునర్నిర్మించిన ఫ్రంట్ బంపర్ ఉంటాయి. షార్క్ఫిన్ యాంటెనాను జోడిస్తుందని అంచనాలు ఉన్నాయి.
కొత్త 16 ఇంచ్ డైమండ్ కట్ అల్లాయ్ వీల్స్, క్లియర్-లెన్స్ ఎల్ఈడీ టెయిల్ లైట్లు, రీవర్క్ చేసిన బంపర్, రూఫ్ మౌంటెడ్ స్పాయిలర్ ఎక్స్టీరియర్ వంటివి ఇతర ముఖ్య హైలైట్స్. వీటితో పాటు ఫేస్లిఫ్టెడ్ ఖైగర్లో రేర్ వైపర్, వాషర్, బంపర్కు అనుసంధానించిన రీపోజిటెడ్ నంబర్ ప్లేట్ సెక్షన్, రిఫ్రెష్డ్ రెనాల్ట్ లోగో కూడా ఉంటాయని భావిస్తున్నారు.
రెనాల్ట్ ఖైగర్ ఫేస్లిఫ్ట్: క్యాబిన్- ఫీచర్లు..
ఎక్స్టీరియర్ మాదిరిగానే రెనాల్ట్ ఖైగర్ ఫేస్లిఫ్ట్ క్యాబిన్ కూడా చాలావరకు ఒకేలా ఉంటుందని అంచనాలు ఉ న్నాయి. ఖైగర్ ఫేస్లిఫ్ట్లో వైర్లెస్ ఆండ్రాయిడ్ ఆటో, యాపిల్ కార్ప్లేతో కూడిన 8-ఇంచ్ టచ్స్క్రీన్ ఇన్ఫోటైన్మెంట్ సిస్టెమ్ కలిగి ఉంటుందని భావిస్తున్నారు.
పుష్ బటన్ స్టార్ట్, రేర్ ఏసీ వెంట్స్, ఆటోమేటిక్ క్లైమేట్ కంట్రోల్, కీలెస్ ఎంట్రీ, అడ్జెస్టెబుల్ హెడ్రెస్ట్, ఫ్రంట్ అండ్ రేర్ ఆర్మ్రెస్ట్ వంటి ఫీచర్లు ఇందులో ఉన్నాయి. ఖైగర్ ఫేస్లిఫ్ట్ క్యాబిన్ కోసం విభిన్న కలర్ థీమ్ను సంస్థ ఇచ్చే అవకాశం ఉంది.
రెనాల్ట్ ఖైగర్ ఫేస్లిఫ్ట్: స్పెసిఫికేషన్స్..
పవర్ట్రెయిన్ పరంగా, రెనాల్ట్ ఖైగర్ ఫేస్లిఫ్ట్ ప్రస్తుత మోడల్ మాదిరిగానే ఇంజిన్లను నిలుపుకుంటుందని భావిస్తున్నారు. ప్రస్తుత మోడల్ రెండు సెట్ల ఇంజిన్తో వస్తుంది. అవి.. 1.0 లీటర్ నేచురల్ ఆస్పిరేటెడ్ పెట్రోల్ ఇంజిన్, 1.0 లీటర్ టర్బోఛార్జ్డ్ పెట్రోల్ ఇంజిన్.
1.0 లీటర్ నేచురల్ ఆస్పిరేటెడ్ పెట్రోల్ ఇంజిన్ 71బీహెచ్పీ పవర్, 96ఎన్ఎమ్ టార్క్ ప్రొడ్యూస్ చేస్తుంది. టర్బోఛార్జ్డ్ ఇంజిన్ 98బీహెచ్పీ పవర్, 160ఎన్ఎమ్ టార్క్ ప్రొడ్యూస్ చేస్తుంది. నేచురల్ ఆస్పిరేటెడ్ వేరియంట్ 5-స్పీడ్ మాన్యువల్ ట్రాన్స్మిషన్ లేదా 5-స్పీడ్ ఆటోమేటెడ్ మాన్యువల్ ట్రాన్స్మిషన్ (ఏఎంటీ)తో కనెక్ట్ చేసి ఉంటుంది. టర్బోఛార్జ్డ్ ఇంజిన్ 5-స్పీడ్ మాన్యువల్ గేర్బాక్స్ లేదా కంటిన్యూస్ వేరియబుల్ ట్రాన్స్మిషన్ (సీవీటీ)తో వస్తుంది.
సంబంధిత కథనం