Redmi Pad Pro 5G : రెడ్​మీ ప్యాడ్​ ప్రో 5జీ లాంచ్​కు రెడీ- ఫీచర్స్​ ఇవే!-redmi pad pro 5g set to launch soon check out expected features ,బిజినెస్ న్యూస్
తెలుగు న్యూస్  /  బిజినెస్  /  Redmi Pad Pro 5g : రెడ్​మీ ప్యాడ్​ ప్రో 5జీ లాంచ్​కు రెడీ- ఫీచర్స్​ ఇవే!

Redmi Pad Pro 5G : రెడ్​మీ ప్యాడ్​ ప్రో 5జీ లాంచ్​కు రెడీ- ఫీచర్స్​ ఇవే!

Sharath Chitturi HT Telugu
May 30, 2024 06:46 AM IST

Redmi Pad Pro 5G price : రెడ్​మీ ప్యాడ్​ ప్రో 5జీ లాంచ్​కు రెడీ అవుతోంది- ఈ నేపథ్యంలో ఈ గ్యాడ్జెట్​పై ఇప్పటివరకు అందుబాటులో ఉన్న వివరాలను ఇక్కడ తెలుసుకుందాము.

రెడ్​మీ ప్యాడ్ ప్రో 5జీ
రెడ్​మీ ప్యాడ్ ప్రో 5జీ (Xiaomi)

Redmi Pad Pro 5G India launch date : కొత్త రెడ్​మీ ప్యాడ్ ప్రో 5జీ వెర్షన్​ను అభివృద్ధి చేస్తున్నట్లు షియోమీ సీఈఓ లీ జున్ ప్రకటించారు. వైఫై కనెక్టివిటీని మాత్రమే అందించే ప్రస్తుత ప్యాడ్ ప్రో మాదిరిగా కాకుండా ఈ కొత్త మోడల్.. 5జీని కూడా సపోర్ట్ చేస్తుంది. రాబోయే ట్యాబ్లెట్.. ఇప్పుడు ఒక ప్రధాన చైనీస్ సర్టిఫికేషన్ సైట్​లో దర్శనమిచ్చింది. ఫలితంగా.. పలు ఆసక్తికర విషయాలు బయటకు వచ్చాయి. ఆ వివరాలను ఇక్కడ తెలుసుకుందాము..

రెడ్​మీ ప్యాడ్ ప్రో 5జీ: సర్టిఫికేషన్ వివరాలు..

రెడ్​మీ ప్యాడ్ ప్రో 5జీ.. టెనా డేటాబేస్​లో మోడల్ నంబర్ 24074ఆర్ పీడీ2సీతో కనిపించింది. కొత్త ట్యాబ్లెట్.. 5జీ కోసం ఫిజికల్ సిమ్ కార్డును ఉపయోగిస్తుందని, ఈ-సిమ్​కు మద్దతు ఇవ్వదని లీ జున్ ప్రకటనలో పేర్కొన్నారు. డ్యూయెల్ సిమ్ సపోర్ట్, జీపీఎస్, ఏజీపీఎస్, బీడౌ, గ్లోనాస్, డబ్ల్యూఎల్ఏఎన్ వంటి ఫీచర్లు కూడా ఇందులో ఉండనున్నాయి.

Redmi Pad Pro 5G price in India : టెనా సర్టిఫికేషన్ ఉన్న రెడ్​మీ ప్యాడ్ ప్రో 5జీలో.. 4,900 ఎంఏహెచ్ బ్యాటరీ ఉంటుంది. రెగ్యులర్ రెడ్​మీ ప్యాడ్ ప్రోలో 10,000 ఎంఏహెచ్ బ్యాటరీ ఉన్నందున, 5జీ వెర్షన్ కూడా అదే సామర్థ్యాన్ని కలిగి ఉంటుందని భావిస్తున్నారు. 5జీ వెర్షన్ ఒరిజినల్ మోడల్​తో పోల్చదగిన స్పెసిఫికేషన్లను కలిగి ఉంటుందని భావిస్తున్నారు. రెడ్​మీ ప్యాడ్ ప్రోలో 12.1 ఇంచ్​ 2.5కే ఎల్సీడీ ప్యానెల్, 2560 × 1600 రిజల్యూషన్, 120 హెర్ట్జ్ రిఫ్రెష్ రేట్, 180 హెర్ట్జ్ టచ్ శాంప్లింగ్ రేట్ ఉన్నాయి.

క్వాల్కమ్​ స్నాప్​డ్రాగన్ 7ఎస్ జెన్ 2 ఎస్​ఓసీ, 6జీబీ లేదా 8జీబీ ర్యామ్- 128 జీబీ లేదా 256 జీబీ ఇంటర్నల్ స్టోరేజ్ ఎంపికలు ఉన్నాయి. ఆండ్రాయిడ్ 14 ఓఎస్​తో పనిచేసే ఈ ఫోన్​లో.. హైపర్ ఓఎస్ కస్టమ్ స్కిన్ ఉంటుంది. ముందు, వెనుక రెండు వైపులా 8 మెగాపిక్సెల్ కెమెరాలు ఉన్నాయి. 33వాట్ వైర్డ్ ఫాస్ట్ ఛార్జింగ్, ఇన్ డిస్ప్లే ఫింగర్ ప్రింట్ స్కానర్, ఇన్ఫ్రారెడ్ సెన్సార్, బ్లూటూత్ 5.2, డాల్బీ అట్మాస్ సపోర్ట్​తో క్వాడ్ స్పీకర్లు ఇతర ఫీచర్లుగా ఉన్నాయి.

ఈ రెడ్​మీ ప్యాడ్​ ప్రో 5జీ.. తొలుత చైనాలో లాంచ్​ అవుతుంది. ఆ తర్వాత ఇండియాలో అడుగుపెడుతుంది. ఈ గ్యాడ్జెట్​ లాంచ్​ డేట్​, ఇతర ఫీచర్స్​, ధర వంటి వివరాలపై త్వరలో ఓ క్లారిటీ వచ్చే అవకాశం ఉంది.

హానర్​ 200 లాంచ్​..

మరోవైపు.. హానర్​ 200 స్మార్ట్​ఫోన్​ సిరీస్​ని లాంచ్​ చేసింది దిగ్గజ టెక్​ సంస్థ. చైనాలో లాంచ్​ అయిన ఈ సిరీస్​లో.. హానర్​ 200, హానర్​ 200 ప్రో గ్యాడ్జెట్స్​ ఉన్నాయి. త్వరలోనే కొత్త ఫోన్ భారతదేశానికి రానుందని కంపెనీ చెప్పింది.

హానర్ 200లో 6.7 ఇంచ్​ ఫుల్ హెచ్​డీ+ కర్వ్​డ్ ఓఎల్ఈడీ డిస్​ప్లే, 2664×1200 పిక్సల్స్ రిజల్యూషన్, 120 హెర్ట్జ్ రిఫ్రెష్ రేట్ ఉన్నాయి. ఈ స్మార్ట్​ఫోన్ 100% డీసీఐ-పీ3 కలర్ గేమట్, 4,000 నిట్స్ పీక్ బ్రైట్​నెస్ 3,840 హెర్ట్జ్ పీడబ్ల్యుఎమ్ డిమ్మింగ్​ను కలిగి ఉంది. పూర్తి వివరాల కోసం ఇక్కడ క్లిక చేయండి.

WhatsApp channel

సంబంధిత కథనం